ودي ااخذ جواله واكسررررررررررررررررررررررررررررره فوق راسه

[حوريه000]

بناااااااااااااااااااااااااااااااااااااات متندمه متحسفه ندمانه بجد


ترا المشكله مو ذاك الزود قويه بس قاهرتني


فاقعه مرارتي انا زوجي شمـــــــــــــــــــــــــــــــالي شــــــــــــــــــــــــــــرقي بقووووه


وقبل فتره كنت ارسله رسايل حب ووحشتني ومن كلام الحب كش عليه مو كفو


ولا يرد علي

وبعدها حللللللللللللللفت ما ارسل وقلت جعل اصبعي ينقطع لو جتك مني رساله

وجلس يضحك وبستهتار وبين لي انه عادي ومو فارقه معه


المهم مرة شهووووووووووور وجواله مافيه الا طلبات مني بس

والحين انا عند اهلي بسبب ظروف عمله مسافر شهرين

واليوم حنيت ارسل رساله وارسلت له اشتقت لحضنك:4:

بس كان الوقت متاخر مدري هو نايم والا مطنشششششششششششش

والتوقع الاقرب انه مطنش

متندمه وخايفه على اصبعي ينققطع استغفر الله :4:


بس انا لما ارسلتها فكرة قلت خايفه يلاقي وحده ترسله وتقوله كلام حب

وانا زوجته ما يسمع مني ابببببببببببد

قولو لي الشمالي الشرقي وش قصته بالظبط ؟؟؟؟؟؟

يعني تعجبه ويفرح بس مايرد

والا يستحقر هالكلام


ااااااااااااااه مقهوره خيييييييييييييييير لمتى وانا كني واحد من زملائه مابيننا غزل ابد ابد ابد

وانا توي لي سنه وشوي متزوجه


تكفون انا سويت شي غلط ؟؟؟؟؟؟؟؟ اني ارسلت له



وادعو لي اصبعي مايجيه شي

 

[لولوه123]

خخخخخ
ضحكتيني انتي واصبعك

أنا ما افهم في الشمالي الشرقي بس من مشاكل البنات فهمت انه ما يستحقر كلامج
الرسايل هذي تعجبه بس ما يبين

ما أغير اقولج الله يسخره لج
​

 

[امــاني العمر]

ههههههههه فديتك انا ان شاء مايصير شي ع اصبعك

والانماااط انا ماافهم شي بيهاا

 

[*غدير الذكريات*]

الله يكون في عونك
موكل الرجال تنفع معهم الرسائل والكلام

 

[النوم سلطان]

انا شماليه شرقيه
بس ماافهم الرجال الشماليين ان كانهم زيين
فهو ينبسط بس يسوى يتغلا
ولا قلبه طااااااير من الفرح

وبعدين لا تتركينه واغصبيه على كلللل شي
طبي عليه وقولي له انا احبك واشتاق لك وابرسل لك كل اللي في قلبي من حب وشوق وغراااام
لانك انت ملكي

بس ترى قلت لك منيب متأكده من الرجال الشماليين وش سالفت امهم
بس اذا هم زيي فتصرفي كذا



ووسعي صدرك وخليك دائما مسترخيه ومبتسمه

تصدقين حبيتك دخلتي قلبي
ههههههههه
الله يحنن قلبه يارب عليك ويعمي عيونه وقلبه عن بنات الحراااام

 

[دمعة الغيمه]

هههههههههه الله يخلي لك اصبعك يارب
والمفروض ماتحلفين كل الرجال مايرسلون باستمرار كون الرسايل غير مهمه لهم
وانا مثلك ارسل لزوجي وهو نادرا مايرسل كفايه مشاعره تجاهك بالحب من غير رسائل

 

[نقااء الثلج]

ههههههههههههههه والله ضحكت من خاااطري الله يحفظ لك اصبعك ولا يجيه شي

 

[ام ايمن11]

حبيتك الله يحف ظظظظظظظظظظظ اصبعك

 

[صبرت ومليت]

اتوقع ان الشماااااااالي لا يرسل لان زوجي ما يرسلي

هي اكيد تعجبهم

 

[ســــــــــارة]

بلعكس ارسلي بس لا تكثري وتراه تعجبة بس مايرد انا زوجي كذا وعلى فكره مراح يتغير انا لي ست سنوات وهو على نفس حاله

 

[حبي الاول M]

هههههههههههههه ان شاء الله ماينقطع اصبعك

 

[نضوج أنثى]

بسم الله على اصبعك ان شاءالله مايجيه شي ههههه يازينك .. شوفي حبيبتي انا زوجي شمالي شرقي في البدايه كنت ارسل وادور واتعب نفسي وهو أحيانا يعلق وأحيانا يسكت ويعلق مو يعني يتغزل لا من وين جبتي الرساله أو يعبر إنها ماعجبته بعدين صرت انا ماارسل طفشت صراحه لأنه مايبادلني قلت لو في شي بقلبي لما اشوفه اقوله مو لازم ارسل أو أرسل نادرا وأوقات مايتوقعها بكل الأحوال مايرد اتعودي على شخصيته لا تزعلين

 

[Sقلبي كبيرS]

الله يحفظ اصبعك من كل مكروه ههههه

 

[مو2011دي]

ياحياتي بسم الله ع صبعك الرجال كلهم كذا مايردون الا نادرآ بس يفرحووووووووووووون بالرساله

 

[بسكوت بالحليب]

