ودي اقدر اقووولها .... خلااااااااااااص مليت منك

[ملكة من حولي]

السلام عليكم ورحمة الله وبركاته

بدخل في الموضوع لاني حدي مقهوره ... انا متملكه من سنتين .. وزواجي باقي عليه شهر تقريبا وخطيبي كويس بس فيه صفة وهي انه ما يحب يعطيني اذا احتجت ولا حتى يسدد جوالي تخيلوا له 3 شهور ما سدده وطوال فترة الملكة مشغلي هالاسطوانه ظروفي صعبه ظروفي صعبه ...حتى من غير مناسبه ومن غير ما اطلبه وعلى فكره انا ما اطالب الا بحقوقي وهذا شي لازم عندنا كل بنات الجماعه كذا

المهم المهر عطانياه بس بدون فلوس الذهب ...
وطبعا عذره ظروفي ... ومشيتها له
لكن تخيلوا سافر قبل اسبوعين برا يتمشى الاخ ويغير جو هنا وين راحت الظروف ...
ولاهمه احسه ما يستحي وهو يقول بسافر وطوال الوقت يتذمر ظروفي صعبه من جد مايستحي على وجهه

ونا معيشني في ازمه احاول اقتصد في كل شئ وخايفه تخلص فلوسي .. من عقب العز الي كنت فيه يوم كنت اخذ مصروفي من ابوي كنت معروفه بين الكل بالاناقه والدلع واللبس الكشخه والغالي ... لكن بعد ما ملكت صرت استحي اخذ مصروف من ابوي حتى ابوي متوقع ان خطيبي يعطيني ويلبيلي كل طلباتي ... آآآآآآآآآآآآه ياقلبي وطلبته مبلغ وقلتله ابيه ضروري لان ناقصني اغراض ضروريه ... قال بالفم المليان والله ما اقدر ياقلبي اهلي بياثثون بتيهم وتعرفين الظروف ... اااخ يانااس
قلتله وانا تعرف عروس وناقصني اشياء وتعرف لازم هالاشياء ...( وطبعا ماسكه نفسي والا ودي انفجر عليه لانه مايفهم ) قال داري بس ما اوعدك .. قلتله حاول ما ابيها الحين لو بعد اسبوع عادي قال بحاول بس ما اوعدك
قلت لا لازم معليش وغيرت الموضوع

احس كرهته من جد تخيلو قبل شوي كلمني يقول بسافر جده ودي اغير جو ...
خلاااااااااااااااااااص انفقعت مرااااااااااااارتي منه
كذااااااااااااااااااااب معاه فلووووس بس ما يبي يعطيني مدري وش فيه متعقد والا مريض فهموني بالله

المهم هو كان ناوي يزورني الاسبوع الي الجاي بس طبعا قال باجلها عشان بسافر جده

عاد اعطيته وجه وسمحتله المره الاولى مدري كيف سمحتله بس المهم قلتله لا ما ابي تسافر .. قال لازم ودي اغير جو .. قلتله توك ما امدك

وسكت بعدين قلت هاد غير رائك بتجلس قال لا
قلت اذا لا ما عاد فيه زياره اختار ياانا يالسفره لجده ... خلاااااااااااااااص رفع ضغطي طولت بالي وجرب اسايسه حسيته خذا فكره اني بزره ويلعب علي بكلمتي

صبرت على قل عطاياه وما استفدت شئ الا زادت الحاله واعجبه الوضع

وخلااااااااااااص من جد ماسكه نفسي وش معناها انه يبخل علي وما يعطيني وماغير يعطي اهله واهله ما شاء الله ماغير يشفطون منه والا ويسافر ويبسط نفسه والمشكله يسوي نفسه برئ وما هو فاهم شئ ... ويعنني ما اقصد
والادهى والامر انه يقول خذي من ابوك والا من امك ..
ومحسسني ان مالي حق ..

فهموني كيف اسوي معااااااااااااه على فكره شرقي شمالي وحامت كبدي منه

سكرت منه وانا العبره خانقتني ونا اول ماكلمته كنت مستانسه ... سبحان الله ذبذباته سلبيه وعنده القدره انه يقلب مودي فوق تحت .. ما ودي اقول حسبي الله عليه
لانه يظل غالي بالنسبه لي حتى لو اقول كرهته اقولها عشان ابرد قلبي ...

لا حول ولا قوة الا بالله ...

