هل انا غلطانة ؟؟دعيت على يد زوجي بالكسر قدامه

[الخط الفاصل]

السلام عليكم وزرحمة الله وبركاته
أخواتي
تهاوشنا انا وزوجي.......دفني دفة قوية رماني على السرير
أنا وقتها اتفاجأت وانصدمت
بعدين قلت له: اليد هذه إذا انمدت علي مرة ثانية عساها بالكسر والشلل..

الأفندي زعل................. وصار الحق علي ..

وش الحل

دعواتكم بالفرج

 

[احتويني بحنانك]

لاحول ولاقوةالابالله
الله يهديه المفروض انتي اللي تزعلين مو هو لانه غلطان يوم مد ايده
الله يفرج همك يآآآرب ويسخر زوجك لك
استغفرالله واتوب اليه

 

[رازيا]

الله يهديك كان لازم مسكتي اعصابك شوي وبس شوفتي الموضوع راح يتطور غيرتي المكان ورحتي توضيتي وصليتي ركعتين المهم الحين فرحتي الشيطان علينا
انصحك بس تشوفي زوجك عصب اسكتي لا تردين عليه ولا تستفزيه
وغيري المكان بسرعة
او اذا كنت واقفة اجلسي واذا جالسة وقفي
وهذي الفترة لانه مد يده عليك حاولي تتجاهليه وطنشيه بس قومي بكل واجباتك وبيني انك زعلانه بحزن
مو مشكلة اذا كانت مدة اليد اول مرة ازعلي ببيتك ولا تخرجي ومثل ما قلت لك ازعلي منه ولا تتكلمي معاه واذا حاول يرجع يتكلم معك تكلمي كلمة ورد غطاها يعني كوني رسمية معاه
وبعدين اجلسي معاه وقوليله عن موضوع الضرب اذا تكرر راح تظطري تدخلي اهلك يوقفه عند حده وهدديه انك تخبري ابوك او اخوك خليه يعمل لك حساب وانه وراك عزوة واهل
وتفاهمي معاه واذا كان زوجك شمالي صعب يعتذر مباشرة يمكن يعتذر بانه يمارس معاك في الفراش او يشتري لك هدية او يعزمك برة او يوديك السوق هذا اعتذار منه
الحين روحي توضي وصلي ركعتين واستهدي بالله ولا تخلي الشيطان يفرح ويتشمت فيك
وعامليه برسمية وحاولي لا تستفزيه مرة ثانية علشان ما يمد يده عليك

 

[مـلـكـ]

الأخت رازيا قالت اللي كنت بقوله له والحق معاك حبيبتي هو الغلطان الله يسخركم لبعض

 

[نفسي كذا]

انا احس انك بالغتي شوي وخاصه انه رماك على السرير ,,, لكن حاولي انك تعتذرين بطريقه غير مباضره تحسه انك غلطانه

 

[الخط الفاصل]

مشكورات غالياتي

أختي رازيا هو داري مالي أب ولا أخ ولا عم ولا خال..أستنجد بمين؟؟
أنا لي الله ونعم بالله..

أختي نفسي كذا.... مافهمت كيف بالغت؟

 

[معلمة متألمة]

بصراحه شر البليه مايضحك.... حلوة هذي عجبتني... يدفج ويزعل.....!!​

لاتكبرينها انتي بعد ... بس خليج واثقه من نفسج وبيني له استغرابج من تصرفه وانج مصدومة .. قولي له .. من عرفتك ماتخيلت انك من هالنوووع.... انت كبير ف عيني.. بس صدمتني... قولي له هالكلااام... وشوفي ردة فعلة... ترى سحر الكلااااااااام له تأثيره اللي مايجيبه الا هو..​

ربي يهديه .... ويسخره لج..​

شوفي حبيبتي.. اغلب الرجال باختلاف انماطهم ماينسوووون خصوصا الدعوة عليهم....​

لاتدعين عليه.. ربي يحفظه لج ويهدي بالكم..​

بس حطـــــــــــــي له حد لايتعود يمدهاااا...​

اكره الرجال اللي يمد يده ع الشووفه ( زوجته او اخته) ​

وفهميه ان القوة مب باليد.... والرجوله مب بالضرب... ​

اهم شي تحطين له حد عن هالشي.. وفهميه انج عادي بتخربينها وبتتركينه لو عادها لانج ماتزوجتي عشان تنضربين ... خير ان شاء الله!!!!.. الحين الحيوانات سوو لها جمعيات تحمي حقوقهم اذا احد اساء معاملتهم.... والرسول اوصى بالرفق بالحيوان...​

شلون البني ادم...!!!​

ذكريه باحاديث الرسول : خيركم خيركم لأهله وأنا خيركم لأهلي...​

وادعي ربي يسخره لج ويحسن خُلُقه...
الدعااااء لايجد لذته الا من عاشهاااا ..​

لاتتركين الدعاااء نصيحتي لج...
لج دعواتي بالغيب....​

معلمة​

 

[شطيفه]

