هل أحضر خطبة أختي الصغرى؟

[النبع السعيد]

السلام عليكم ورحمة الله وبركاته

حاولت افتح الموضوع مع صديقاتي المعلمات وخفت ان اتسبب في جرح لنفسي, الموضوع بإختصار

جاء اخوي الكبير المتزوج حديثا وطلب مني ان يستشيرني في

موضوع اعتقدت انه عريس لي كالعاده لأني أكثر فتيات العائله

خطبة لكن سبحان الله لم يأتي صاحب الدين والخلق للآن وانا عندي

ثقه في ربي والحمدلله انا مازلت في 27 من العمر وقدامي العمر كله

وعلى قولتهم كل ما كبرتي, كبر حظك معاك, المهم وقال لي ان في

عريس تقدم ويصغرني بأربع سنوات قلت له لا نهائي ما أتزوج

اصغر مني ولكن ما رأيك لو تقول له عن فلانه التي تصغره بسنه

هي اقرب له في العمر ورحب بالفكره. المهم احنا اجلنا اتصال

الناس وزيارتهم الى انتهاء الاختبارات, وانا كنت حأستقبل الناس

مع الوالده الله يحفظها لأنها تحب تعاملي مع الناس بحكم احتكاكي

بمجتمع المعلمات بعكس اختي التي تكبرني ب5 سنوات لانها

حضرت خطوبة اخوي وفشلتنا مع الناس, عموما اختي التي

تصغرني بـ 2سنتين تقول انه عيب اني ادخل مع الوالدة وانا ماني

مخطوبه ولا متزوجه الناس اش يقولوا عنك؟ بصراحه الحين

ترددت اقابلهم ما أدري اش نظرت الناس لهذا الموضوع وقلت

للوالده انا راح اعرض الموضوع في المنتدى عندكم واشوف آرائكم؟ ​

 

[مغتربه حزينه]

انا من رأيي انك ما تدخلين واتوقع اختك تقول لا تدخلين تخاف تعجبينهم وانتي اكثري من الاستخاره وربنا يسعدك باالعريس اللي تتمنين

 

[النبع السعيد]

السلام عليكم
أختي/ دلع الدنيا
أختي الي بيخطبونها ماشاء الله عليها الكل يتكلم عن جمالها يعني هي أجمل مني بكثير ماشاء الله ولا حول ولا قوة الا بالله وبعدين هم عارفين انهم جايين لها هي واني كبيرة على ولدهم بيننا تقريبا 5 سنوات ودخولي عند الناس ماراح يضرها نهائي لكن انا أقصد أني أخاف انه من العيب ان ادخل علما ان اختي الكبيرة تسكن بعيد واحتمال كبير ما تكون متواجده عندنا وما في غيري اباشر عليهم. ماني عارفه نظرة الناس ولأن أول مرة تنخطب عندنا وحده منان برا العايله عشان كذا أنا حريصه ان الناس ما يتكلموا عني بالرغم ان الحمدلله الكل يشهد بأخلاقنا وبتربيتنا. الله يعين

 

[سامية الروح]

مرحبا النبع السعيد,, الله يسعد ايامك

أنا مستغربة من موقف اختك ,,, عــــــــــــــــــــــــــــادي جدا ليش ماتدخلين مافيها شي

أصلا لو مادخلتي قالوا عنك معقده أو حازه بنفسها ليش اختها تنخطب قبلها

حبيبتي ,, احضري الخطوبة وباركي لها وخليك بشوشه وعادي جدا :smoke1:

الله يوفقك ويرزقك الزوج الصالح يارب :icon26:

****​

 

[3nody]

عادي مافيها شي لو انتي وامج طلعتي للناس اكيييييييييييد مافيها كلام يمكن سبحان الله عندهم معرس ثاني حقج خخخ

 

[اوراق الربيع]

بالعكس عادي اذا دخلتي

وان شاء الله يكون لج باب خير

 

[Lovely Princess]

