هل يفضلك زوجك ناعمه؟؟ تفضلن سيداتي...

[صديقة زوجي]

السلام عليكم...

أول مره أشارك وياكم,, وان شاء الله ما تكون الأخيره....

أنا عندي مشكله صغنونه بالنسبه لي بس يمكن عواقبها تكون كبيره:thumbdown: وانا ما ادري:no:!!!!

أنا وريلي نحب بعض الحمدلله ومتزوجين من سنه و 12 شهر....
المشكله انه ما يحب فيني شي أو طبع وانا مب قادره أغير طبعي لان من استويت وانا جي:icon1366:بس هذا مش معناه اني ما أبغي أغير طبعي..

أنا مش ناعمه في طبعي عكس ملامح ويهي,, فيها نعومه وأكثر اللي يشوفني يحس اني ناعمه وهاااااديه,, مع العلم اني ما أظهر طبعي الأصلي برا مع الناس أحسسهم ان فعلا أنا ناعمه... بس أنا من صغري مثل الأولاد في تصرفاتي وفي كلامي وفي لبسي وفي كللللللل شي مثل الأولاد, حتى في المدرسه كانت تصرفاتي مثل الشباب.....

اليوم بعد زواجي ريلي وايد يكرر علي جملة: حبيبي قصري صوتج يوم بتتكلمين.. أو حبيبي صووتج عالي.... ممممممم أحيانا يقوللي انزين بليز يوم بتتحركين تحركي بدون دفاشه ومن هالكلام...مع انه يوم حبني كان دايما يقوللي أحب الشطانه اللي فيج وسوالفج وخبالج:blushing: يعيبني هالشي فيج..

عادة أغلب الرياييل يحبون الحرمه الناااااعمه والهاديه بس أكيد مش الممله طبعا... والخوف ان بعد كم سنه تتفضل حضرتها اللي بيحصل فيها المواصفات اللي مش قادر يلقاها عند زوجته:thumbdown:


سؤالي اليوم: هل لو أنا حاولت أغير من طبعي, بكون على طبيعتي؟؟ أو اني بقتل الشخصيه الحقيقيه اللي في داخلي وبعيش بتمثيل بس عشان أرضيه وأعجبه؟؟ هل أنا غلط؟؟؟؟؟

أتمنى الافاده من الاختصاصيات والسموحه اني طولة عليكم..

 

[سامية الروح]

ياهلا ومرحبا فيك أختي :clap:

لا تغيرين طبعك ولا شي ،،، أصلا ماراح تقدرين

وإذا ضبتي تصرفاتك شوي (وهذا المطلوب ) مو معناها تغيرين طبعك .....

الرسالة اللي بيوصلها زوجك لك (حسب مافهمت من كلامك )

" أنتي يازوجتي كل شي فيك حلو :cupidarrow: ،،، إلا صوتك العالي ودفاشتك :crazy: "

ومادامك قادره على هالتعديل قدام الناس أكيد بتتعدلين عند زوجك حبيبك

والله يسعدكم

***

​

 

[اللـوتـس]

صدقيني اختي بتقدرين تتغيرين الين يصير طبعك النعومه ​

انتي بس خلي هاجسك انك انثى ناعمه ​

حاولي هالإحساس ما يفارقك ومع الوقت بتصيرين نعومه بلا تصنع​

ربي يسعدك ويوفقك ​

 

[الدكتورة نبضة قلب]

عزيزتي

اولا

رائعه هالصراحه اللي بينكم

مافي شي صعب

الطبع بالتطبع

احيانا ستايلج يجبرج تكونين نعومه

مثلا يوم تلبسين فستان نعومي وتفليمن شعرج
وتلبسين لج كعب
غصب عليج تتدلعين

وتحسين هالشي تلقائي مب تمثيل

ادخلي ويانا في قسم الدلع والغنج
وبتتعلمين باذن الله

 

[صديقة زوجي]

مشكووورين خواتي... كنت خايفه أحدر وما الاقي ردود بس الحمدلله ما تقصرن حبايبي...


