نوم اطفالي

[قنينة عطر]

السلام عليكم ورحمة الله
كيفكم بلقيسيات ان شاءالله زينيين؟
بنات عندي طفلين ابو 4 سنين وابو 2 وبديت اعودهم ينومون بروحهم في غرفة قبال غرفتي انا وابوهم لكنهم رافضين يبوني انوم معهم وكنت انوم معهم واذا نامو رحت لغرفتي لكن الكبير يصحى الساعه 4 او 3 ويقعد يبكي وينكد علي خصوصا انه في الليالي اللي زوجي مايكون عندي انوم عندهم ف ابي لي حل جذري وشكرا لكم

 

[باونتي سعد]

حبيبتي لازم يتعودون واول شيء تسوينه لاعاد تنامين ابدا معاهم حتى لو غاب ابوهم بناتي كذا وبنفس اعمار عيالك ووحده عمرها سنه ونص واول الايام يجيبون مخداتهم والقاهم نايمين بالارض عندي ارجعهم غرفتهم اللين تعودو ولازم في البدايه تصبرين ودايما امدحي غرفتهم قولي خاله فلانه قالت غرفة عيالك تجنن وبجيب لعيالي زيها وطوال النهار امدحيها وحسسيهم انها جنه والله معاكي

 

[عسل الكون]

شوفي بالعكس شوي شوي عليهم لان النوم مع الام نفس الفطام كل ماتبالغين في صده بيتعلق اكثر

 

[دارين نيراد]

ممكن تجيبي بطانيه او مخده يحضنها الطفل لما ينام
اتوقع انها تساعده نفسيا
تعوض عليه شوي..
انا نفسي احظن اللحاف او المخده تعطيني احساس بالراحه!!
بيتعودون مع الايام بس خليهم يلعبون بالعابهم في الغرفه ويقضون وقت فيها في النهار عشان يألفون الجلسه فيها..
حطي لهم هدايا ومفاجئات من فتره لفتره في الغرفه تحت السرير واي مكان عشان تربطين المكان بشي حلو في نفوسهم ..
هذا اللي عندي الله يعينك

 

[حلو القصيد]

افكار البنات مرره حلوه ان شاءالله تفيدك

وتفيدني

 

[قنينة عطر]

شكراااا لكم جبيباتي الله ليحرمني منكم جميعا