وشو شروطك لما تزوجتي....والي ما تزوجت خل تتشرط....؟

[بنت هاي]

مرحبا بلقيسيات كيف حالكن
انشالله تمام حابة اسالكن وشي(ماهي)شرووطكم اللي كتبتووها في عقد الزواج هذا بالنسبة للمتزوجات واللي ما تزوجت خل تتشرط علينا لين الله يكتب لها نصيب وبعد على فكرة للمتزوجات وشو الشرط اللي تضايق منه زوجك وتحسف انه وافق عليه بعد الزواج
نبي تجاوبكم وانا بعد ويياكم:27:

 

[اماراتية دلع]

انا الصراحة ما اشترطت عليه ابدا لانه ولد عمي و من انا صغيرة و انا اتشرط عليه لان احنا مخطوبين قبل لا انولد خخخخخخخ لا تصدقوو عاد
اول ما كبر شوي صار يصرف علي قبل لا نتزوج بحكم انه كان يسكنو جنبنا
لين ما خطبني رسمي
تصدقي شو قالي انتي خلاص خلصتي مهرج و خلصتي المؤخر انا الحين اطالب ابوج خخخخخخ
بس الصراحة ما تشرطت عليه

 

[ana salma]

ماعرف استحيت اتشرط هههه
واصلا عيب عندنا .. يعني احنا نشتري الرجال
لو ماكان فيه تفاهم والشي يجي بحب انا ما ابيه
ولا ابي هالرجال

 

[الثمينه]

اهم شي بيت مستقل
لو يكون معهم اهم شي المدخل والمطبخ يكون مستقل
والا بتعيشون نكد

 

[قصة قلبين]

بيت شرعي واني اكمل دراستي فقط لا غير

 

[بنت هاي]

اما انا فكانت شروطي اكمال الدراسة وسكن مستقل ووظيفة متى ماتوفرت
وطبعا شرط الوظيفة هو الشرط اللي متعب زوجي بحكم انه مقتدر وانه بغنى عن وظيفتي على قولته

 

[Dr Ahmed]

انا اشترطت بيت مستقل \الوظيفة \ الحج

 

[راسيه في الدنيا]

ولد عمي وماهي حلوه اتشرط انا بإمكاني اتشرط عليه بس حسيتها مالها داعي كنت حابه بيت مستقل والحمد لله جات منه ربي يخليه لي

 

[بنت هاي]

الحج
اول مرة اسمع شرط كذا بس والله خوش شرط بس كان حددتي شروط الحج يعني فندق 5 نجوم ووجود محرم وووو
وبصراحة ياليتني كاتبته مع دستة شروطي ,,,,,,,
شكـــــــــــــــــــــــــــــــــــــــرا للمرور

 

[شموخ العطاء]

كنت صغيره لماانخطبت واهلي اسئلوني من باب انهم يبرون ذمتهم قالو وش تبين قلت هاه مدري بس بنت خالي كم مهرها هههههههههههه(لانها كانت بتزوج معي وانا موب فاهمه)واطلب نفس مهرها ورفض الوالد قال عيب وبعدين قام يقول محاضره عن الاقتصاد والاقتداء بالرسول وقالو وش تبين بعد قلت هااااااه ابغي بيت هههههههه مع اني مادري وش الطبخه بس هم اسئلوني وانا ابغي اجاوب اذكر امي فطست من الضحك بس ماقلت للوالد عن هشرط الغبي وبس تزوجت بدون شروط

 

[أتعبني غلاك]

انا كــان شرطـــي بيت مستقـــل

بس للأســـف ماتحقق​

 

[شجون قلبي]

اشترطت الوظيفة والسكن المستقل وبث​

 

[ام ميار]

ما عندي شروط احنا نشتري رجال خخخخ

 

[kook]

مافي شرووووووووط بس المهر والاشياء التانيه معر

 

[فدوة اهلها]

بإذن الله راح اشترط شرط اساسي وبدون تفاوض عندي وهو بيت مستقل بإذن الله
والباقي يجي بالتفاهم
مابقدر اكتبله لسته واجننه من الحين هههههههههههه

فديته حبيبي مابيقصر بس بجد اهم حاجه عندي البيت المستقل متى ماجينا منطقة اهله
والا هو وين مايكون اهم حاجه اكون معه وبس مممممممممممممم

 

[سنوات ضاعت]

انا كــان شرطـــي بيت مستقـــل ​

بس للأســـف ماتحقق​

ولية ماتحقق...؟ دام شرط و مكتوووب لية مانفذة لك..؟

 

[سنوات ضاعت]

انا شرطي كان بيت مستقل . و نفذة الحمد لله

 

[أثير الطائف]

اما انا كانت شروطي كالتالي:

1- سكن مستقل.

-ابقى في وظيفتي, وراتبي لي.

3-وجود خادمة بعد قدوم أول مولود

والحمد لله نفذت.

قولوا ما شاء الله.

 

[ندو الدلوعه]

كان شرطي الوظيفه

 

[إلى القمم..!]

شروطي :
1/منزل مستقل
2/ خادمة ان طلبت
3/اكمال الدراسة
4/الوظيفة

وكان ودي اشترط ما يتزوج علي بس اهلي قالوا خيييييير لا تحطينها في راسه فكنسلت هالشرط هههههه

و بس