الله يحفظلك اصباعك والله اني حسيت بالي انتي حاسته وقبلك انا دعيت على اصباعي وتعهدت اني ماارسل اي رساله بس لاحياة لمن تنادي منجد انهم يقهرون انا زيك في البدايه كنت اظن ان زوجي ماتعجبه بس اكتشفت انه ماعندهم قدره على التعبير ويمكن يحسها ضعف لمايكتب رساله غزل(عقد الله يعينا) حاولي ارسلي له رسالة غزل بمزح مثلا انا رسلت لزوجي رساله قلت له انت حبي وعالمي (ترى مو قصدي على النصرههههههه)لانه نصراوي والله انبسط فيهاورسالي رساله الله لا يحرمني منك انا تعودت بعدما ارسل مية رساله يمكن يفكر انه يكتب لي رسالهونفس الرساله حفظتها الله لا يحرمني منك(’يارب انك تصلح الشماليين وتسخرهم لزوجاتهم وتجعل كل كلامهم غزل ومدح)قولوا امين يابنات

 

[كشه ناعمه]

يابنات افهموا الشمالي تحبوه والله ان شخصيته حلوه
بس كذا يعبر بالافعال مو بالكلام والرسائل ..
ويحب يكون الرسائل لشي مهم يرسل بس كذا مايرد
بس والله انه ينجن وينبسط ويطير برسايلك فوووق
بس مايرد اقولك ليه
لانه مايعرف يعبر لانه شخص يعبر بافعاله ولا عنده قدره
يكتب ويرد .
والرسائل الي واضح انها من تعبيرك الشخصي يعني
مو كلام من النت تعجبه اكثر لانه يحسها من قلبك
وتعبر عن حبك بشكل اصدق .. وتاثر فيه اكثر .
ويمكن الا مو يمكن الاغلب مايرد عليك بس يكفي لدخل
بعد مايرجع وهو مبتسم او يجيب لك ورده
او يحضنك او يمشيك هذا تعبير عن مايحمله صدره لك من
مشاعر من تاثير رسالتك له .. ومع الاستمرار
وتهيض مشاعره و حبه لك راح يكتب لك بتعبيره الشخصي
لان مقوله سمعتها يقول القلب كالكاس
لما تمليه ماي وبعدها ينسكب الزائد هو الي راح يرد لك
يعني لمتلى قلبه حب وطلع بزياده
راح يرجع لك هالفائض بكل ماحلمتي فيه .. وعن تجربه شخصيه اقولها
لك مع استمراري بارسالي له دون نكد او هم او شكوى
وكنت اكتب له من تعبيري دون رد منه بس كنت اكتفي بابتسامته
لدخل علي وادري انها من تاثير الرساله وحتى لكان بالاستراحه
وارسلت له يرجع بدري لي .. او يرجع ولي معه شي اسكريم او
حلى او يكمل سهره حلوه معي
وكنت ارسل له بس مو كل مره كل بين فتره وفتره عشان يكون لها طعم
وصدقيني بعد صبر مني .. وربي انه صار هو يالف ويكتب لي كلام
ماتوقعته منه ويحاول يوزون ويسوي لي اشعار عشان
يرضيني ويمدح رسايلي ويتشوق لها بس بين فتره وفتره
يكون لها طعم ماتكثرين منها ..
بس افهميه وربي تكسبيه وانا خبره بالشمالي تعبت منه بس
وربي الحين حياتي معه حلم كنت اتمناه وتحقق وصرت احس
اني طايره فيه ..
وكثير يقولون كيف للحين الحب بينكم بعد هالعشره
ومايدرون اني تعبت لين وصلت هنا ..
فانصحك لاتخلين رسائل محور حياتك
وركزي على كل شي وانتي توك بزواجك لاتستعجلين على
الثمار اسقي زرعك واهتمي فيه لين يكبر واكلي منه احلى ثمر
وتحسين بطعم الذه لانك تعبتي لين كبرت و اثمرت ..

والله يهدي نفوسكم ويسعدك يارب
​

 

[sorry dear]

ههههههههههههههه الله يصلحك مت من الضحك وقومت بنتي من النوم ياااااااااااااليل ابو لمبه بتزعجني الله يحفظها
ياويلك من ربي مالقيتي الا اصبعك وش ذنبه المسكين انتي امرتيه وهو نفذ
الله يعين اصبعك عليك كل ماتزعلين تدعين عليه ههههههههههههههههههه
والله ماعاد اقدر اسكت
ايوا تعجبه الرسايل بس يتثيقل انازوجي شمالي بس اللي جنب الشمالي يتغير مدري ليه مره غربي مره شرقي
مايحبون يردونن بس يمووووووووووووتون بالرسايل وع الاغلب البسيطه يعني اذا اذا اذا حبيت ارسل اكتب

اشتقت لك ^_^

ولا يكثر واذا رجع مااساله اقول قريتها ولا لاء عشان مايتثيقل وبعدين هو اللي يقولي قريت رسالتك وعجبتني
وهي بس هالكلمتين
الله يوفقك ويسخركم لبعض

 

[sorry dear]

وعلى قولة الاخت كشه ناعمه ايوا يعبر بالافعال والدليل ااذا ابيه يجيب لي شوكلت
اكتب له رساله غرام من تعبيري واذا رجع الاقيه جايب السوبر ماركت ههههههههههه لا امزح بس يتذكرني
ويجيب لي سنكرز بس ماسوى فيني خير ماعاد اقدر امشي هههههههههه

 

[انوا رة الرياض]

هم كذا الرجال مايكتبون انا زوجي اكتبله ومايكتب وهو جنوبي

 

[متزوجه ولكن]

هههههههههههههه ياخساره بتصيرين بدون اصبع ههههههه امزح معك باحلوه استغفري ربك

واذا ارسلتي له لا تنتظرين منه رد ابدا عشان ترتاحين