والهم الي ذابحني كيف بعيش معاه بكره وهو يحط الفلوس هنا وهنا وانا يحرمني او يقول ماعندي ... اقسم بالله اعرف نفسي بوصل لمرحله بطلب الطلاق ... لاني ما اتحمل الشح والقحط في الحياة ... ولو ظروفه صعبه كان من عيوني قدرته بس اعرف انه ما عليه ماشيه معاه ...
بالله قولولي وش تنصحوني حتى احيانا تجيني لحظات ودي يطلقني قبل ما اتورط معاه
لانه الحب لحاله ما يوكل عيش ... وبعدين الي مايلبيلي طلباتي من دون سبب هذا بصراحه ما اعتبره يحبني ... حتى لو قالي وحلفلي ...

يابنات وربي اكتب ومقهوررره ودموعي بعيوني اخاف اتورط معاه واندم والحيره ذابحتني

كان فيه دكتوره نفسيه لما كنت بالجامعه تقول انتبهوا تتزوجوا بخيل لان البخل ماله علاج ابدا

فكيف السواة بالله

هل اصارحه ..؟ مع اني ما احب لاني اعرف ما ارح يبرد قلبي بالاجابه ويمكن انقهر اكثر...
وش الحل

ادعولي ان الله يسخره لي ويجعله تقيا نقيا غنيا كريما حليما مخموم القلب ...

والي ترد وتساعدني او مرت بتجربه مثلي ياليت تقول كيف تجاوزت هالازمه ...​

 

[خلود بكر]

الله يفرج همك اهم شئ استخيري ربي والله انا على مااعرف وافهم ان الملكه البنت تكون في بيت ابوها والمفروض ماتطلب منه الا اذا هم اعطاها لكن غير كذا مااعرف وثاني شئ اشلون بخيل ويعطي اهله وويسافر يمكن يحس ان انتي في بيت ابوك ومو ملزوم فيك شوفي ياقلبي انا اتكلم من عرف اهلي يعني طبع اهلي والي حولي بس العرف الي تقوليه ان زوجك وانتي توك عاقده يعني مارحتي بيتك ويصرف هذا والله ماادري عنه

 

[وميض العقيدة]

الله يعينك ... انت استشيري .. بس امممممم ابقولك شي وانا مابغى اكسب اثمك بصراحه .. انقذي نفسك قبل لايقع الفاس بالراس وتندمين بوقت ماينفع ..
صح كلامي صعب بس الان التطبيق صعب بس بكرى بيكون اصعب من الصعب
انت سالتي وجاوبتي نفسك ؟ سافر برى والسفر برى مكلف اقل شي تذكره الطيران !! والسكن وغيره .. فيه قصه واحد كذا يماطل وماعطاها مهر وليله الزواج والناس مجتمعه يوم جاء يدخل عليها رفض ابوها او خالها المهم ولي امرها قال لو تنزل السماء على الارض ماتدخل لين تجيب الممهر قال والناس والمعازيم واهلي بيدخلون والزفه ؟؟ قال سلامك المهر ؟؟ وراح وبساعتين جابه كله ؟؟
الرجال اذا بغوا دبروا انفسهم صح اذا كان الرجال مو مادي ومتعاون ومقدر للي تدفعينه هنا تساعدينه بس حالتك اعتقد امممممم لا .. لانه ماهتم وهو يقاله وقت الملكه والي كل الرجال يهتمون فيها وش اجل بيسوي اذا تزوجتوا !! والادهي يسافر ؟؟

انت اقري كلامك بتأمل (( المهم هو كان ناوي يزورني الاسبوع الي الجاي بس طبعا قال باجلها عشان بسافر جده

عاد اعطيته وجه وسمحتله المره الاولى مدري كيف سمحتله بس المهم قلتله لا ما ابي تسافر .. قال لازم ودي اغير جو .. قلتله توك ما امدك

وسكت بعدين قلت هاد غير رائك بتجلس قال لا
قلت اذا لا ما عاد فيه زياره اختار ياانا يالسفره لجده ))

ليه تحطين نفسك بمقارنه ياانا يالسفر ؟؟ عشان يتراجع !!ههههههه صدقيني هذا شخص مستهتر واتكالي ولو شايف ناس توقفه عند حده مشى صح لان نوعيته جبانه بس انتم باين اجواد وناس محترمه عشان كذا على باله انه بيسوى الي يرغبه ؟؟

بجد رفع ضغطي !! كيف عروس وتجهز وتشحد مهر وفلوس عشان تجهز ؟؟
انت كلميه بكل الي بخاطرك وش تبغين ولا تستحين انت تطالبين بحقكك مو زياده عليه اهم شي كوني صريحه ولبقه لابعد الحدود لانه كل مازدتي احترام ونقاوه لكلامك كل مازاد خجل ..