ما فيها شي يالغالية
ليش احنا نعقد المواضيع وهي صغيرة توكلي على الله وحضري الخطبة
الله يوفقج ويرزقج بالزوج الصالح

 

[ريــحانة]

كيف هي علاقتكِ بأختكِ ..؟​

 

[blue light]

اطلعي ....... وساعدي امك ... وخلي روحك رياضية .... وانت لسا صغيرة بالعمر اصلا ومافيك شي يعيب عشان تستحين .....ولا تتجملي بزيادة خليك نعومة وكيوت..... وان شاء الله عريسك الصالح اللي يتمناه قلبك بالطريق .... بس لازم تقنعي اختك اول باسلوب مناسب عشان ماتصير بينكم حساسية ................. الله يوفقك ويكون بعونك

 

[خيالة الشرق]

احس انه عادى جدا قولى لاختك هم عارفين انى اكبر من ولدهم

وبعدين ايش يدريك يمكن دخولك عليهم يكون سبب في زواجك من طرفهم

 

[الحلم البعيد]

اختي احيي فيك هدا الا يثار والاخلاق ادا كنت زي ماتقولين دخولك ما راح يخرب على اختك ان شاء الله تووكلي على الله وادخلي لانه مو عيب

 

[Dan Dan]

اختي ادخلي وساعدي امك وخليك سنعة
ترى الامر عادي جدا
اللة يوفق اختك ويرزقك الزوج الصالح​

 

[النبع السعيد]

الله يسعدكم ويريح قلوبكم زي ما ريحتو قلبي
علاقتي بأختي ممتازة جدا أخواتي يحبوني وما يرضوا يرحوا مكان الا وانا معهم يقولوا يحسوا بالأمان معايا وأنا يعلم ربي قد ايه مبسوطه اقول للوالده الله يرزق أخواتي كلهم هذي السنه مره وحده عشان تخف شوي المصاريف علي لأني انا الي اصرف عليهم وعشان كمان اشوفهم مبسوطات والله هذي اختي بالذات فرحت لها لأن صديقتها الروح بالروح انخطبت وزواجها بالعطله ونفسيتها تعبانه من هذا الموضوع وانا مريت بالتجربه هذي وما أبغاها تعاني زيي لأن صديقاتي الي تزوجوا انشغلوا ومعد يتصلوا الا في المناسبات بعد ماكانوا يتصلوا كل يوم وهي الآن نفس الوضع خايفه عليها وجاء هذا الموضوع في وقته بالله أدعوا لها ان ربي ييسرلها ويكون الولد واهله طيبين.

 

[saroo]

اختي نبع السعد انا ما فهمت الموضوع عدل .... يعني العريس خطبك انتي وبعد ما رفضتيه خطب اختك ؟؟؟ اسمحيلي لأني ما فهمت الموضوع زين

 

[ريــحانة]

أختنا اسمكِ يدل على نقاء قلبكِ وروحكِ الطيبه

ليس جميل بأن أمكِ تكون لوحدها
وليس عيباً بأن تكوني معهم ..​

 

[اسرار الطبيعه]

الف الف مبروك وعقبالك ان شاء الله

صحيح في ناس يقول عيب الوحده تدخل وهي موب مخطوبه ولا متزوجه

بس اذا انتوا عادي مافيها مشكله ساعدي امك

 

[نحول]

عاديييييييييييييييييييييييي مافيه اي مشكله ولا فشله ولا حاجه
الله يوفقك ويوفق اختك

 

[دوبارا]

الاحسن لج انج تدخلي


والله يرزقج الزوج الصالح

 

[عيوش]

اطلعي وعادي
وربي يرزقك واخواتي يارب..

 

[النبع السعيد]

الله يجزاكم خير ويريح قلوبكم مثل ما ريحتو قلبي
ويرزق اللي ردوا الزوج الصالح واذا متزوجات الذريه الصالحه
واذا عندهم اصفال ربي يصلحهم لكم آمين آمين