نظريتي .......وآراء البلقيسيات

[أم حور وسعود]

مساء الخير ياأخواتي الغاليات........

أنا صراحةعندي نظرية وألاحظ إنها تقريباً صحيحة ،العرسان إذا كانوا مافي نيتهم يحملون في بداية زواجهم وأهم شيء عندهم يستانسون وعادي عندهم مسألة الحمل يحملون من أول شهر سبحان الله والعرسان ( المشفوحين ) يعني المستعجلين اللي تروح نص الميزانية على التحليل يتأخر الحمل شوي والله أنا هالنظرية طبقتها على نفسي وعلى أقربائي وأكيد كل شيء بإرادة رب العالمين .وش رأيكم ياحلوات بكلامي .؟؟؟؟؟؟؟؟؟؟؟؟؟؟؟؟؟؟

 

[عطاء بلاحدود]

انا وريلي ما كنا مخططين للحمل...بس من عرست ما شفت الدورة لين ربيت ^_^

بالعكس انا اشوف البنت اذا يتها الدورة قبل العرس بفترة بسيطة ...بسرعة تحمل

انا قبل عرسي بيومين اغتسلت

وشو راي خوااااتي

 

[سمو الأميرة]

انا وريلي ما كنا مخططين للحمل...بس من عرست ما شفت الدورة لين ربيت ^_^

بالعكس انا اشوف البنت اذا يتها الدورة قبل العرس بفترة بسيطة ...بسرعة تحمل

انا قبل عرسي بيومين اغتسلت

وشو راي خوااااتي

:icon30: >>>>>> :nosweat:

 

[هاذي أنا]

سبحان الله .. اذا الله رايد ان يصير حمل يصير .. واذا الله مب رايد .. لو شو ما تسوي الوحدة ما يصير ..

انا عرست وبعدني ادرس وكنت متخوقة من اني احمل وكنت مشددة على هالموضوع واايد وحاطة ببالي على الاقل اخلص سنة من زواجي وبعدها احمل.. بس الله رايد من اول شهر حملت ^_^ سبحان الله قبل لا ادري .. سرت كارفور اشتري ......... تحسبا لاي طارئ على اساس الدورة بتييني بي ما يتني وعاندت وياي خخخخخخ


وعلى عكسي ربيعتي عرست قبلي ب 6 شهور وريلها من النوع المستعجل وهي دوم تتعالج بالرغم من انها عروس بعدها ما كملت سنة ومافي شي يستاهل انها تحاتي .. يوم انا حملت هي حملت ^_^

 

[~ ناريز ~]

كل شئ قسمه ونصيب
والله احيانا اذا الله اراد وانتي تاخذين الحبوب تحملين

 

[لــــيان]

يقولون التفكير والانتظار القلق من هالناحيه كل مازاد كل ما تأخر الحمل .. والراحه النفسيه تعجل فيه ..
حتى سمعت عن بنات كثير مايحملون يوم تزوجوا رجالهم عليهم والزوجات الثانيات حملوا وحسوا بالغيره حملوا
يعني الوحده دام مافات سنه او سنتين ماحملت لاتقلق عادي تصير ..
اعرف بنات كثييير بعد ماخذوا مانع وماحملو الا بما مرت سنتين على زواجهم .. كل شي بيد الله سبحانه
القلق مالوو داعي .. بس الرجال دايما مستعجلين

 

[شباصه]

ههههه صدقتي انا تزوجت شهر 6 الي فات
وكان زوجي يقولي من اول الايام فخاطري اشوف عيالي بس احس انا بنتأخر وانا كنت اقوله مااابي احمل الحيين وهو يعصب عليه وسبحاااااان الله صار في حمل من ثاني يوم لزواجنا يني انا كان زواجي 26/6 وحملت بتاريخ28/6 الحمدلله ياربي صخ اول ما عرفت حسيييييييت بخووووووووووووف اني ما بعرف كيف احافظ على الي فبطني والحمدلله بفضل الله ثم بفضل المعلومات الي اخذتها من اخواتي في منتديات بلقيس بتمم الشهر الثاني وبدخل في الثالث الاسبوع الجاي

ادعوووووووووووولي الله يثبت حملي

اللهم ثبت حملي وحمل جميع اخواتي المسلمات

اللهم آآآآمييييييين

 

[وينك ؟؟؟]

صدقج والله أنا بعد لاحظت هالشي

 

[اساس الغلا]

انا بعد اول ماتزوجت من ثالث اسبوع مانعت طبيعي
وهو يشوف العيال ويكسر خاطري اقوله خلاص بعد اربع شهور نسوي واحد مثلهم
بس الله اراد اني اكون حامل وانا بزواجي كانت فيني الدورة
وبسرعه حملت بعدها

 

[هند بنت عتبة]

هو النفسية لها اثر كبير

انا من عرست وانا افكر بالحمل وميته عليه وما حملت الا بعد ما كملت سنة من زواجي : )

 

[شهد الزهور]

ادعوا لي احمل هالشهر