والكلمه الي تستحين منها هو الي قوليها وقولي انت فيك كذا وكذا وسويت كذا وكذا وووووووألخ

وانتبهي تستلمين لشعره وحده من حقوقك لانه بكري بيستغفل حقكك لو كبر الجبال

وقولي له يا مهر كامل يا مع السلامه وفعلا خلك قويه .. صدقيني اذا بديتي حياتك بتنازل لاشياء مهمه واساسيه تاكدي انك خسرررررررررررررررانه وبناء عن تجربه .. ماتوقع بعد المهر شي .. وخلي لاهلك دور .. وبيني دورهم له

وصدقيني الحب الي فيه شي غلط وناقص بكرى بتلقينه تبخر ويمكن يتحول لكره ..

لو يحبك بجد وزي مانت تحبيه كان هو يطير ويلبي الاساسيات ويفكر فيك زي نفسه واكثر ..

اتمنى انك تدعين ربك قبل لاتكلمينه وتصدقين لله ولا تقولين كلمه تحسين انك بتندمين عليها بكرى او تسوين شي ومو مقتنعه فيه لانك تحبين هالشخص الرسول يقول الاثم ما حاك في نفسك وكرهت ان يطلع عليه الناس

اتمنى اكون افدتك حياتي وربي معك ؟؟ وكثري من الاستغفاااااااااااار​

 

[ام رمايل]

الله يعينك ويارب مايكون بخيل بس

 

[الجوووري700]

يا قلبي الله يفرج همك والله مابي احطمك لاكن ورب الكعبه كانت مشكلتي نفس مشكلتك وتزوجت والحين ما كملت سنه حتى بكمل شهر 8 وانا عند اهلي من شهرين وسكوتي ايام الملكه خلاه يتمادا بعد الزواج ووصلت فيه لدرجه انه ما فرش لي بيتي واعطاني مطبخ اهله اللي رموه بالمزرعه وصار له عندهم عشر سنين وكمان حط لي سرير حديد والمواعين خلى اهله يشترون لي بحجه اني كنت تعبانه وهو نصاب علشان اهله مثله بخلاء والله قرفت وجيت عند اهلي والله لاني مرتاحه ولا شي بس مابي اتورط بعييييل وانا ادري انه ك>ا وا تغير واللي قهرني اكثر انه مااعطاني حقوقي ورايح يدور لعروس جديده تعيش معاه على الظروف اللي هو يختارها وانا مسسستحيل ارضى المهانه على نفسي علشان واحد يتحكم فيني وهذا انا استخير كل ليله واتحسب كل يوم حسبي الله هو نعم الوكيل وكفى ..
استخيري يختي كثير ولا تخلين بقلبك ..

 

[أعشقه موت]

http://www.niswh.com/vb/showthread.php?p=7712114#post7712114

 

[دانة الشام]

ممكن عائلة خطيبك عندهم العرف أن البنت يصرف عليها أبوها طول ماهي ببيت أهلها!!!اذا عنده أخوات حاولي تستدرجيهم بالكلام لتفهمي طريقتهم في التعاملات المادية بأيام الملكة,,ممكن يكون خطيبك مستغرب مثلا أنك تطلبي منه من الآن,,!!عموما لاتستعجلي في اتخاذ أي خطوة حاولي تكوني أكثر صراحة معه حتى لو اضطريتي تقولي له :كيف أطلب منك وتعتذر والآن تسافر وتغيير جو؟؟ضروري ترسي على بر وتتأكدي إن كان بخل أو مجرد اختلاف عادات,,استخيري وربي يختار لك الخير.

 

[om aziz]

حبيبتي انا مع كلام وميض العقيدة كل الا تتنازلي عن حقوقك و اصري على رايك و اذا ما نفع معاه خلي يولي انا اتنازلك عن اشياء كثيرة و حجه احبه و اخرتها انا اتحملت كل مصاريف و هو كان يقولي ادفعي انتي انا بعدين برجعلك بعدين و ما شفت شيء اتعود ان انا ادبر اموري و شالني من قئمته و لو بغ حل نفسه دق في ارض و طلع فلوس و حالي دائما ما عندي .... اسفه كنت قاصية شوي عليكي بس اول ما قريت موضوعك شفت نفسي فيكي و ما اريدك تغلطي نفس غلطتي و ما تتنازلي عن حقوقك اش ما صار .....

