وربي مليت وتعبت ..مدري وش اسوي

[&دانه&]

السلام عليكم ..

كيفكم؟؟

يارب الكل تمام ..

بنات انا مو عارفه وش اسوي احس مليت ..

زوجي شمالي شرقي متعب جدااا ..

قلت بالبدايه انو بسبب بداية الزواج ومشاكله ..

لي 3 شهور ..واحس انها 10 سنين ..هلكت ..

كل شي مو عاجبه ..

فيني اغلاط ..ادري محد كامل ..

بس مو لدرجه انه يقول اذا الوضع بيستمر كذا ..خلاص نوقف وكلن بطريقه ..

ياناس ادري يحبني وانا والله احبه ..بس خلاص الضغط يولد الانفجار ..وانا قربت انفجر ..

يعني مدري وش اسوي ..

فكرت اخذ اجازه شهر بدون راتب ..مو عاجبه ..
قلت لو استقيل يرضيك ..قال الشغل ماله دخل الغلط فيك ..

وانا وربي اني اسوي اللي اقدر عليه واكثر ..

اليوم يقول روحي لأهلك لاترجعين عندي ,,

سكت وقلتله اذا رحت عندهم بترتاح ؟؟

قال لو رحتي مراح ترجعين ..

ماعرفت له

احس اني من كثر مابكيت خلصت ادموعي ..

مشاكلنا اغلبها ع الاكل والبيت وموعد الخروج من الدوام ..

وانا قلت لازم اريح واخذ اجازه ..

مدري وش اسوي خلااااااااااااااااااااص تعبت ..

قبل يومين كان يوم ميلاده ومن شهرين احضر له ..حجزت الفندق والترتيبات وكل شي ..

وكان عنده خبر ..

اليوم اللي قبله رحت السوق اشتري هديه ..وبطلعه الروح وافق اروح مع اخوي

قلتله بعدين بروح عند اهلي قال اوكي ..

تاخرت بالسوق وهو طلع من الدوام لبيت اهلي عشان ياخذني ,,

دق علي قال اطلعي قلت انا بالسوق ..سوا ساللفه ..انو انتي قلتي مراح اطول بالسوق بس ساعه ..واني تأخرت ومن هالكلام ..

تأزمت ..رحت طلعت الهديه حطيتها ع الطاوله ..قلتله انو مارحت السوق العب رحت اجيب هديه ..

قال ادري

وانا مابي الهديه ..

اليوم يقول انا مابي شي ابي ارتااااح ..كفايه 10 سنين عشتها وحدي بهم وغم ..اتزوج وتزيدين همي ..

امس كان يتكلم ..شكيت انه بكاء ..لانه لف وخلاني وطلع ..

ادري ان اللي صاير غريب كلنا نحب بعض بس كل شوي تطلع سالفه ..وتبدأ شوي شوي تكرهنا ببعض ,,

صرت اشك بالبيت ..لان البيت كارهته مررره ..وكان من قبل متزوج ومطلق ,,يمكن في مشكله في البيت ..لهالدرجه وسوست ..


ابي احد يساعدني ..

انا ابيه واخاف عليه ..وهو بعد بس مشاكلنا ممكن تكون اكبر من هالحب ,,

اااه ..والله قهر

ابي حلولكم

غير القهر اللي فيني ..انو جايتني العاده بالوقت اللي كنت اتمنى اكون فيه حامل ..

بس عشانه لانه موته ويجيه بيبي..بوقت من الاوقات وللحين احس ان الحمل ممكن يكون حل ..لانه حاب شعور الابوه ..

بس مدري ليش ماصار حمل .

 

[reeme24%]

الله يفرج لك
حالكم فيه شي
اشياء بسيطه تبي تحلونها في الطلاق
عليكم بالرقيه وروحوا لاحد المشائخ المعروفين يرقيكم
والدعاء والاستغفار باب الفرج

 

[سـمـو الآمـيـرة]

سبحاان الله احس فييه شي
حبيبتييي اقري اقري البقرة واستغفري وروحوا لشيخ جميع
والله حسيت بآحسآسك
لااا تسكتين يالغاليه لازم تتصرفين شغلي البقرة بالبيت دايم
اقرواا اذكاركم سواا كل صبح
اجلسواا جلسة حنااان وابكي قوليله اني احبك وانتي تحبني
ليه نخرب حياتنا بتوافه
قوليله ياابو عيالي حبيبي كلهاا كم شهر ويكون عندناا بيبي يملي حياتنا حب
نبي نودع هالمشاااكل للأبد ونبي نعيش احلى حيااااة تضحي عشاني واضحي عشانك
وانتي ادرى باللي تقولين بس امسكي يده واحضنييه بحب وابكي وقولي له وش بخاااطرك
بي يسهل امورك حبيبتي
ويسااعدك

