هل وضعي طبيعي؟؟؟؟؟؟؟؟

[منااااير99]

ما ادري كيف ابدا
بقولكم وامري لله
انا زوجي طيب ورومانسي لكن من مده تقريبا من 7شهور ينام طول الوقت وما اشوفه في اليوم الا ساعتين بالكثير ويعصب علي في اشياء جدا تافهه
وعن علاقته الحميميه مره الى مرتين بالكثير في الشهر مع اني البس وما خليت شي الا سويته له:16:
السوق اطلب لي 4شهور وما وداني من الكسل
بالزور اطلع اشتري لبنتي واذا طلعنا قبل لا تسكر المحلات بساعه يدوب الحق الضروريات لبنتي
وعلى طول يرجعنا البيت عشان يلحق الاستراحة
كان محدد لي يوم كامل يطلعني فيه
الحين كل الايام للاستراحة وحتى اليوم المحدد لي ينام لين الفجر
ومرات يقوم الساعة 9 ويقول بسرعة عشان اروح للاستراحة قبل 12
مليييييييييت من وضعي هل الرجال كلهم كذا؟؟؟
ما عنده عذر لاننا كلنا موظفين انام معه واقوم قبله

كل من شباب الاستراحة كان يقولي عنهم كلام فيه خراب بيوت مثل ليش للحرمه يوم خلها في البيت ولاعليك منها لا تركبك حرمه:8:
تزوج ثانيه احسن عشان كل وحده بتنافس الثانيه على رضاك:25:
وغيره من الكلام اللي يغث
صار مايعلمني بشي اخباره اخذها من اهله لانه يعطيني كلمه ولاهله كلمه والصح عند اهله
طبعا اهله طيبين ما فيه كلام
بسسسسسسس مليت والله مليت
وسامحوني ودي افضفض

 

[دمعة سحاب2]

لا طبعا اختي الغالية وضعك مش طبيعي........

انت تاركه الحبل على الغارب...لازم تتصرفين قبل ان يتعوووود على ضياع مسؤلياته ومسؤلياتك و بنته وبيته...

 

[منااااير99]

طيب وش اسوي والله اني مهمومه ما احس اني متزوجه
تكفووووووووووووووون وش الحل
انا قدام الناس عايشه بجنه ومحد يدري عن وضعي
لا تقولون كلمي احد من اهلك لان محد بيتفهم وضعي
الحقوني بحل الله يوفقكن ويسخر ازواجكن لكن
وبالنسبه للمسؤليه ماعندك احد ولا يدري عنها بس اذا روق يعني كل اسبوعين مره

 

[روعة القصيد]

سبحان الله مافيه احد مرتاح

كل انسان وله مشكله يعاني منها

الله يهديه يسخره لك ويسعدك معه

 

[حلاوة وشقاوة]

حاولي تتفاهمي معاه وتقوليله ملاحاظاتك عليه وايش اسباب تغيره؟؟
وبالنسبه لصلاته ومحافظته عليها كيف ؟؟
الله يستر بس لا يكون تجمع الشباب في الاستراحه يكون فيه حشيش..
لأنه من اعراضه النوم الكثييييررر

 

[أنثى مجروحه]

صباح الخير مناير وكل البنات اللي يشاهدون المتصفح

أثرت شجوني لما ذكرتي الأستراحه

فهي مرض متفشي وخطورته تختلف حسب نوع الأصحاب والجلسات فيها

هي أفلام أو كيف؟؟ أو لعب وتضييع وقت أو تبادل خبرات في النساء والغزل

أه أه

حسبي الله على كل رجال يهمل مرته عشان الأستراحه أو يفسد دينه ويضيع وقته

بس وش نسوي صارت عادة أو عرف وتقليد أجتماعي

وين رزايا والخبيرات يعطونا حل؟؟

مع أني أشك أن فيه أمل

 

[كرز توت]

ياقلبي انتي والله معاناة

طيب حاولي تحببينه في البيت سوي نفس جو الاستراحه حطوا القنوات اللي يحبها جهزي ترامس قهوه وشاي وحلى
وتابعي معاه المباراة واظهري حماس <<ياقلبي يااحنا بس
وفري جو هادي ولاتزعجينه بالطلبات جربي فتره لحد مايعجبه السهر معاك بعدين شوي شوي قولي شرايك نسهر برا وكذا

وعليك بالدعاااء ان ربي يسخره لك ولبيته وعياله ويرده لك ردا جميلا

 

[همس الفيافي]

الله يفرج همك وهم كل مهمومه الله المستعان طيرو هرجال عقولن ولحن نلاحقهم وش يبون وش يرضيهم

وبعظنا لاحول والاقوة إلا بالله قدمت رضى الزوج على الله وهذا اكبر غلط فولله لو احسنا تعبدنا لله وقمنا

معهم بما يرضي الله دون ان يطغي حبهم على ربي كان الحن في خير عظيم

 

[منااااير99]

