هل أنتي مع أوضدإخفاء الحمل00؟؟؟؟

[رنوش 2010]

شد انتباهي الموضوع في منتدى اخر قلت انقله لكم نتناقش في الموضوع
ايش رايكم متى تخبرو الناس عن حملكم
وش رايكم بالحريم لي تخبئ حملها اوتنفيه وهي حامل

مثل لي تكون حاااامل وتقولك انا توني مغسله من الدوره

اليوم
وبعد فتره تلقين ان لها 4 شهوررر احس قويه 00وبعضهم تقولين لها ماشاءالله حامل
وبعد فتره تلقين لهااا 5 شهور يعني لما تشوفينهاا بعد شهر
وحده ثانيه تقول أ ناخلاص ماراح اجيب عندي 7 وماابي واكل حبوب وبعد كم اسبوع قالت انا حامل بالخامس

ولاو حده رايحه لناس تقول انا بجلس 8 سنوات ماابي احمل ولابسه عبايتها وهي حامل بالخامس

ولا وحده بالخامس تقول بطني منفخ فيني غازات والناس تقول لاحمل شكله تقول ماعندكم خبر


ليه الكذب انا ما باقول من ساعة التحليل تقولي للناس

بس لاتكذبي وتقولي مافي حمل وهو في

يعني مااعلم الشهرين الاولى او االثلاثه الاولى الى ان اتأكد من الحمل واشوف اموري وبعدها اخبرإذا حبيت000 بس ماقول لامو حامل وانا حامل

ليه اخبي نعمه ربي اعطانيها الحمد لله

بدل مااشكر الله اجحد النعمه

لاحول ولاقوه الابالله

غير كذا الوحده لماتسألينها انتي اي شهر تعطيك بعد ولادتها ب3 اشهر

وحده سألتها قالت انا ولادتي يمكن على الحج والان هي طالعه من النفاس لها اسبوعين

وحده تقول ولادتي بصفر وبالاخير ولدت بذي القعده

وحده تقول ولادتي بمحرم ولدت بدايه ذي القعده

ولا ولما تعطينهم الحقيقه مايصدقون لا وكل يوم يسألونك يشوفون الرد بيتغير ولا لا

لاو لما تقولين انا بالشهر الفلاني يقولون حرام والله شكلك بالشهر الفلاني يطمرونك شهرين


ايش رايكم؟؟؟؟
شاركونا,,



منقووول بس للنقاااش ارجو التفاااعل

منتدي الفراشة

__________________
​

 

[ورود ksa]

الحمل لاهو حرام ولاعيب ليش نخبيه

 

[عجوزكيوت]

هذا يدل على نقص العقل لانه شي ماتقدرين تخبينه واذا كذبتي الكرشة تبي تفضحك وين تودينها
بعدين يوضح على الحرمه من شكلها هي باي شهر ليش الكذب !!

 

[على سنقة عشرة]

أنا ما أخبر أحد لين شهري الثالث لما أسوي تحاليل وأتكد

وخاصة أن هذا طلب زوجي

لأنه خايف يصير شي فيني مثل أختي اللي أكبر مني سقطت مرتين كل ما أنتشر خبر حملها تسقط
وبعد نفس الشي صار لصديقة لي ولقريبه منها فهو صار يخاف يقول لا تخبرين أحد لين الشهر الثالث
وبصراحه لو سألني أحد أقول أن شاءالله خير
وأنا أصلاً ما أسوي تحاليل في المستشفى الاّ في شهري الثالث

أما توصل للشهر الخامس ولا أكذب قويه لأن الملامح الحامل تبدأ تتغير

 

[papero0o]

انا مع اني اغبي الناس مالها دخل انا في اي شهر ولا متى ولادتي متى ماولدت بيدرووووون

فية ناس تدخل العاشر و ناس تجيها الولادة في السادس


انا صراحة مع اني اغبي و اجحد

صحيح نعمة و انا فرحانة فيها

بس الناس لما تسأل اكثرهم بس حب استطلاع و لقافة

و ناس عن ناس تختلف ناس اقولهم بكل صراحة باي شهر و ممكن جنس المولود

و ناس لو انا بثامن راح اقول انها بلخامس كيذا ما احب الناس الملاقيف ....


