خواتي الاميرات والملكات
عندي مشكله يمكن تشوفونها بسيطه
وموبالعين شي
بس جد مضايقتني
وابي حل
زوجي السنه طلع من الوظيفه وبدايشتغل بالأعمال الحره
والحمدلله ربي موفقه
صالح ويخاف الله
يحبني ولله الحمد ويشوفني بعينه كل الدنيا
وربي ما ابالغ وهذه نعمه من ربي عسا الله ينعم على الكل فيها
ويحب عياله ومايقصر معنا
يطلع من الصبح للعمل بالسوق والتجاره والبورصه وغيره من دوخة الراس
والعصر يقضيه بزيارات وواجبات
ويرجع البيت بدري ويحب يقضي باقي اليوم فالبيت
بتقولون شنو المشكله؟؟؟
المشكله الاولى ان يبيني اجلس معاه وانا مااقدر اعطي كل وقتي
اليهال يبون ادرسهم اعشيهم انومهم
وجوده يقلقني ويشتتني
وبينت له كذا مره ان لازم يعذرني عن انشغالي بس ساعه يقدر وساعه يتضايق
وهذا بحد ذاته عندي مشكله
المشكله الثانيه اني مااقدر اخذ راحتي بوقتي وخصوصياتي
سواء يالتواصل عن طريق التلفون او التلفزيون او الخروج للزيارات والتسوق وغيرها(هو يقول ماعليك مني خذي راحتك) بس صعبه يابنات لو سكت يوم مايسكت يوم ثاني يصير يقول كله تطلعين كله تتكلمين
تعرفون الرجال يبي اي شي على الحرمه وماحب اخي يمسك علي شي
لو إني اطلع بس ما اكون مرتاحه
المشكله الثالثه يصيريلاحظ كل صغيره وكبيره وهذا يضايقني
ويدخل بتوجيهاتي وبعض الامور إلي ما أحب يتدخل فيها
المشكله الرابعه هويحب النت ويدخل منتديات (خاصه بالسفر والبر) لأن هاوي سفر وكشتات ويشاركني معاه بردوده(مراقبته لاتخافون)
والنت عندي بالصاله
وكذلك عندي تلفزيزن واحد ايضابالصاله يصير يحط برامج خاصه فيه يحبها(افلام ثقافيه)وياويل ان غيرنا لشي ثاني
وعجزت افهمه مايصير تمسك الكمبيوتر والتلفزيون بوقت واحد
وتمنع اليهال منهم
فتعالو شوفوا الخناقه الي تصير بينه وبين الاولاد على هالسالفه
ساعه يطيع وساعه لا
المشكله الخامسه ماأقدر اظل متزينه طول الوقت بسب انشغالي وحوستي بالبيت تدرون يعني فما أحب يشوفني بغير زينتي ويتعود على هالشي
المشكله السادسه يحب ينام بدري وانا الي انظلم لاني لما انوم اليهال ابدي اشوف نفسي شوي واريح
وهو مايحب ينام بدون ما أكون معه بالسرير مايحب اسهر لحالي
شي طيب انام وارتاح بس متى اشوف نفسي ومتطلباتي
وش اسوي شنو الحل في رايكم؟؟
كيف ابين له انه وجوده مقيدني؟؟
واني اتمنى يرجع على الساعه 10مثل قبل
كنت انوم اليهال الساعه 8 وساعتين لنفسي وبعد الساعه10 له؟؟
او تعتقدون اني مكبره المشكله؟؟
عطوني رايكم تكفون مابي اخسره ولا اخسر نفسي
وعن الحلال والحرام له يومين بالاسبوع يطلع فيهم البحر
شوي اخذراحتي نوعا ما
عندي مشكله يمكن تشوفونها بسيطه
وموبالعين شي
بس جد مضايقتني
وابي حل
زوجي السنه طلع من الوظيفه وبدايشتغل بالأعمال الحره
والحمدلله ربي موفقه
صالح ويخاف الله
يحبني ولله الحمد ويشوفني بعينه كل الدنيا
وربي ما ابالغ وهذه نعمه من ربي عسا الله ينعم على الكل فيها
ويحب عياله ومايقصر معنا
يطلع من الصبح للعمل بالسوق والتجاره والبورصه وغيره من دوخة الراس
والعصر يقضيه بزيارات وواجبات
ويرجع البيت بدري ويحب يقضي باقي اليوم فالبيت
بتقولون شنو المشكله؟؟؟
المشكله الاولى ان يبيني اجلس معاه وانا مااقدر اعطي كل وقتي
اليهال يبون ادرسهم اعشيهم انومهم
وجوده يقلقني ويشتتني
وبينت له كذا مره ان لازم يعذرني عن انشغالي بس ساعه يقدر وساعه يتضايق
وهذا بحد ذاته عندي مشكله
المشكله الثانيه اني مااقدر اخذ راحتي بوقتي وخصوصياتي
سواء يالتواصل عن طريق التلفون او التلفزيون او الخروج للزيارات والتسوق وغيرها(هو يقول ماعليك مني خذي راحتك) بس صعبه يابنات لو سكت يوم مايسكت يوم ثاني يصير يقول كله تطلعين كله تتكلمين
تعرفون الرجال يبي اي شي على الحرمه وماحب اخي يمسك علي شي
لو إني اطلع بس ما اكون مرتاحه
المشكله الثالثه يصيريلاحظ كل صغيره وكبيره وهذا يضايقني
ويدخل بتوجيهاتي وبعض الامور إلي ما أحب يتدخل فيها
المشكله الرابعه هويحب النت ويدخل منتديات (خاصه بالسفر والبر) لأن هاوي سفر وكشتات ويشاركني معاه بردوده(مراقبته لاتخافون)
والنت عندي بالصاله
وكذلك عندي تلفزيزن واحد ايضابالصاله يصير يحط برامج خاصه فيه يحبها(افلام ثقافيه)وياويل ان غيرنا لشي ثاني
وعجزت افهمه مايصير تمسك الكمبيوتر والتلفزيون بوقت واحد
وتمنع اليهال منهم
فتعالو شوفوا الخناقه الي تصير بينه وبين الاولاد على هالسالفه
ساعه يطيع وساعه لا
المشكله الخامسه ماأقدر اظل متزينه طول الوقت بسب انشغالي وحوستي بالبيت تدرون يعني فما أحب يشوفني بغير زينتي ويتعود على هالشي
المشكله السادسه يحب ينام بدري وانا الي انظلم لاني لما انوم اليهال ابدي اشوف نفسي شوي واريح
وهو مايحب ينام بدون ما أكون معه بالسرير مايحب اسهر لحالي
شي طيب انام وارتاح بس متى اشوف نفسي ومتطلباتي
وش اسوي شنو الحل في رايكم؟؟
كيف ابين له انه وجوده مقيدني؟؟
واني اتمنى يرجع على الساعه 10مثل قبل
كنت انوم اليهال الساعه 8 وساعتين لنفسي وبعد الساعه10 له؟؟
او تعتقدون اني مكبره المشكله؟؟
عطوني رايكم تكفون مابي اخسره ولا اخسر نفسي
وعن الحلال والحرام له يومين بالاسبوع يطلع فيهم البحر
شوي اخذراحتي نوعا ما