 

[شرطية مرور]

انزين انتي تقولين انه العادات عندكم انه الزوج يصرف على زوجته (خطيبته) في فترة الملكة، لكن احنا مثلا عدنا العادات مختلفة ، احنا عاداتنا انه طول ما البنت في بيت أبوها لازم أبوها يصرف عليها و العريس عليه المهر و الهدايا الخ بس مش ملزوم أبدا يصرف على خطيبته ، يمكن اللي حاصل بينك و بين خطيبك هو مجرد اختلاف في العادات و التقاليد و عشان كذا انتي شايفته بخيل و يمكن هو شايفك انك استغلالية و تطلبين شي مو من حقك ، تأكدي من هالنقطة يا اختي يمكن تحل الخلاف

 

[نجفه منوره]

مدري شاقولك بس عندنا البنت يصرف عليها ابوها لين تروح بيت ريلها وبعدين يمكن طبع اهله انه مايصرف عليها الا اذا دخل عليها استخيري واستغفري وبالتوفيق

 

[beren_sat]

انا مع دانة الشام

واحنا مستحيل نطلب في فترة الملكة يمكن زوجك مستغرب افهمي بعديين قرري لاتتسرعي

 

[مزوح وتروح]

البنت طول ماهيه في بيت اهلها ( حتى لو متملكه ) أبوها اللي يصرف عليها
وعندنا عيب اطلب خطيبي يصرف عليه >> أصلا ماتخطر على بالنا نسويها نشوفها شيء كبير وعيب نسويه !!

لاتفكري في الطلاق عشان شيء تافه ايوه تافه ! يعني تتوقعي لو تزوجتي ماحيكسيك ؟ او ما حيأكلك ويشربك؟ والا تتوقعي حيسكنك في الشارع ؟
لا لا خليك واقعية إذا صرتي في بيته تقدري تطلبي اللي تبغيه بس بالمعقول طبعاً !1
ولاتنسي انو خطيبك وراه مصاريف الزواج و القصر والعشاء و و و و و و و و والا نسيتي ؟
خفي عليه قبل لا هوه يطفش منك وبدال مايكون لك الحق تصيري الغلطانه !

 

[بيرو العمودي]

المسئله مو مسئله عرف و عادات
لو كانت كده كان كمل المهر واعطاها حق الذهب
وما كان شغل اسطونة الظروف
لايكون من عاداتهم انه ما يدفعو حق الذهب ؟
ويتحججو بالظروف ؟ ووقت الفسح وتغير الجو
الظروف تتبخر ؟
بعدين الاخت قالت انه تطالب بحقوقها
وهذا يعتبر عادي عند جماعتهم
واكيد هو عارف الجماعه هذي
وعارف عاداتهم وتقاليدهم
والمفروض
يمشي عليها وقت الخطبه والملكه
وبعد الزواج والدخله
العروسه تتبع عادات وتقاليد الزوج
يعني هو مجبر يلتزم بعادتهم دحين
وهي تلتزم بعاداته بعدين

بالمختصر زوجك مستهتر بطلباتك واحتياجاتك
لو جينا نقارن بين اهمية نقص اغراض ضروريه
للعروس و زواجها بعد شهر
وبين تاثيث بيت اهله
موضوع تاثيث البيت يمكن يتاجل
بس طلبات وضروريات العروسه اللي بعد شهر
لايمكن يتاجل
وبما انه ما دفع حق الذهب وعديتيها له
لازم يستحي على نفسه ويسد النقص اللي سببه
ولو بالتدريج

​

 

[تشكرات]

نحن من عاداتنا أن البنت ...طالما هي في بيت أبوها ولم تدخل على

زوجها ( هنا أبوها المسؤول عنها ) ...وفي المقابل ( تستحي أن

تطلب من زوجها ..حتى لو ريال واحد ...

لكن بالنسبه لعاداتكم أنتم ...فهنا لازم لك أن ( تتخذي موقف منه)

مو كفايه ماجاب الذهب !!! ورايح وجاي على جده ...

شوفي حبيبتي .....أستخدمي مع زوجك أسلوب ( سوفت همر )

أي ( المطرقه الناعمه ) ....يعني ( خذي حقّك منه من غير ماتتأثّر

حياتك ) ...يعني مثلآ لو أتصل عليكي ويبغى يزورك !!!

( أتحججي بأنه ماعندك لبس حلو تقابليه فيه ) ولا عندك اكسسوار

مرتّب تلبسيه له ....

ولا عندك عطر مميّز ....وهكذا ...( سوّي فيها محرومه ..)

لانه الرجل الشمالي ( يجي بالقوّه المنطقيّه والعمليّه ) ...

من دحين هيئي زوجك ( للحياه الزوجيه القادمه ) ....