أنا ما استشرت الا عشان أسمع كلامكن وان شاء الله بجتهد به... الله يوفقكن ومشكووووووووورات...

 

[مقدامة]

باالعكس حاولي تصيرين أكثر نعومة عنده زي ماتسوينها عند الناس حتى لوما كان
هذا دائما .

 

[مقدامة]

وفي حاجة استفدتها من المنتدى
انك ماتكونين عفوية في تصرفاتك وكلامك مع زوجك خليك رسمية شوي تجذبينه أكثر.
​

 

[مشتاقه لحنانك]

حبيبتي فيه طريقه قريتها في المنتدى بس ما اذكر وين باالظبط
بس لما تلبسين وتتشيكين لزوجك تخيلي ان فيه كاميرا تصورك
راح تلقين نفسك راكده غصب عنك ههههه
الله يوفقك

 

[ام العصافير]

حبيبتي انتي سؤالك هل بيتغير طبعك او ان شخصيتك الحقيقية بتنمحي؟؟

انا اقولك انك اذا اقتنعتي بالشخصية الناعمة الراكدة المطلوبة راح تحبينها وتتحولين وتتغيرين لها بشكل غير ارادي
لكن اذا كنتي بتتغيرين بس ارضاء لزرجك وقدام زوجك ماراح تعرفي تتقمصينها وبتصير عليكي بايخه
يعني في البداية حبي الشخصيه ترى النعومة والركادة والثقل (في الكلام والصوت والعقل ) حلو ويدل على قمة الانوثه
وانتي مشالله تقولين ان شكلك نعومه مشالله عاد اشين شي ان تكون وحده نعوووووومه تصرفاتها دفشه احنا الحريم مانتقبلها فما بالك الرجل
ربي رزقك نعمة الهيئه الناعمه في الشكل -بقى عليكي انك تحلينها بالاسلوب-وترا النعومه ماتتعارض مع المرح وهالسوالف
اتمنا اكون فدتك
مع تمنياتي لك بمزيد من النعومه

 

[دلوعــ حبيبي ـه]

هههههه يالبا قلبك ههههههه

 

[صديقة زوجي]

مقدمه.... أنا اتمنى هالشي بس الناس يكون وقتج محدود وياهم وطبعا ما تقدرين تطلعين حقيقتج جدامهم فتكونين رسميه أكيد... بس أحس ان الواحد في بيته يعيش طبيعته أكثر من أي مكان وهالانسان أكيد انه وياي معظم الوقت فمهما حاولت ما اقدر أمثل أو اطلع عن طبيعتي طول الوقت ولا بنفجر أخر شي.... فمافي غيره عشان يعيش وياي كل حالاتي...

مشكوره يا عمري وانا اكيد بحاول اني اتغير...

 

[صديقة زوجي]

غادة أبوي... حلوه الفكره بس هذا بحاول أسويه في البدايه لين ما أتأقلم عالوضع بس... لان أحلى شي ان الانسان يعيش بطبيعته وكل حد منه الله خلق له طبيعه في الناعمه والرقيقه والهاديه من الله وفي العكس.... بس كبدايه ممكن يكون بوينت حلو لصالحي عشان ماأنسى نفسي....

أما من ناحية اللبس والمكياج لا تحاتين أنا كشيخه وايد وايد...يمكن قبل الملجه والزواج ما كنت في البيت اتكشخ كنت البس لبس اخواني الاولاد ههههههه... في من ملج عليه حصلت هزبتين من أمي واعتدلت... بس المكشله في التصرفات نفسها... وان شاء الله تتغير...

مشكووووووره عمري...

 

[صديقة زوجي]

أم العصافير... كلامج مقنع وسليييييييييم 100% فعلا اذا الواحد ما حب الشي واقتنع فيه مستحيل يسوويه أو يقدر يوصل له.... أكيد أنا عندي الرغبه ولا ما كنت بطرح الموضوع....

فديتج مشكووووووره حبيبتي

 

[صديقة زوجي]

دلوعه حبيبي D: هلا والله ههههههههه