و خاصة لما يسألونك وش جنس البيبي

انا ارد اقول طيب بقولكم بس بشرط تجهزون لي و تخلصون اغراضي

يسكتون و يقولون بكيفك لاتعلمينا هههههههههه بس لاني قلت جهزو معي و ساعدوني

لقافة لقافة



شي بيني انا و زوجي و اهلي و اهل زوجي الناس الي برى مالهم دخل و هذا رايي و قناعتي

 

[مييسو]

بالنسبه لي ما اعلم أحد الا في الرابع ... لان هذا شيء خاص فيني انا وزوجي فماله داعي العالم تعرف .
بس اذا حصل وسألتني اي وحده ماراح أكذب وبقول ايه حامل ..

 

[زوجي نور عيني]

انا مع الوحده تخبي حملها الين الشهر الرابع وتقول لوهم
لان في الرابع يبان البطن وتتغير ملامح المراءه
اما اذا وحده قالت متى موعد ولادتك راح اقوله
عادي مافيه شي

 

[رنوش 2010]

حلوه ردودكم....جزآآآآآكن الله خيراً

 

[88الوحيدة88]

انا مع اني اخبي الحمل الين الرابع وبعدين بخبرهم خاصة انا حولي ناس حقدين ويتمنون لي الشر فيه ناس قلت لهم ونا لا والله لما يسالوني انتي حامل اقول فال خير او الله يسمع منك او ادعولي


وبعدين خلاص هو ببين بالرابع من وحده وقتها مو لازم السؤال لانو واضح بس بصارائحه اول الشهور خبيت لين يثبت الحمل ويتم على خير

 

[ملكـه بطبعي]

انقهر من الي تخبي يعني مو هي الوحيده الي تحمل يعني خير ماسوت المستحيل كله من الله احسهاا حركات مالهاا داعي عاادي تخبر واذا خايفه من العين تحصن نفسهاا والتحصين ماياخذ منك 5 دقايق والله لو احمل مقدر اخبي يوم وااحد عشان الكل يفرح معايا

 

[ReeMah]

انا مع اضهار الحمل
لأن من تجربتي الشخصية ... صكوني عيون
آنه لأن مايبان علي الحمل ..... و ماخبرتهم اني حامل الا في الخامس بداية السادس
وكان توه بطني باين .. وماكنت تعبانة كلش و اتحرك
وصدقوني في السابع كل من جافني قال سمعنا انج حامل ... مايبين و مادري شلون
و بداية الثامن ولدت ولادة مبكرة ... كأني مت و حييت مرة ثانية
والحمدلله على كل شي​

 

[princiess]

شوفي حبيبتي هو مب شرط لازم تخبرين الناس انج حامل مثل ماقالوا الخوات شي يخصج انتي واهلج وريلج

اما غيرج انتي ماتعرفين الناس هل يبون لج الخير او الشر صح كل شي بيد الله بس بعد العين حق مانقدر ننكر هالشي

انا يوم حملت واجهضت اول حملي ريلي قال لاتخبرين حد عن هالحمل لين تدخلين الثالث او الثاني لين يثبت

ونتاكد وخبرتهم يوم دخلت الثاني او الثاني ماتذكر بس يوم كانوا يسالوني حامل ماكنت اقول لا كنت اقول ماعرف بعدني

مايتني الدوره بس مااخبرهم اني في الرابع اقولهم انا في الثالث لانه يتمون يقولون بطنج صغير ماكبر ليش جي

ولاكانج في الرابع سيري عالجي واهتمي بنفسج ويوم اقول حق امي تقول هذيل مايعرفون انه البكريه والضعيفه

مايبان بطنها بسرعه واذا طلعت لها كرشه تكون صغيره عشان جي عسب افك عمري من عوارالراس ااخر عمري شهر

وافتك من حشرتهم ماحب هالقافه حامل والا لا اي شهر ولد والا بنت متى تربين انتوا شو يخصكم

 

[تــ زرقاءـــوته]

انا بحملي الاول استحي ولما احد يسالني يحمر وجهي على طووووول ,, بس اتوقع الحمل الثاني لا ,, بيصير عادي

ومافهمت قصدك
>>قصدك اذا الوحده حملت تعلم كل من شافت , والا اذا سألوها
من رآيي انها ماتقول انها حامل بس لما يسالونها تقول ايه حامل , واذا سألوها بأي شهر تقول ,, بس موعد الولاده احس مالهم دخل فيه ,, يدعون لها وبس

انا اول ماحملت بشرت امي وعرفو خواتي , بس الناس ماعرفوا الا لما كبر بطني ,,

بصراحه ما احب اللي تتلقف وتسأل متى ولادتك !!
اذا اهمك وتحبيني ادعي لي .. مو تسألين!!!