ههههه الله يسعدكم بنات ......ذكرتوني بوحده كله تقول حق عياله يعل ابوكم الموت هههههه ومره تهوشو العيال جدام الاب وقال الولد حق اخوه يعل ابوك الموت نصدم الاب وخذا الولد وقاله ليش تقول حقاخوك يعل ابوك الموت قال امي كله تقول حقنا ههههههه وزعن منه زوجها مثل ميقول المثل تبي علومهم خذها من صغارهم فشله هههه

 

[مـلاك الصغيرة]

لا حبيبتي هو غلطان حتى لوزعل طنشيه
بس يعرف انك ماراح تسكتي اذافكر يطولها مره ثانيه
الله يسخرقلبه لك

 

[s@سوسو@s]

لااكيد هو الغلطان
يمكن من الزعل طلعت الكلمه
غصب عنك

 

[الخط الفاصل]

طيب يا أخوات
أكتب له رساله بالكلام اللي قالت لي عليه معلمة متألمة ولا إلين يجي أقوله الكلام ولا أطنش وأسكت
بأفكر أخلي أختي تكلمه
وش تنصحوني أخواتي.

 

[زوبا55]

لو كسر يديك وا رجلك كيف يكون موقفك اتغدى بيه قبل ما يتعشى بك كوني حازمة ولا تعتذري له هو للي لازم يعتذر لك الرجل مش بالقوة

 

[كسرني الالم]

خخخخخخخخ ياحليلك ... حبيبتي انتي رميتي عليه دعوه
صاعقه والرجال ينقهر لما زوجته تدعي عليه
يووووه موووته ولا تدعين عليه
مو مشكله حبيبتي انتي لا تفتحين الموضوع او تناقشين
ع هالسالفه كرمال مايكبرها
حبيبيتي لكـ رب العالمين ورب العالمين مايخليك
ياقلبي الله يهدي سرك ​

 

[قمر بعيونه]

طنشيه كل شيء يهون الا مدة اليد ما عليك من والجئي لربك بالدعاء وتسخير زوجك الله يسخره لك ويرده لك ردا جميلا

 

[معلمة متألمة]

لا تدخلين احد بينكم.....


حليها بروووحج ليه ان شاء الله اختج تعرف وانتي لا..؟؟

حبيبتي كل مرأة عندها اسلوبها واسلحتها اللي محد يقدر عليها الا هي....


خليج حازمة بنعووومة لاتخرببين انوثتج... وفهميه انج ماتنهانين اهلج مربينج ع الدلع ومحد يرضى ع روحه...

واهم شي اصدميه وقولي له : انج مصدووومة من اسلوبه ... قولي كنت راسمه لك صوووورة كبيرة محد يوصلهااا ومكان فوق محد يرقا له... بس انا مصدومة شلون انت بهالقساااوة.. الرجال مايضرب زوجته الرجال يحتويها ويحميها ولايرضى عليها ... حسسيه برجولته في حمايته لج وبأنوووثتج ف كونج تحت جنحااانه.. وحمايته لان الانثى بطبيعتها خوافه وتحب اللي يحميهااا.. وان محد كفوووو يجيس منج شعره وهو زوجج وانتي بذمته..

وربي الكلاااام سحره عجيب.. بس احنا مشكلتنا عاطفيات وزعولات والزعل عمره مافاد راعيه... الا يزيده هم والهم مايسويي شي غير انه يودي الصحه ف داهيه... والنتيجه لاشـيء..

وادعي ربي وادعيه وادعيه... وربي وربي تشوفين فرج ربي​

 

[الخط الفاصل]

ياوخيتي أنا ماحب ادخل أحد بيننا
بس زادت الهوشات والخلافات وصلنا لحد محد متحمل من الثاني
قلت يسمع من غيري يمكن يفهمني

 

[مجنونة هواك]

ابدا موغلطانه .. يمكن هووو خاف من الدعوووه ... عشان كذا زعل ...​

 

[النوووفي]

هو الغلطاااااااااااااااااان واللي تقول عادي بس دفك ع السرير ايش يعني تنتظر لين يدفها من فوق السطح هههههههههههه


بس عاد انتي تذكري وش قلتي ودفك يمكن انتي بعد جبتي العيد


الله يهدي سركم ويؤلف بين قلوبكم

 

[الخط الفاصل]

نسيت اوضح لكم

هو سوي زعلان ومطرطع وطنش الدفة ورمية السرير
عشان ما أغلطه
مركز على قضية ثانية
بجد انا مصدومة وربي بالليل هو نايم وانا مانمت جسمي يرجف وقلبي يرجف من الخوف

 

[الخط الفاصل]

أختي نوفي

اختلفنا
ودايما لما نختلف زوجي يترك البيت ويمشي أو ينتظر لين يروح الدوام ومايرجعوهالشي يقتلني من القهر
هذه المرة انا لبست عبايتي وقلت له قبل ماتهينني تترك البيت وتمشي انا اللي بترك البيت
قام دفني ورماني على السرير.