والرجل على ماتعوديه ...والله لو عودتيه بالتنازل عن حقوقك >>غير

تروحي فيها ..لاسمح الله ...وربنا يهديه لك ..

 

[العيون زوجي]

الله يكون في عونك
استخيري

 

[كــبرياء أنثى]

لا احنا عندنا عادي يصرف عليها اذا ملكوا خلاص صار زوجها ،
وبعدين هي قالت لو تطلب منه شئ يتعذر بظروفه وتقول حتى من غير ماتطلب دايما يتعذربطروفه ؟؟؟!!!
يعني هذي فتره حتى هدايا ودلع وغيره يعني اي واحد لو تطلب منه خطيبته اي شئ يعطيها صح ولا لا ؟؟!!
هذا اللحين كذا يسوي اجل بعد الزواج كيف ؟؟؟ انتي تقولين لكم سنتين مملكين ، طيب ليش مااشتكيتي من اول مالاحظتي الشئ هذا ، او انه توه تغير ؟
الله يعيينك ..

 

[وميض العقيدة]

صح البنت يصرف عليها ابوها دامها في بيته لو جلست متملكه عشر سنوات ؟؟

اتوقع قصدها مو على الصرفيه لانه اتوقع انها تخجل تطلب بكثره .. يعني صعبه هو يسدد جوالك وانت ببيت اهلك لكن بالعاده انه فتره الملكه يكون الزوج متحمس ومسوي فيها بات مان وهو يسدد ويحلف بعد ويجيب هدايا ووووغيره مو انت تطلبين .. لكن انا وجهه نظري انه اذا ماسوى كذا وتحجج بظروف وهو بس مطامر لجده والسفر قولي لا .. بيني بكم قصه انه صديقتك فلانه جاب لها خطيبها كذا وكذا وقريبتك جاب لها كذا وكذا ومن هالكلام لانه يبغى امثله لانه ممكن ماعنده احد ينبهه ( مع ان النت والتلفزيون ما خلا لاحد حجه ) بس يالله نلتبس له العذر .. انت غريبه تقولين فلوس الذهب توي انتبهت على بالي ما جاب المهر .. دامه جاب المهر خلاص اما الذهب مو لازم الا اذا كل جماعتكم وقريباتك وهو فيكم ومنكم وعارف لازم ذهب فمن حقكك لكن الان ماحد يعطي فلوس ذهب كثير حتى الي متعودين لانه الذهب غااالي .. يجبون اطقم واساور وساعات يعني حركات شبكه بسيطه ..
مافيه زي الصراحه والقوه وانتبهي يحس انك تبغين حقكك وجواتك ضعيفه وانه لو ضغط عليك بتستسلمين لانه واثق من حبك ..

صدقيني ان ما دلعك الان فالله يخلف على باقي الايام هههههههههه​

 

[البيلسانsh]

معليش دوبني قريت الموضوع واذا قريتيه ردي والله كانك تحكين عني انا الحمدلله صارلي 5سنوات متزوجه فترة الملكه انا واختي نفس الفتره زوجها يجيبلها كل شي وانا ولا شي يجيبلي تصدقين جابلي ذهب وجابلي لتجهيز 2500بس وقالي تجهزي فيها طبعا متسوي شي بس والله جهزت نفسي فيها ودمعتي علا خدي وطبعا خواتي كل وحده رحمتني وجهزت لي شنطه بس بعدين علمته شغله طبعا كل شي اجيبه بسياسه لين تعدل صدقيني عنده فكره براسه عشان كدا حبه حبه مع سياسه تسوين الي تبغينه

 

[بيونه الحلوه]

ياقلبي مثل قالوا البنات العاده ان البنت في بيت ابوها هو ابوها يصرف عليها حتى تخرجي من بيته

 

[المشغولة]

شرعا ليس لك حق النفقة قبل الدخول ...
وفي العرف الغالبية ما تطلب من زوجها فلوس طالما هي في بيت اهلها .. ويمكن رده عليك خذي من امك او ابوك .. يقصد انه مو مسؤول عن مصاريفك .. ولا تحسسينه انك استغلالية او مادية .. وترى الفلوس مو كل شي .. وبعدين الوحدة وهي ببيت زوجها ما تتحكم بسفراته شلون انت عند اهلك وتبين تتحكمين فيه وبسفراته وبعدين هو مسافر داخل المملكة بجدة .. يعني مو بالخارج . . خفي شوي على الرجال .. ومن خلال كلامك ما في معاملة جافة منه او تصرفات تخليك تفكرين بالطلاق ..