بس اهمس بأذنك الاستغفر ثم الاستغفار ثم الاستغفار

 

[منار المجد]

السلام عليكم
اختي قرات مشكلتك
انا تو عضو جديد
لكن ودي اقولك لا تصدقين بالسحر والاشياء هذي ما دام انت مش متاكده خلي ثقتك بالله اكبر
يقول تعالى (انا عند حسن ظن عبدي بي ما احسن الظن بي )
خليك صابره اولا ودائمة الاستغفار ثانيا والجاء الى ربك واذا صرت راجعه البيت وانت بالسيار ه وقبل لايوصل استفغر الله طول الوقت استغفري 1000 مره على اصابعك
واذا حسيتي انه معصب او مزاجه سيء قولي اهم شي انت لايصير فيك شي والي مو عاجبك نغيره وبمداعبه قولي احنا في ديك الساعه اضحكي واضحكي واضحكي وخلي كل شي مرح اذا صار وده يزعل ويستاء مزاجه
اضحكي بجنونالين تخلينه يضحك ترى مافيه زي الضحك الهستيري وهو صدقيني من شدة ضحك بصير يضحك معك وينسى المشكله واذا كلمك عن العيال قولي بضحك انا عندك تبيني بنتك او ولدك
الي تبي اعتبرني عيالك كلهم ولاتفكرين في حركاته كثير وانزعاجاته لانك بتتاثرين نفسيا وتذبحين حالك والله لايقدر يجيك ضغط والا سكر ترى والله ما فيه زي اللجوء لله اولا ثم الاستغفار ثم الضحك خلب بالك واسع خليه بحر وسلامتك اتمنى لك حياه سعيد

 

[ام مصعب]

اقول عليك بالرقيه الشرعيه

 

[قصه الم]

اصبري حبيبتي حبي زوجك واضح انه تعبان نفسين

داريه لاشفتيه كذا معصب ظميه لصدرك
قليله تكفاء لاتعصب
ويوم لف وبكاء المفروض لحقتي وضميتهوخليته يبكي عاى صدرك
ويخرج كل الحزن اي داخله
ويرتاح وانتي بعد ترتاحين
زوج مضغوط ويمكن تاخر الحمل له سبب في هذه الضغط
حوالي تعالجين روحي دكتوره تديك مقويات
معانه بدري لسه توك متزوجه
بس والله البيبي يخلي جوء في البيت
والله يريح قلبك
تقبلي مروري

 

[ام لوووومي]

