هاذي قصتي ,,شوفو الله كيف عوضني,,

[حووووور]

السلام عليكم ورحمة الله وبركاته


بنات انا راح اكتب قصتي وبختصرها ,, والله ثم والله انها قصتي حدثت لي ومش مؤلفتنها ومش ناقلتنها من أي مكان

قصتي هاذي حدثت لي تقريبا من 4 سنوات وترددت كثيرا لأكتبها ,,, لكني فكرت وقلت ليش ما افيد اخواتي وفي نفس الوقت أحصل أجر من وراها,,

واخترت هالمنتدى الغالي لكي اكتبها فيه,,,

والحين ببدأ من البدايه>>>أدري طولت عليكم

بنات انا قبل اربع سنوات الله العالم بحالي كنت انسانه متحطمه نفسيتها وكئيبه وفاقده الثقة في نفسها والله يا بنات اني كنت كل ليله اصيييح


تبون تعرفون السبب؟؟؟

السبب اني كنت مالجه على شاب في بداية ملجتنا كان انسان رائع بكلامه المعسول وبعد فتره تحول لأنسان غيور وشكاك وكان كل ليله لازم يزعلني ويبكيني او كان يشك فيني
وين رحتي ومنو كلمتي وليش عندج خط ثاني منو قاعده اتكلمين وانا كاتمه في قلبي, خلا حياتي جحيم
وفكرت في الطلاق بس خفت من كلمة مطلقه لاني صغيره وترددت كثيرا في ان اخبر اهلي عن معاناتي عشان مايكرهونه كنت افكر على نياتي انه زوجي ولازم ما اطلع اسراري و مشاكلي واخبر اهلي لازم احلها بروحي

بس

تعبت نفسيا كرهته وكرهت نفسي

لجأت لله سبحانه وتعالى والله
كنت اقوم الليل واصلي وأبكي وأشكي لربي همي كان وقت راحتي هالوقت قبل الفجر لأانه وقت الفضفضه لربي

كنت دايما ادعي ربي بأن يريحني وان الله يهديني للصواب والقرار الصائب

وكان المسباح مايفارق ايدي استغفر واسبح

وصليت الاستخاره

وواضبت على قراءة سورة البقره


وآخر شي خلاص طفرت قررت اتطلق منه دامني على البر ولا اعيش مع انسان مريض مثله واعيش طول عمري في ضيق ونكد وشك ومرض اتخيلو يابنات حتى امه يشك فيها!!!

خبرت اهلي واهلي وقفو معاي بس هوه مارضى >>>> يعاندني ويعاند اهلي
ورفعنا قضية طلاق

والحمدلله تطلقت وارتحت منه


بس تعرفون وين الحلو في قصتي؟؟؟

لما كنا ننتظر الحكم بالطلاق
في ناس كانو يبون يخطبون لولدهم من عندنا ولما جو عندنا وشافونا انا وخواتي قالو يبوني
اهلي قالولهم عن موضوعي وسالفتي

قالو مافي مشكله بنستناها لين ما تطلق وعلى طول بنخطب رسمي


شوفو يابنات كيف الله عوضني بسرعه

والله اني ما اكذب عليييكن والله يابنات اني ماكنت مصدقه وصليت الاستخاره بعد عشان المعرس والله ارتحت له نفسيا

سبحان الله

وبعدها ب 3 شهور على طول اتزوجت ولله الحمد

والحين انا عايشه حياة مستقره مع زوجي الطيب الحنون وعندي منه ولد الله يحفظه

وربي لايفرقنا ويخلينا لبعض



خلاصة قصتي

ان اي وحده فيكن عندها هم أو مشكله أو تتمنى شي وتريد الحصول عليه

عليها اللجوء إلى الله سبحانه وتعالى

شفتو كيف الله ماخذلني ومارد دعائي ولله الحمد

وعوضني بسرعه والحين انا اعيش حياه سعيده ومرتاحه

هذا كله بفضل ربي


لذلك اوصيكن>>> بالدعاء وقيام الليل والشكوى لله والبكاء له>>> الأستغفار وذكر الله>>> قراءة سورة القره..



بنات إللي حابه تنقلها انا ماعندي مانع للإفاده وللأجر



وسمحولي على الإطاله

 

[كرز توت]

ونعم بالله


قصتك مؤثره


وفعلا سهاام الليل لاتخطئ

 

[بنوته كلها حزن]

يسلمووووووو حبوبه على الموضوع

 

[روز..]

قصه اكثرررررررررررررر من الرائع

 

[بهجة القلب]

الله يوفقك ويسعدك دنيا وآخره



انت طرقتي باب الكريم القوى الذي لا يعجزه شيء فأجابك برحمته ومنة وفضلة وكرمه
فأسألة تعالى ان يعطي كل صاحب حاجة حاجتة اللهم آمين



شكرا يالغلا

 

[دلوعة سيمو]

الله يسعدك ويثبتك يارب..

 

[عابـــرة سبيل]

الله يوفقك ويسعدك يااااااارب

 

[golet]

بآكوو
.
.
وربي قصتك بالصميم
محتآآآآآآآآجه حيل لمثل القصص
.
.
فديتكـ
الله يسعدك
.
.
بربـ

 

[سندرريلا]

جزاك الله خيرر

والله محتااج قصص مثل كذا لسبب
انا كل محد خطبني تتم الخطبة وبعد فترة يبطلوون والله مدري ليش
يمكن اربع مرات واناا اقسم بالله متحطمة اقوول شكلي خلاص مراح اتزوج
ادعووووووووووووووووولي يابنات

 

[ام الحسام]

الله يسعدك ويوفقك قصة رائعة

 

[حياتي؟؟]

يااااااااااااحياااااااااااتي قصه جميله ........سبحاااااان الله ........

 

[شوووق الغلا]

سبحان الله كل شي مكتوب وقصتك رووووعه كروعتك الله يوفقك ويتم عليك السعاده.

 

[الامل الكبير22]

ماشاء الله ربنا كريم

جزاكي الله خير
يا قمر

والله يسعدك ويوفقك يارب

 

[ام وسومي]

الله يسعدك ويوفقك يارب

 

[**بحر الأمل**]

الله يوفقك ويسعدك دنيا وآخره

 

[شجن2008]

ونعم بالله00000يسلموو يالغاليه000

 

[lo0ole]

الله يوفقك ويسعدك دنيا وآخره

 

[ام شوق1]

اللة يوفقك مع زوجك الجديد ويجعلة ربي اخر الاحزان ولاتشوفي الا كل خير

 

[رقة المشاعر]

الله يوفقك ويسعدك ويثبتك على طاعته
سبحان الله الا بذكر الله تطمن القلوب
فعلا الجائي الى ربك هو الواحد الاحد القادر على كل شي
الله يثبتنا على طاعته ويفرج هم كل المسلمين والمسلمات
ويحمي ديننا يارب العالمين ,,,, ربي يجزاك كل خير الله عوضك باللي احسن منه الله يحفظك ويحفظلك زوجك وولدك ويسخركم لبعض

 

[شفايف فراوله]

ماشاء الله وسبحان الله