هاي بنات

[@عاشقه الجنه@]

السلام عليكم انا مشتركه جديده هل من ترحيب:24::35:

 

[رازيا]

يا هلا والله منورة

 

[العيون زوجي]

هلا والله بالغاليه

احسن ماسويتي انك اشتركتي في المنتدي

والله روعه روعه

 

[@عاشقه الجنه@]

ابي احدينصحني ايش اسوي انا كنت ساكنه مع اهل زوجي وصابره على زوجي وامه امه تغلط علي اروح عنده ابي كلمه حلوه يقوم يسبني ويتكلم واني كذابه اقوله نبي نطلع في بيت بروحنا رافض الموضوع طفشت ودقيت على اخوي وجاء اخذني والحين لي عشرين يوم ورافض يكلمني او حتى ارسله رساله يقول انطقي في بيت اهلك الين ادق عليك واهلي ماعلمتهم ايش اسوي تكفووووووون

 

[@عاشقه الجنه@]

هلا وغلا فيك

منوره بوجودك:3:

 

[العيون زوجي]

والله مالك الا الصبر
والله سكنت مع اهل زوجي 3سنين شفت فيها الهم والغم
وبعدين سكنت في بيت وحدي
قعدت فيها سنه
والحين جو عندي من9 اشهر
شفت الطفش
لااقدر البس زي الناس ولا اسوي شي
والمشكله ان بيتي شقه صغيره
وهم عندهم شباب كنار ومتوظفين
وفي الثانوي
كل يوم اطلع في وجه واحد
الله يصبرني بس

 

[@عاشقه الجنه@]

هلا فيك حبيبتي

 

[العيون زوجي]

شباب كبار
عذراً على الاخطاء

 

[رازيا]

ما دام حضرت دانة الشام رايها يكفي ان شاء الله فيه الجواب الشافي الكافي

 

[تشكرات]

اي شئ تبغيه من زوجك ( أطلبيه منه في وقت روقانه )

وخلّي كلامك خالي من ( الشكوى ) ضد أهله ...حتى مايكابر

ويعاند ...وأتحججّي بانك نفسك ( تلبسي له البس الحلو والمييز

ونفسك تتكلّمي معه من غير محد يسمعكم وهكذا ....

( جيبيها له بالمحايله ) ..والكلام المعسول اللي يليّن ( الصخر )

وخلّيكي وراه ...يمكن زوجك بالبدايه ( مايوافق ) فأنتي أصبري

عليه ..ولا تزعلي ...أقصد ( عدّيها له ) وكوني بارده وهادئه ....

بس لا تيأسي ...كثر الزن يفك اللحام >>>فمابالك لو كان الزن

( بالدلال والغنج واللسان المعسول ) ..؟؟...

وربنا يعينك على أهله ويصبّر قلبك ..

 

[@عاشقه الجنه@]

المشكله انا زوجي مطنشني حتى مكالمه مايكلمني

 

[@عاشقه الجنه@]

شوفي حياتي الحين انا في بيت اهلي وهو مايكلمني حتى رساله مايرد

 

[@عاشقه الجنه@]

بنات كل مابي احط يقول الملف غير صالح وش اسوي

 

[@عاشقه الجنه@]

معليش من القهر بلعت الكلمه كل مابي احط صوره عيت تراني غشيمه