يااختي هاالنوع من الشخصيات اذا كان متضايق منك بشي لايمكن يعتر ف ويقول هذا مضايقني لانهم ما يحبو يبينو ضعفهم اوانهم بحاجة احد وهنا يبداء اذا ضايقوه شي منك على طول ينكد عليك باشياء ما له علاقه بالي مضايقه نكد ليل نهار بسبب وبدون سبب بس متى متى ما عرفتي احتياجته يكون لك زوج حنون صحيح بدون رومنسيه بس يكون حنون ويرحمك لانك اشبعتي رغباته وانا من كثرة قرائتي لهذي الشخصيه اكتشفت انه احسن طريقه للتعامل معهم هي انه1 ـاكثري من مدحه على الطالعه والنازله امدحي شكله امدحي اسلوبه حتى اي فكره يقوله دامه ما تضرك ايديه وقولي ماشاء الله عليك كلامك دايم صيح واكثر من مه لما اقول افكارك لاحد الكل يايدها يعني مثلا قاللك التخفيضات بالمحلات يلعبون عليكم يالحريم يرفعوت السعر بعدين ينقصوه ويقولو خفضنا ويبيعو عليكم الزباله قولي والله انك صادق توبه ماعاد اطب السوق بالتخفيض وبعلم كل اقربائي عن رايك , امدحيه اذا جاء بعد الحلاقه , اذا تكلم بالعمل قولي مجهودك بالعمل كبير اكيد لو طلبت تتركهم لايمكن يخلوك لانك شايل الشغل عنهم وهكذا وانتي وشطارتك .
2ـاذا عصب عليك وانتي غلطانه التزمي الصمت مهما حول يثيرك واذا اضطرتي اعتذري بكلمه وحده بس لاتكثري واذا انتي ما غلطتي التزمي الصمت فقط وبعدين اذا روق ارسلي رساله عتاب اولها لازم يكون مدح يعني تقولي اناعارفه انك تتعب عشان حياتنا وعندك ضغوط بس مو تاصل انك تسوي فيني كذا وانا ما غلطت واذا كانت المساله بسيطه التزمي الصمت بدون عتاب يعني خلي العتاب للاشياء الكبيره بس لان كثره مو زين .3ـاذا شفتيه معصب او مشغول باله بشي احسن شي اعتزليه ولاتحاولي تسأليه اوتخففي عليه لانه يعتبر سؤاللك تشكيك بقدرته على حل مشاكله واتركيه تماما ولاتشعرينه انك منتبه ليه او متضايقه من انشغاله وبعدين بتشوفين قد انبساطه بعد ما يحل المشكله وانتي ماحسيتي فيه بكذا يشوف نفسه دايم قوي قدامك وهذا قد يستمر ايام ولكن طنشي ولا تكثري من الطلبات بالفتره هذي واحرصي على الطلبات اول مايحل المشكله لانه يكون مروق ألا اذا سأللك هو واستشارك عطيه رايك على قد سؤاله وقولي وانت ادرى مني 4ـلا تحاولي تقومي باعماله الي تسوينه تبغي ترضيه اوتريحيه هذا اكبر غلط لان الشخصيه ينبسط اذا حس ان الناس بحاجته وخاصه زوجته فاانتي اذا قمتي بأعماله ما يفهم انك تريحيه بقد ماأنه يقول هي مو بحاجتي وبكذا يفقد احساس ممكن يقتله حتى لو قاللك سوي شي هي اصلا من اشغاله قولي ماقدر عليها والله انت سويها صدقيني بيحس برجولته وضعفك له حتى المشاوير اذا قاللك دبري نفسك قولي ما ابغى احد غير ك لاني ماحب احد يمن علي صدقيني بينبسط واذا بعد هاالكلام رفض بيكون فعلا ما يقدر ،واذا شفتيه يصلح اي شي بالبيت انتبهي تقولي انتبه احرص على نفسك بالعكس اعطيه كل الثقه وبيني انه يعرف كل شي 5ـاشكريه على كل شي وبيني ساعدتك على الاشياء الي يسويها للك مثلا سفرك كل ماتصحي قولي انا مبسوطه الله يخليك لي واكثري دايما من الله يخليك لي ،ياتج راسي ،الله لايحرمني منك ،ودايما حسسيه انك بحاجته هذا اهم شي خاصه انك موظفه يحس خلاص ماانتي بحاجتهولاتذكريه دايم انك موظفه وبيني ان الوظفيه تروحيها للمتعه بس ولا مانتي بحاجه لانك عندك تاج قلبك الي مايقصر وبعدين اذا علق على اشياء انه ماراح يسويها قولي انا عارفه اصلا انك ماتقصر بس انا بعد مو بحاجتها مره او ماهي ضروريه مره ماتدرين الا هو مسويه لانك بينتي له انك واثقه ودايما بيني له انك دايما تظني به الظن الحسن ولازم تبيني هذا صريحا لان الرجال ما يفهمو باالتلميح اذا رفض يوديك المكن واصر على الرفض قولي انا عارفه انك ماتقصر بس شكللك منشغل اليوم يالله مره ثانيه اذا طلبتي فلوس ورفض لاتعاتبيه قولي يالله الشهر الجاي الضروف تكون احسن اذا سواللك شي وجلس يمن عليك قولي انا مالي غيرك اذا انت ماسويتلي مين يسويلي ،ان اصلا ماينجز اشغالي ألا انت الله لايحرمني منك بتشوفيه بنفس اللحظه يتغير 180درجه لان هاالشخصيه تشوف كل الناس حاقرتهم ومو شايفتهم شيوانهم وانهم مالهم فايده حتى يثبتلهم العكس ومتى ماثبتلهم ها الشي يلصقون بالشخص الي فاهمهم ويعطونه كل مايملكون لانهم يعتبرونه شخص فاهم 6ـاذا بدء بنقد الناس وهذي طبيعه عنده لا تدافعي عن الاشخاص لانه مقتنع 100 %100 انهم يستحقون ذللك ولكن ايديه بنقده وقولي صحيح الي تقوله فيهم بس المقاطعه موحلوه وحرام بالشرع وواصلهم لا لانهم لايستحقون النقد الي قلته ولكن اعتبرها لله ولا تتواصل بشكل مباشر جدا حتى لا تتمشكل معهم وهن يسعد اذا شافك تايديه بكل شي وبنفس الوقت ماتخلينه يقاطع احد و لوطبقتي الي قلتلك بتشوفي كيف زوجك بتطير عيونه فيك وبالتغيير وبيعشقك لانك تعطيه الثقه الي فاقدها من الناس الي حوله واكبر دليل انه هاالشخصيه فاقده الثقه بنفسها كثرة النقد واكثر ما ينقدون من يشكون فيه انه حاقرهم ياويله منهم

 

[&دانه&]

يعطيكم العافيه حبيباتي ..