يجمع صلاة الظهر الى العشاء ومره وحده يصليها
كلمته قال غصب عني هذي اعراض اسحابيه من ترك الدخان وهو له اكثر من سنه تارك الدخان
ضيع حقوق دينه فضاعت حقوقي معه
الاستراحه فيها بلوت ولا يشرب شيشه ولا حتى شاهي
وسوالفهم في كل شي الشين والزين
والله ان جوه في البيت افضل من الاستراحه شاهي ومكسرات واتابع معه كل شي حتى التحليل الرياضي وبس الاكيد ان شباب الاستراحه كل من هب ودب
الطالح اكثر من الصالح وبذيئين الكلام
وبالنسبه لطلباتي شبه معدومه لاني ما اشوفه الا قليل

 

[اميره ابوي]

كلمي احد من اهلك يلحق على الوضع من البدايه قبل ماتتطور المشكله

 

[حلااميرة الزوق]

الله يفرج همك ويسخرلك زوجك

 

[نبراس الهداية]

الله يصلح لنا ازواجنا

 

[رحيل الوقت]

مناير والله العظيم والله العظيم اي قبل طلاقي مثل وضعك بالضبط ما اشوفه الا ساعتين بالنهار كله بسسس انا كان عندي وضع غير بزياده

ولما زعلت تم طلاقي لانه يبي الفكه

عزيزتي لا تغلطي غلطتي طالما عندك وظيفه وتقدري تطلعي وتروحي سوي لك جو بعيد عنه تذكري كتاب الرجال من المريخ ولانساء من الزهره يحكوا انو الرجل تاتيه مرحلة دخوله الكهف وطالما انتي على باب هذا الكهف مارح يخرج يعني طول ما انتي منتضره تغيره مارح يتغير ولا رح يرد وبيضل بكهفه

شوفي عزيزتي

تذكري اجمل ايام حياتك متى عني اذكر ايام الثانوي كنت احب اناضر بالمرايه واتزين وارسم واشعر اني في قمة السعاده لما تغيرت عادتي هذي تغير كل شي

كان ابوي يجي لحد عندي ويعطيني فلوس ما اطلبها اخواني يحبوا يجيبوا لي معهم هدايا وما ينسوني من اغراض البقاله قبل لا اطلبها تدرين ليه لان انا كان لي عالمي الخاص العصر كان البيت يفضى واخرج بالحوش وارسم كان لي غموض وانا والله بهذاك الوقت ما كان عندي ما عند جدتي لكني كنت احب نفسي واهتم فيها

في نعمه عطانا الله هي والله لو تستغليها تمام قسما بالله ما تشيلي هم اللي هي النسيان

انسي ان لك انسان بحياتك مهملك لا تنسي هلاانسان انسي اهماله واسعدي بوقتك خروجك واحمدي الله على كل ما عندك من خير وادعي الله ان يزيدك اكثر واكثر

ابتعدي عنه ابتعدي ولا توقفي عند باب الكهف لا تتكلمي عن الامور اللي خلته يدخل هالكلهف انت وش فيك متغير يا فلان انت وعدتني ابي تجيب لي شغله حاولي تناسي اذا ما قدرتي تنسي اهماله ولا تذكريه قد ايش هو متجاهلك لان الرجال لما يحس المره مهتمه فيه بعيد عنك يمل لكن اذا اديتي واجبك واهتميتي بنفسك وحبك لها وغذيتيها امل وفال وعطيتي نفسك فتره تتذكري فيها وقت كنتي تحبي فيه نفسك صدقيني بتحسي ان فيه تغير وتتغير تصرفاتك وتصرفاته معك

طولت بالكلام لكني فعلا فعلا ما عرفت هالشي الا تووو انا ما كنت اشوف احد مع نفس جوك الي تكلمتي عنه لا اخرج اذا ابغى شي ما يسويه الا بعد زن ونكد وما اشوفه كلش امي ما اشوفها لا جوال لا نت ولا جيران وانتضر دخوله المعتبر على البيت اي نفس حلوه بتجيني اتزين له وانا ما اشوفه واي نفس حلوه بتجيني اقابله بابتسامه كنت في سجن مو بيت وبالاخير احمدي ربك انا وانا لكني اتخذت القرار وطلعت من البيت وكانه يتمنا انه بيوم يرد من الاستراحه ما يلاقين تمنى لان من طلبت الطلاق طلق في خلال يومين ولا تعبني معه بالعكس كان فرحان من صوته

لا تلجاي للطلاق زي ما علمتك انشغلي بنفسك وحبي نفسك طارق حبيب سمعت له لقاء بالتلفزيون عن امراه تجد تجاهل قوي من زوجها واولادها قال لها يا اختي عيشي مع نفسك ولنفسك لا تفكري كثير بالامل في انهم يوم بيلتفتوا لك وستجدي خير هو نفسه كلام ناعمه الهاشمي الله يسعدها انشغلي بنفسك ولنفسك حبي ذاتك

^_^ ادري طولت بزياده هههه