 

[balck berri]

بالنسبه لي ما اعلم أحد الا في الرابع ... لان هذا شيء خاص فيني انا وزوجي فماله داعي العالم تعرف .
بس اذا حصل وسألتني اي وحده ماراح أكذب وبقول ايه حامل ..

نفس كلامك لاني اجهاضت قبل كذا والحين انا في اول الرابع وبطني صار وضح اي احد يسال انتي حامل اقول ايه

 

[ميساء احمد]

بصراحة في ناس تسأل لانها تحبك وتتمنى لك الحمل خصوصا لو ماعندك الا طفل واحد وكبر شوي بس في ناس لقافة الى ابعد الحدود وكل وحدة تعرف من الي يحبها ومين الي بس فضول بصراحة هذول الناس الفضولين الاحظ انهم دايما يدققو في كل شي انتي حامل ؟ اي شهر بالضبط ؟ كم اسبوع بالظبط ؟ متى ولادتك ؟ كم زاد وزنك مع الحمل ؟ عرفتي جنس البيبي ؟ صراحة يجيبون العلة من جد

 

[الفتاة ألم وأمل]

اكرررره سؤال بحياااااتي حملتي والا لا ؟؟
اقسم بالله اكثرهم حب استطلاع مو حب فيك
انا ارى انه الحمل شئ خاص لما اخبرك اني حامل الحمدالله لكن تتلقفين وتسالين انت حامل والا ماحملتي انا اعتبره قلة ادب صراحه
لانه مصيري بعرف لو اجهضت راح تعرفين انه مات واذا ولدت بتشوفين الولد يعني برميه بالشارع
يعني الحامل يوضح اصلا انها حامل عشان كذا حطي لسانك بفمك ولما تبشرك باركي لها ولا اسكتي
صراحه كرهت ناس وكرهت حتى ازورهم من كثر مايسالوني هذا السؤال
انا من انتشر خبر حملي اجهضت على طووووول
يعني نقدر نقول انه فيه نااااااااس اقصد حررررررررريم لازم تخفي حملها حتى احيانا الشيخ يطلب منها اصلا انها ماتخبر أحد
وهذا الي بسويه ان شاء الله لما احمل لين اغلق الرابع ابدا اعلم القريب فقط
والملاقيف ماراح اعلمهم لين يشوفون بطني
اهلي هم اهلي مايسالوني هذا السؤال وهما مزعجيني
معليش طووولت عليكم بس لاني من جد مقهوووره من الملاقيف

 

[اناوابني]

انا قبل لا اعرف اني حامل قابلت وحده واتقولي وجهك مصفر انت حامل وقتلها لا الدوره باقيلها ماجا موعدها وبعدين اكتشفت اني حامل ماشاء الله عليها يعني في نااس ماتمشي عليها الكذبه يعرفون الحامل من وجهها مو من كرشها 00انا الي يسألني ما اكذب واقول الحق 00
ايش يفيد الناس الكذب في موعد الولاده طيب ماتخاف من عيووون الناس من اول ماتدري انها ولدة بيقولون بدرررري :33: مو وقتها بدل مايقولون ماشاء الله اخيرا ارتاحت :32:

 

[o.o]

بعد الثالث خلاص لازم الوحده تقول او على الاقل تجاوب اذا حد سالها
انا اللي يضايقني بكثره الاسئله ارجع اسئله ومافيها شي لو سالوا في اي شهر او متى الولاده
و اشوف اللي تغبي وتكذب بس عشان محد يدري احسها سوسه وتحسب الناس نفسها ..

 

[زوجة صحفي]

انا بالنسبة لي مع اخفاء الحمل في بداية الاشهر الا ان يستقر الحمل بعدين ابشر الناس بس مو معناته ان اذا احدسالني اقعد االف واجذب لالالالالا والف لا للكذب اقول الحمد الله الله يتمم بخير ان شاء

 

[اناوابني]

صدقتي يا اختي00 الفتاه امل والم00 اصعب سؤال على المرأه خاصة الي طوووولت وماحملت ما الومها في اخفاء حملها ياااليت الناس اتبطل عن الاسأله المؤلمه دي 00