هدية لزوجي

[قطووووووورة]

السلام عليكم ورحمة الله وبركاته,,,
عزيزاتي انا محتارة شنو أخذ حق زوجي هدية أبي هدية غريبة ومميزة ما أبي عطورات او ساعات او نعال (اكرمكم الله) او نظارة شمسية لأن لازم هو يجربها على وجه ولا أبي مسباح ولا جوال

ساعدوني :tears:​

 

[المحبة لربي الله]

خلي احد يحجزلك لليلة رومنسية في احد المنتجعات او الفنادق الفخمة وكوني جاهزة على الاخررر

انا مفكرة اخذ حق ريلي هدية بس تراها على العرف حذاء MBTالطبي يشد الجسم ولما تلبسينه كانج اتسوين رياضة عاد انا باخذله النعال الرجالي وبخليييه هو يهديني النسائي وتراه قيمته حلوووة تنفع هدية

وجسي نبضه هو شو خاطره بس لا تيبينها مباشره

والله يوفقج والاخوات بيفيدونج وبيفيدونا

 

[المحبة لربي الله]

مساعه اقرى اسمج قطووووووووووووووة والراء ماشفتها اثريييج قطووووورة

 

[قطووووووورة]

اهلا عزيزتي ,, انا فكرت في اني احجز فندق بس عندب بنت صغيرة وحناااااانه وما تنام إلا لما ترضع مني :schmoll:

 

[الهاموره]

اهديه ميداليه للسيارة عشان يفتكرك دائما

 

[عاشقة القرآن]

شي غريب

أنا مثلك تره وايد أحتار لما أبي أخذله هدية هي فكرة الفندق حلوة بس اذا كان زوجك يحب المفاجآت اللي من هذا النوع
مره فكرت آخذ لزوجي مكينة حلاقة بس اللي تكون راقية وفيها كذا شغلة أو تحجزين تذاكر سفر لك وله اذا أمكن :bigsmile:
أو مصحف اذا كان يوميا يقرأ القرآن أو اذا كان من محبي الاكتشافات خذي له تلسكوب أو منظار
يعني عطيتك كم فكرة وانت شوفي اللي انسب لزوجك

 

[قطووووووورة]

شكراً على مروركم ,, وافكاركم حلوه , بس بعد أبي أفكاااااااااااار أحلى

 

[مفـاهيم الـ دلع]

بصراحه أنا أحب الهدايا الي تلبس يعني شماغ حلو ورغوب أو قطعه قماش ثوب أذا كان عسكري فصلي له بدله حلوه وعلى مقاسه طقم بلوزه وبنطلون وكاب يعني هيك أشاء عشان تشوفينه وهو يلبسها

 

[سنكرس]

السلام عليكم
أختي المحبة لربي
ياليت تشرحي لي عن هذا الحذاء أكثر وش فائدته ووين أحصله بالرياض !
ياليت تفيديني ولك كل دعواتي التوفيق والسداد .
سامحيني أختي قطورة تطفلت على موضوعك وخشيت عرض .

 

[المحبة لربي الله]

وعليكم السلام اختي سنيكرس هذا الحذاء فضيييع وراح انزلج مجموعه من الاشكال وبنزلج فوايده باذن الله بس وين اتحصلينه في الرياض ؟؟؟ مادري انا من الامارات وينباع عندنا في ابوظبي مول والمارينا

 

[اطيااااف الامل]

انا كنت افكر اهدى لزوجى وفكرت انى افاجاه بتلبيس سيارته من داخل ووضح فرو وزى كذا يعنى بخلى اخوى هو الى يسويها اتمنى اكون افتك وشكرا

 

[bentbnoot]

حبيبتي وين بالمارينا ينباع
وما هي فوائده
ما فهمت كيف لما البسه كأني عاملة رياضة؟

 

[المحبة لربي الله]

هذا رابط موقعهم
http://www.swissmasaius.com/Default.aspx?lang=en-US
هوسي على الصنادل فيه اشكال حلوة
ثالث صورة لونها ابيض وبتطلع لج الاشكال

عيبتني الي لونها كاكاوي فضييييييعه وياريت احصل منها

والحين عليها تخفيضات قبل 2200 والحين تبدا من 1120

 

[ام عبدالغفور]

ساعة يد او جهاز جوال
تقبلي تحياتي

 

[قطووووووورة]

مررررحبا ,, بالنسبة لساعه اليد خذتله من فترة ب 4000 ريال والجوال هو ما يحب يستخدم الا النوع اللي هو يختاره

 

[ليل الشتا]

يااااااااااااااااااااااااااااااارب يديم المحبة بينكم ياااااااااااااااااارب

 

[قطووووووورة]

امين انشالله,, اشكركج على الدعوة الحلوة :icon30:,, ويديم المحبة بين كل زوج وزجة

 

[فت فت]

هدية لزوجك

أنا برأيي حسب المناسبة إذا كانت مناسبة جداً مهمة لازم تكون هدية تبقى مدة طويلة أو يكون لها أثر في نفسه علشان ماتنسي ويذكرها لك أما إذا كانت مناسبة عادية مثل الأعياد وغيره مثل ما قلتوا ولاهنتم جزاكم الله خير لأن زوجي يناقش الدكتوراه وأنا كنت محتارة وش أهديه أفكاركم مرررره حلوووووة..........................

 

[شعنوبه]

تعب كلها الحياة

فما عجبت إلا في راغب في زدياد

 

[شعنوبه]

حسبي الله لاإله إلا هو عليه توكلت وهو رب العرش العظيم