هلموا..يامعشر النساء●○•

[سناء الشمري]

السلام عليكم ورحمة الله وبركاته
يشرفني اكون عضوه معاكم ...واستفيد من خبرتكم

للاسف قرأت كثير عن أنماط الشخصيه واحترت في تصنيف رجل حياتي..

اتمنى منكم والله يجعله في موازين حسنات من ترشدني

بسم لله نبدأ...
فصيلة دمه o+
حنون عليه وعلى عياله ويحبهم ويهتم فيهم ويخاف عليهم
حريص على المال الا في الاكل مبذر يجيب اشياء مانأكلها ومانحتاجها
يحب أكل البيت واصنافه اللي يحبها معدوده مايحب الاصناف اللي دارجه هالايام
يحب اللبس الرسمي ثوب على طول..
غيور لاتكلمين البائع لاترفعين صوتك لاتخرحين بكعب عالي
لاتروحي العمل مع سواق الا اذا اضطرينا..
مايقول كلام حب وغزل ابد ولا يمدح شكلي ولبسي وكذا
الا اذا سألته
مايرفض لي طلب قولوا ماشاء الله هههه
وقت العلاقه جرئ في كلامه
لاتزاعلنا مررره يطلع كلام من راسه انتي ماتبغيني انتي مجبوره عليه انتي تتخيلين واحد غيري يقول كلام في الصميم ويفسر مواقف صارت مني بحسن نيه لصالحه
مثلا قلت بروح لفلانه وكنت توي جايه من عند اهلي من منطقه اخرى وتزاعلنا قال انتي ماتبين تقعدين معي توك جايه وطايره تبين فلانه
انا معلمه احسه حريص على فلوسي ويسألني عنها ويتنرفز لاقلت بأخذ قرض
يقول احب المراه ربة المنزل مع انه اول ماتوظفت انبسط ودعمني وشجعني ووقف معي ويرفض حتى أغيب ..
طيب حنون
لاتزاعلنا مايطول ويجيني يتصل يتحركش مايطول زعله احس
ولاتزاعلنا يسوي حركات غريبه القاه يشتغل في شيء في البيت مثلا يروح يفكك المكيفات
مايحب الكتابه لو ارسلت له مسج ابغى رد منه اتصل
اتصالاته كثثثثثثيييييره جدا عليه ويترفز اذا مارديت ويعصب
علاقته في اهله عاديه جدا حتى امه
اذا غصب مررررره يمد يده
يتكلم معي عن عمله كثير بس ماحسه يسمغني ولا يهتم لما اقول
اذا غلط يعتذر غالبا...يقول اسف
مايحب البرامج الجديده ولا يتصور ابد بالجوال ولايصور عياله
واذا جلست اصور قال خلاص خلاص

 

[ريحانة الجزائر]

زوجكِ شمالي من فصيلة دمه.....و حتى من الصفات التي ذكرتها..
بقي نمطه دون الغالب ...
هل يحب السفر و الحرية؟؟ هل هو حريص جدا على ماله؟؟؟؟هل هو قلق و عصبي كثيرا؟؟؟؟

 

[سناء الشمري]

ريحانه الجزائر الله يحفظك♡

لا بيتوتي مايسافر مكان الا معانا..
واصلا مانسافر الا داخل المملكه..
عصبي نوعا ما..
احيانا احسه حريص واحيان مسرف ماعرفت له!
غير اجتماعي بس عمل وبيت
اصدقاء وسهر ماعنده
لاتزاعلنا يكرر هالكلمه طاعتي واجبه عليك انتي ماتطيعيني..
بس لاغلط يعتذر يقووول اسف او سامحني..

 

[عاشقه حبي الاول]

شكل زوجك شمالي شرقي

 

[عاشقه حبي الاول]

شكله زوجك شمالي شرقي

 

[سناء الشمري]

متأكدين ؟

 

[ريحانة الجزائر]

انه شمالي شرقي.

 

[سناء الشمري]

بس مايهتم بالوقت دايم يتأخر عن عمله
ومو غامض يعلمني بكل شيء

كيف يكون شرقي؟!

 

[Smiley eyes]

واضح الشرقي مايحب السفر وغير اجتماعي وبيتوتي ومتسلط ومايعبر عن مشاعره بالكلام
الله يهنييج فيه صح انه متعب جدا وصعب بس له مميزات كثيررة احمدي ربج عليها ♡

 

[سناء الشمري]

رفع مزيد من الاراء