هل تنصحوني بتأثيث غرفة من مالي وبدون طكلب من زوجي؟؟؟؟

[سوسو22]

ملكات وأميرات ومشرفات مملكة بلقيس

هل تنصحوني بتأثيث غرفة من مالي وهذا الشئ أنا أريده يعني بدون طلب من زوجي

يعني بصراحة نفسي بشاشة LCD ونفسي أني أغير أثاث المجلس بذوقي الخاص

مع العلم أن حالة زوجي المادية ماتسمح له بالتأثيث حالياً ولمدة 3 سنوات بسبب الاقساط

وأنا لي فترة أجمع هذا المال من الاكتتابات...

نصحوني :fish:

 

[لحن الوداع]

رأيي تصبري إلى ان الله يفرجها على زوجك

والله يوفقك

 

[Um_Zayed]

هلا اختي باربي نعومة ...

لا تفكري ان في الموضوع ابدا ..

تأخذين اثااااث ؟؟؟؟؟ لا وألف لا اقولج ليش لان الريال ما يحب المرأة الي تصرف ... يحب المرأة الي يصرف عليها ....

والله يصبرنا غلى الريايل....

 

[موزة خلفان]

حبيبتي ..........لماذا الحيره
هل زوجك مقصر عليك ماديا ؟
هل هو بخيل ؟
هل هو مقتدر ولا يرغب في التأثيث؟
اذا كانت اجابتك بلا فعليك فعل ما ترغبين فيه وتحبينه اثثي بيتك فهو بيتك ومملكتك لا تبخلي على نفسك
بشرط ان تتركي جزء من المال في حسابك كوديعه
اي لا تصرفي كل مالك على التأثيث اتركي لنفسك شيء للزمن
لكن لا تترددي في ان تسعدي نفسك بتغير الاثاث ما دامت حياتك الزوجية مستقره وانتي وزوجك متفاهمان فانتم في الاخير شريكان ولستما عدوان يحمل كل شخص سكينا خلف ظهره ينتظر الفرص المناسبه لينقض على الطرف الاخر ويطعنه في صدره

 

[طيرشلوة]

مراحب اختى باربى
وانا بعد أقول أصبرى لا تستعجلين , لان الرجال من يشوف المرآه تحط على بيتها من حر مالها يبدا يتكل ويعتمد عليها فى كل شى بحجة أنه ما عنده الماده , ويجبرها بعدين انها تأثث وتصرف على البيت حتى إذا الحاله المادية تحسنت وعنده القدرة والمقدرة .

لأنه أننفتحله باب من الصعب فيما بعد انه يتسكر.

آما بالنسبة للمبلغ الموجود عندك أستثمريه , بمشروع صغير او اسهم تطلعين منها بأرباح معقولة ومثل ما يقولون زيادة الخير خيرين .

والله يوفقك انشاءالله.

 

[Ego-girl]

رايي تخلين فلوسج لشي ضروري اكثر دام زووجج غير مقتدر لمدة ثلاث سنوات

 

[امطلقه]

اشتري وريحي عمرج ترى الدنيا قصيره
بس حطي فبالج
اذا كان عندج اميه
اشتري بخمس وعشري ودسي الباجي للزمن



ولا تعودينه على هالشي


والله يساعدج

 

[قارورة امورة]

انت اطلبي منه اولا وحاولي تقنعيه بذكائج انه يأثث واذا قال ماعندي فلوس قولي انا اسلفك
هههههههههه
انا كذا اثثت غرفة الجلوس عندي

 

[سوسو22]

اشكر الجميع على الرد

وأخص بالشكر الأستاذة موزة على تلبيتها لطلبي وجزاها ربي الف خير

الغريبة ان الكل يطلب مني اني انتظر

الا الاستاذه موزه و امطلقه

وحبيت أوضح كم نقطة

زوجي ليس ببخيل ففي الاوقات اللي تكون اموره المادية ميسورة مايقصر فيها ... وأنا فلوسي هذي من الاكتتابات يعني أنا مو موظفه علشان يتكل علي في المرات الثانيه وهو عارف هذا الشئ ... بس في نفس الوقت حاسه بحيرة وخايفه

وزوجي هالفترة مستحيييييييل يقدر يسوي شئ واحد فالراتب بصعوبة يغطي الاحتياجات الاوليه فقط

وبنفس الوقت ما احب اشتري شئ من الضروريات أو اساعده بشكل مباشر.. وتأثيث الغرفه لو هو طلبها وقتها ماراح أسويها

وأيضاً حايرة

 

[المخلصة75]

أنا برايي اذا زوجك مو مقصر معك ولا بخيل والله اثثي ونسي عمرج بس خلي مبلغ بسيط لك في البنك

انت ماراح تأثثين لغرب راح تأثيين لبيتك :bigsmile::bigsmile:​

 

[حياتى بلا حنانك]

الاثاث يدوب ويهلك ويتكسر اقول حطيها فى الذهب اشترى ذهب وخبى للزمان ....

 

[الدنيا صبر]

بقولك طريقة اختي مع زوجها اذا بغت شئ للبيت وهو ماعنده تدفع من عندها وتقول له سلف من خواتي ورجعهم على مهلك ويوافق ...........واذا الله سهل عليه ردهم لو اقساط المهم حفظت مالها واشترت الي تبي.........وبدون ماتظغط زوجها

 

[ألماس ثلجي]

يا اختي هذي حياتج استانسي بيها لكن لا تكثرين وتاثثين مرة وحدة قوليله كل شهر بنتساعد على شغلة وحدة وانتي حطي شي وهو يحط شي لو يحطلج فازة بلاستيك بس الأهم لا تعودينه!!

 

[دلوعته##]

ليييييييييييش جيه ؟ ليش دايما اتشككون الوحدة في نوايا زوجها لاتسوين له ولاتعطينه ومايستاهل .. كلها
أراء سلبية ومحبطة !!
معقولة يعني كل الرياييل مايستاهلون؟!!
وكل الرياييل يبون حرمة تصرف عليهم؟!!
واللي اتقول حطي بيزاتج ف الذهب أبرك!! الحرمة مب محتاية ذهب .. محتايه انها أدلع عمرها وريلها معها ..أثاث حلو وديكور يفتح النفس ..
أنا أقولج اختيه ماعليج من كل الكلام اللي ينقال لج وسوي مثل ماقالت لج الاستاذة موزة يزاها الله خير .. انتي أدرى بريلج وطبايعه واذا اتحسين ان يستاهل اللي اتسوينه عشانه لاتتأخرين لحظة .. لأن الريال الأصيل وولد الحمولة اذا اليوم عطيتيه ألف باجر يوم رب العالمين يفتحها عليه يردها لج عشرة .. مادري هاي وجهة نظري وانتي كيفج .. شوفي شو اللي يناسبج وسويه ..