هل هناك حل

[أمل مشرق]

السلام عليكم ورحكة الله وبركاتة
في البداية الشكر لكل مشاركه في هذا المنتدى الرائع واشكر مملكة بلقيس على هذا المنتدي الرائع وطبععاً انا مشاركة جديده واتمني القبول والترحيب

مشكلتي في زوجي الذى كان حنون وطيب ورمنسي ومع مرور الايام تغير وأصبح أنسان متوحش ولا اعرف ما السبب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل هو حب المال ام شئ ثاني
طبعاً انا مدرسه وبطاقتي مع زوجي وكل شئ بيده وكما قلت كان طيب القلب ولكن سرعان متغير وأصبح انسان اخر وطبعاً انا أخذت بطاقتي وحصل مشاكل كثيره بيننا ولكن زوجي ما زال يطالب بها ويهدد بكلام غير مفهوم فما ذا افعل هل ارجع البطاقه ؟؟؟؟؟؟؟؟؟؟؟؟؟؟؟؟؟؟؟
ما الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[ام خالوودي وبس]

السلام عليكم
عزيزتي ما حبيت ادخل واقرى من غير ما ارد والله ياعمري ما اعرف وش
اقولك غير اني ادعيلك انو الله يسخرلك زوجك ويحنن قلبه عليكي والله
يوفقك ويوصلك للحل الصائب وان شاء الله البنات الي عندهم خبرة
يجاوبونك وشكرااااا

 

[أمل مشرق]

شكراً على المرور غاليتي

 

[بقايا فتاه]

اولا السلام عليك عزيزتي

ثانيا فرج الله همك وسخر لك زوجك وعدله ورده لك ردا" جميلا ياحي ياقيوم

بس عزيزتي انا لي عتب اخوه عليك

ترا مب صح انج تعطين الريال كل شي؟!!

يعني انتي تتعبين وتقومين ويرتفع ضغطج وبرد وصيف

وبالنهايه كل شي بايده ؟!! وليته يعاملج زي الاوادم

عزيزتي ماقولج لاتعطينه بالعكس داريه وغرقيه هدايا ودلعيه

بس لاتسلمينه كل شي بايده هذا اكبر اكبر اكبر غلط

جذي انتي عودتيه على شي كثير وايد

يعني اهو والله والله مايقدر يسوي لج شي دامه مادي

بيحس انه ولاشي بدونج تمسكي بموقفج وقولي له هذا تعبي

وانا مابقصر عليك لكن اول شوف تعاملك معي

والله يالغاليه انتي فعلا" هديه من السماء له لكن يارب يعرف قدرج

ويهداه ربي لج


الله يوفقج يالغاليه

 

[دانة القصيم]

شوفي ياقلبي

انتي بيني له ان البطاقه ماتهمك وان فلوسك فلوسه

قولي له راح اخليه معي ومتى مابغيتها راح تكون بين ايديك

وصارحيه بمدى تغيرهـ عليك

ناقشووووو اموركم بيناتكم وبهدوء

والله يهديه ويسخره لك

 

[the tigress]

استغرب واتعجب من اللي يكدون ويتعبون وبطاقاتهم بجيوب رجالهم
لو ابوكم ما عطيتوه وقلتوا عليه طماع

المهم انتي غلطتي هالغلطة وصلحتيها بس لا تخلينه ييأس - خلي عنده أمل
بس من ناحية تغيره عليك لازم فيه سبب
ايش فيه ظروف بحياتكم تغيرت ؟
من فيه ناس دخلوا بحياته؟
عندك عيال ولا لا؟
يصرف عليك وعلى البيت برخاء ولا لا؟
ما مدى حبك وتمسكك فيه ؟
جربي المصارحة وشوفي اذا فيه امل بالاصلاح ولا لا
حاولي معرفة السبب
لا تقبلين الاهانة ولا العنف
انتي عندك القدرة على الاستقلال المادي وهذي نقطة لصالحك

 

[بندول]

الرجال عند المال الحرمه ماتسوي شي وكثير تغيرو بعد وظائف زوجاتهم بس الحل انك ماتسلمينه كل شي يأختي تعبك وخصوصياتك ايش قوة العين هذي مالك تعبك بس انا اعرف ان الغلط منك مو منه لانك طمعتيه فيك وعودتيه انه هو اللي يتحكم فيك وفي مالك بس اشوى انك تداركتي الموقف من بدري وهذي توابع الغلط اصبري وفهميه انك اخذت بطاقتك مو شك فيه او سوء ظن فيه بس هذا من ابسط حقوقك والحق مايزعل لاوانك تحبني .

 

[حبها هاشم]

حياك حبيبتي منوره
اول شي انتي غلطانه انك تسلمين زوجك كل شي
ما في مشكله انك تساعدينه في المصروف اما انك تعطينه بطاقتك غلط
وبالنسبه انه تغير حاولي تجلسين معاه جلسه مصارحه وشوفي يمكن فيه شي مضايقه غير البطاقه
وبالتوفيق قلبووو

 

[سهام الصمت]

الله يعينك حياتي كل الرجال طماعين الل يعين عليهم