هل هذا الشي عادي ؟؟؟؟

[أختكم المسلمة]

السلام عليكم

زوجي يلبس ملابسه جدام اهله و حريم اخوانه

احيانا زوجي يلبس بالغرفه و احيانا يلبس برع الغرفه لانه خزانته اهناك
واهناك يكونوا اهله و يلبس جدامهم

واحيانا اخته ادش علينا الغرفه وهو يلبس ملابسه الداخليه جدامها

فهل هذا الشي عادي او انا ماخذه الموضوع بحساسيه

انا يوم اشوفه جي اتخصص وما ارضى يلبس جدام احد

ابي اناقشه فالموضوع بس ما اعرف كيف لاني اعرفه بيقول لي تفكيرج غلط واحنا فبيتنا عادي

فشو اسوي

 

[غربة النسيان]

معليش عندي سؤال اشلون يلبس ملابسة الداخليه قدامها ؟؟؟؟



لا طبعا مو عادي مافي شي اسمه حياء


عيب والله عيب


لازم تكلمينه وتنبهييه انو هالشي مايرضي الله ورسوله

 

[يفداني بقلبه]

عادي معك حق
مو شي طبيعي يلبس جدامهم
ملابس العادية ممكن لكن داخلية قوية قوووووووووووية

 

[بهيره الموسى]

لا اختي مو عادي حرام هذي عوره قولي انا اغار عليك ترضى البس عند احد بعدين انتي غيري مكان خزانة الملابس والغرفه لازم يكون لها مفتاح عشان تعطيكم خصوصية اكثر
موفقه يالغاليه

 

[الداعية إلى الل]

قولي له حرام
مافيه شي اسمه متعود
ولاكن ليكن اسلوبك لطيف معه
الله يفرج همك وكل مسلم

 

[زوجة تـــوتـــو]

ملابسه الداخليه لا والله هذي قويه قويه صح فيه رجال يكون عليهم ملابسهم اللي هي الفانيله والسروال

الطويل يلبس ثوبه قدامهم عادي وهذي عليه لكن ملابسه الداخليه كيف يعني.......؟؟؟؟؟؟؟؟؟

 

[أختكم المسلمة]

والله ما اعرف شو اسوي
كيف افنعه

 

[أختكم المسلمة]

والله هذا الي يصير معاي

واذا بقوله شي بيقول لي تفكيرج غلط
حتى البناطيل يلبس جدامهم
مقهوره من هالشي

 

[اه من برد الشتا]

كيف قصدك الملابس قصدك الفانيله والسروال؟

 

[منى الرشيدي]

لا حول ولا قوة الا الله

 

[غروربنوته]

لا حول ولاقوة الا بالله

 

[قلبي أسرهم*a+s*]

لاحول ولا قوة الا بالله يعني تبييين عورته قداااام اخته
هذااااااا حرااااااااااااااام انتي نبهيه حتى لو متعووود