هل أنت فضولي؟؟

[راجيه الرضا]

يقاس رقي الشخص, بتقلص مساحه الفضول لديه حول تفاصيل و خصوصيات الآخرين !!!!

هل أنت فضولي؟؟؟ بتحشر أنفك في تفاصيل الناس؟؟؟

و عشان تفهم نفسك, جاوب على الاسئلة :

١- بتلاحق الناس بالاسئلة؟
٢- بتحب تعرف أسعار الحاجات ال الناس جابو بيها حاجاتهم, و بتحب تعرف "جابوا فلوسها منين".
٣- لما يبقى فيه خناقه ما بين اتنين, بتحب تعرف تفاصيل تفاصيل الخناقه.
٤- فاكر كل حاجه اي حد قالهالك "بالسنين " و بتفضل تربط الأحداث.
٥- بتصر أنك توصل حد "عشان تعرف هو ساكن فين ".
٦- بتدخل تشوف عيلة شخص على مواقع التواصل عشان تعرف مستواه الاجتماعي.
٧- لو دخلت بيت حد "بتلكك عشان تدخل الاوض, الحمام, المطبخ ....عشان تتفرج.
٨- لو دخلت الحمام عند حد , بتفتح اي وحده او درج موجود في الحمام عشان تعرف منظمين الحاجات ازاي و عندهم ايه.
٩- ممكن تألفي أنك متخانقه مع جوزك عشان تطلبي نصيحه من واحدة معينه فتعرفي علاقتها ايه بجوزها او بيعاملها ازاي.
١٠- بتبقي عايزه تعرفي درجات عيال الناس ال انتي عارفاهم... عايزه تعرفي بياخدوا دروس ولا لا, بيتمرنوا ايه.. و ساعات بتتكلمي مع العيال عشان تعرفي "أسرار البيت".

لو جاوبت على اي حاجه "بنعم" يبقى أنت عندك خصلة فضول...و كل ما الإجابات بنعم تكتر يبقى فضولك نسبته أكبر...
حاول تشتغل على نفسك, تبعد عن التدخل, شأنك شأن نفسك, أشغل وقت فراغك بحاجات مفيدة..

منقول بتصرف عن صفحة أ.اميرة يوسف