والله خطيبي بيجيني ومادري وش اصلح من اطباق

[بنت سكاكا]

مرحبا اشتقت لكم كثثثثثييييييييييير ياعسولات....
المهم الزبده على طول........
بنات كل ماجاني خطيبي اسوي له عشاء وحركات حلوووه واحس هالمره مادري وش اسوي له ....؟؟؟؟:22: بس غير ورق العنب والكبسه والمحاشي والمعكرونات والسلطات حتى السلطات مايحبها ويقول لاتسوين لي سلطات اذا تزوجنا والشغلات هذي اتعود عليها حتى ...... طبعا لاتقول لي وحده مو لازم عشاء وبس فطاير المشكله اني عودته ومنحرجه فهمتو وش اسوي بالله ابغاحاجات بسيطه وسهله وحركات على السفره مممكن الفززززززززعه ياخواتي الله لايحرمني منكم فديتكم ردو لي بالله بسرعه ...
وبالنسبه لحلا القهوه بعد مو مشكله اسوي الحلا بس طريقة تقديمه ابغا لها افكار تكفووون يابنات لحقو علي ويامتزوجات افيدوني بخبراتكم ...​

 

[اتعبني هواك]

مرحبا عيوني..
راح أساعدك باللي اقدر عليه,,
بالنسبه للحلا بعطيك إثنين..
الاول نزلت طريقته بالمنتدى بس بدون صوره سهل ومايبي شي..
حلا الرافايلو بحشوة الاوريو..
م\
كاس وربع حليب بودره ..كاس وربع سكربودره
اصبع زبده بحرارة الغرفه ..نصف كا جوزهند بيالة حليب سائل انتي تسوينه موالجاهز
الحشوه,,اوريوتشلين الكريمه منه ملعقه قشطه ..تطحنين البسكوت الاوريو وتضيفين الملعقه معها وتخلطينهم مع بعض وتكون العجينه شاااااده علشان تكورينها موتكون سايله لاء انتبهي شاااااااده خليها بالثلاجه شوي
نجي للأوله...اخاطي المقادير كلها ماعدا البياله اللي فيها الحليب
اخلطيهم مع بعض زين حسيتي انها شوي ناشفه اخذي ملعقه وصبي عليها
ملعقتين برضوا تكون شااااده علشان إذا حطيتي الحشوه ماتتلخبط معاااك
نفس طريقة الخليه بالضبط تاخذين من مقادير الاوله وتفرديتها بإيدك وتحطين الحشوه حقت الاوريو وتكورينها وبعدها مجهزه صحن فيه جوز هند تقلبينها عليها وتحطينها مع بعض او بالقراطيس الصغار وبالثلاجه وإذا جاوقتها طلعيها قبل بربع ساعه بحكم الجو شوي بارد...

الثاني مثلثات التوفي..
كاس وربع حليب بودره محموس
قشطه فنجان سكر ملعقهB.B,,
3بيضات اصبع زبده ويكون من حرارة الجو
حطيهم بالخلاط ماعدا الحليب المحموس واطحنيهم وصبيها على الحليب
واخليهم بالملعقه انصفي الخليط نصفين صبي النصف فالصينيه والباقي خليه على جنب ودخليه بالفرن من تحت وطلعيه...
الخلطه الوسطى بين القسمين,,
نصف كاس حليب بودره ..نصف كاس سكر
قشطه 3حبات جبن كيري
اخلطيها وصبيها على الصينيه كطبقه ثانيه وبالفرن من فوق لحد ماتتحمر
يعني موبس تجمد لاخليه يكون فيها شوي بقع بنيه علشان إذا صبيتي خلطة الحليب ماتخرب عليك بعدها طلعيها وصبي خلطة الحليب عليها وبالفرن من الاعلى وطلعيها بالثلاجه اهم شي الطبقه الوسطى لاتكون كثيره لاء خليها متسااااويه يعني وسط لامليانه ولاشويه..
ويعدين خلطة الحليب إذا حسيتي إنها ماسكه شوي زيديها شوية مويه علشان تسلك معك يعني لازم تكون العجينه سايله شوي مومره
وبعدين وقت التقديم قطعيها مثلثات وصفيها بترتيب وزينيها بالهيرشي
إذا ماكان عندك التوفي السائل بداله هيرشي

 

[اتعبني هواك]

بالنسبه للعشى..انا منزله هنا..شيش طاووق سهل وطعمه جنااااااان وماياخذمن وقتك ابد ورااااح يعجبه دوري عليه ونصيحه سويها له مع رز ابيض عليه صنوبر محموس وبصل شرايح محموس وحطيها فوق الرز وبالنسبه لشيش طاووق انتي وشطارتك زينيه باليمون على الجوانب..
ضيفي معهم..دوائر التوست,,
خذي لك لحم دجاج مفروم واحمسي بصل مع ثوم مهروس وحطي جزر وكزبره وذره
وبهارات وملح هاذي الحشوه خليها على جنب ..خذي توست وقطعيها بغطى الابريق يعني شي يكون دائري قطعيها دوائر وادهني التوست بالجبن السائل وحطي الحشوه وادهني الوجه الثاني بعد بالجبن وغطيه غمسيها بالبيض والبقسماط وخليهم مثلا لبكره وطلعيها بعد بدري واقليهم وجملي الصحن واقطعيهم بالنصف يعني تكون نصف دوائر..ضيفي معهم سلطه عاااديه خيار طماط بقدونس ونعناع بس لاتكثرينه علشان مايعطي طعم اكثر وذره وجزر واخلطي بصحن ثاني ليمون وشوي زيت زيتون بعد لاتكثرينه ووقتها اخلطيهم مع بعض بصحن تقديم حلو حطي عليها شرائح طماط..
وزيني بكاسات عندك..اخرشي للحلا,,طبقه كيك سويسرول كاكاو حلقات حطيها اول شي بعدين دريم ويب يعدين طبقه ثانيه وبعدها اخلطي مع الدريم نص كريمه وصبيها على الكيك وبعدها كيك وذوبي جلكسي مع قشطه وزينيها فوق اخرشي
وحطي حبات الهيرشي وعليكم بألف عاااااااااااافيه دعواتك ياعسل

 

[بنت سكاكا]

اختي اتعبني هواك.... احرجتيني بفزعتك جزاك ربي كل خير وسخر لك زوجك ورزقك ذرية صالحة يابعد الدنيا والله ماانساها لك ومشكوووووووووره الف شكر بصراحه ماتوفي كلمات الشكر .​

 

[خطؤة خجل 1]

موفقه يا حلوة

 

[مَلآمِحْ حُلمْ]

ضعي سؤالك في الموضوع المثبت ( اسألي و نجيبك بالطبخ )
اذا احتجتي شيء ثاااني