غرور سلطان
New member
- إنضم
- 16 أكتوبر 2011
- المشاركات
- 2
مشكلتي ان زوجي مايعدل ابدا بيني وبين زوجتة الاولى في بداية زواجنا كانت حياتنا ممتازة لكن بعدين بدا يتغير علي صار يروح لها كل وقت في يومي تخيلوا صار يروح كل عصر يشرب الشاي عندها بعدين صار يتعشى يعني يومي خلاص راح اذا ناقشته صار هوشه وزعل واخرتها يقول اسكتي والا اجلسي عند اهلك وانا مستحيل اروح لاهلي علشان اولادي مابغاهم يتشتتون وزوجته اهلها ساكنين في مدينة ثانية طبعا تروح لااهلها كل شهر وتجلس واسبوع وزيادة واحيانا اسبوعين وزيادة مايلقى احد يجي يمي ياكل ويشرب وينام مرتاح واذا جت ولا كأنه يعرفني يرجع كما كان وذا سألته وش تبغى عشا اصلح لك يقول عشا أي عشا تخيلوا هذا رده لي وهو يومي يروح يتعشى عندها خلاص جت انا خلاص مايحتاجني شففتوا وشلون ظلمه هذا شي وسفراته معها شي ثاني كل ماقلت خلنا نسافر يقول لي ليش مو لازم بعدها بكم يوم يسافر هو وياها حسبي الله عليه واذا ناقشته قال اسكتي والا روحي لاهلك وانا ماعندي احد يكلمه ابوي متوفي واهلي على قد حالهم ماابغى اضيق عليهم وانا واولادي ماابغاهم يتشتتون ولا ابغى اطلق وهو كلمة الطلاق على طرف لسانه كل ماقلت شي قال اجلسي في بيت اهلك واذا قلت لامه قالت اصبري اصبر على ايش على يومي اللي يروح والا على سفراته كل سنه هو وياها ومع هذا كله سمعت انها تقوله يطلقني تقول له ليش تتزوج علي طلقها سبحان الله يومي ولك وطلباتك مجابه ليش تبغينه يطلقني حسبي الله عليها حياتي نكد طفشت مليت مخليني مسخرة لاهله والناس كل الناس تتكلم انه يبيها مايبيني والمشكله انه ماكان كذا معي قبل كان يعدل في كل شي ماادري وش غيرها ودايم يكلمها قدامي ويسولف هو وياها حسبي الله عليك والحين زوجته حامل على حسب ماسمعت وراح تولد الاشهر الجاية واكيد راح يجلس عندي ساعة اقول ماراح استقبله لاني عارفة انه راح يتغير بعد ماترجع وساعه اقول راح استقبله استقبال حلو يمكن يحن علي ويتغير مع اني متاكدة انه راح يرجع كما كان اذا رجعت تكفون وش الحل
