وااااء ساعدوني

[هاديه وخجوله]

مرحبا عرايس كيف حالكم انا جديده معكم وزواجي بعد شهرين ونص السالفه اني كنت بزين زواج كبير فجأه غيرت رايي وقلت لزوجي خلاص ترى ماراح اصلح زواج انت صلحه بسيط زي ماكنت تبي وهو انبسط وطار ويقول كبرني بعيني مع ان الزواج اول كان بيصير تكلفته علي

وبعدين تحسفت ودي انا ارجع اسويه بالشكل اللي ابيه ومو قادره اتراجع صرت افكر اقوله ان اهلي يقولون بنسويه ماعليك مادري مادري وش اقول المهم خايفه اذا سويت زواج بسيط مره اندم شرايكم استمر على كلامي وبعدين اسوي زياره والا الحق واسوي زواج

 

[هاديه وخجوله]

بليز بنات ابي نصايحكم بسرعه عشان يمدي احجز لانه مسكين الحين يدور على القاعات اللي تبع الاستراحات

للتوضيح بس اول شئ كان الزواج عليه وكان بيسوي زواج بسيط المهم انا قلت الا ابي زواج وقالوا اهلي لهم خلاص احنا بنسوي زواج الحريم وانتم ماعليكم وبعدين انا شلت هم الزواج والحوسه في لحظه حسيت اني لحالي بكل شئ << التكلفه - والتجهيز ووو

لكن تعرفون العروس دايم تحس بضغط نفسي مبالغ فيه

انتظرررررر نصايحكم وربي ماعندي ام او كبيره

شكرررررررررا

 

[ملاك 88]

شوفي يالغالية .........هاي ليلة عمر يوم واحد ........
كل بنت تحلم زواجها احلى زواااااااااج واحلى عرس .....
بس انتي قدري زوجج لاتهتمييين بكلام الناس ..
يعني سوي عرس حلو بس مب شرط تكاااااليف كثيرة ولا تخلين علية اديووووووووووووون .
لان انتي بعدين راح تتعبين .الناس حضرو العرس كلو وشافوج وراحو ......بس زوجج راح يدفع الديون اللي مالت العرس .بختصااااااااااااااااار سوي اللي يقدر علية

 

[هاديه وخجوله]

هلا ملاك مشكوووووووووووره على الرد بس للتوضيح اذا بكبر الزواج بيكون التكلفه علي وانا بالعكس ماطلبت منه ولاشئ

 

[زهرة الـ ق ـمر]

اهلين اختي ربي يوفقك ويتمم لك ع خير

ما بعرف حبيبتي بس افضل انك تخليه هو يسوي اللي يبي وع قولهم الناس ما تجيب خير

سواء سويتي او ما سويتي بالغالب ما راح يعجبهم

وبعدينه حلوو لو هو يشيل المسؤليه ويحس انو تعب لو شوي بالفرح يعني ما تخلي كل شي عليكي بعدينه ما راح يحس بقيمتك

موفقه يا قمر

 

[برسباي]

والله الزواج الفرحه فيه مو شرط تكون في الكبرىبس اهو يعتمد على العروس اختي سوت زوااج صغيير بالمره والله فرحتنا فيه احسن ملييااار مره من الزواجات الكبيره وبالتوفيق

 

[هواجسهـ]

انا احس فرحتي بشكلي وكوشتي والزغاريد

اللي براااا يرقصون مااعلي منهم هع هع والله


اهم شيء المكان اللي بجلس فيه يكون فخم م م وكل اللي بخاطري اسويه

لاني تذكرت وحده اعرفها مابقى من المهر شيء قالت مولازم كوشه

وحطت شيء بسيط مرتب



اللحين تقول ليتني تسلفت وسويت كووشه


اصلا الرجال ماايتذكرون الا الكوششه ويحسون اذا دخلوا علىا لعرووس بجووو




الله يوفقني وكل العرايس يااااااااااااااااااارب

 

[بطه حبها ورطه]

ياحليلك اختي والله انا زواجي زيك بعد شهرين ونص بس والله ماادفع ولا هلله من جيبي اخليه اهوه يدفع
حتي الطقاقه انا اخترتها طبعا وكانت غاليه والله بس اهوه دفع خخخخخخخخخخخخخخخخخخخخخخخخ
حتى التصوير ادفع العربون وهو يكمل الباقي طبعا مخططه بس ماقلتله خليه مفاجئه هوه يطلعها
اما اني اسوي زواجي من مهري معصي

 

[هاديه وخجوله]

خخخخخخخخخخخ ياحبي لكم نصايح حلوه

بس عجبتني سالفة كلش عليه صعبه اخاف يكرهني عاد هو راتبه زين بس يصرف على اهله والمشكله حتى ابوي مستحيل يدفع لحفل ولا اجرا اقوله يعني بالاخير كلش علي الله يرحم امي كنها حاسه فيني فجاه هاليومين جاني قد فلوس الحفل ورث لها <<< الام غير حتى بعد وفاتها

ملاك و زهرة القمر وبرسباي وهواجسه وبطه

نورتوني وسموا القهوه U U U U U