نصيحة ،، والله لن تندمي على اي فعل بعدها ..

[بسمه11]

غالياتي مافي أحد مرتاح بالدنيا ..

ثقي ان غيرك كثير يعانون ...

اللي مع زوجها ،، واللي مع اهلها

اللي مع واحد من عيالها ... واللي مع ظروفها المادية ..

اللي مريضة او غالي لها مريض ..




ومع هذي الظروف الصعبة ؛؛

كثير نحتار بمشكلة تواجهنا ؟؟

بأمور بنقدم عليها ؟؟




واكبر دليل الحقووووووووووووني ....؟؟

ياويليييييييييييييييييييييي... .؟؟....ههههه
[FONT=&quot]
وغيرها من مواضيعنا في هذا القسم[/FONT]

قبل تنزلين مشكلتك بالمنتدى اللي محتاره بحلها ...

قبل تطلبين الحل من بشر زيك ..


استخيري الله ...



والله لن يخيبك اذا استشرتيه ..




احيانا اذا جيت اطلب شي معين من زوجي

طبعا احتمال يوافق واحتمال يرفض ..اروح استخير قبل اطلبه ،،،



اقول لكم ليش ؟؟

عشان لو رفض اكون رآضيه ولا أزعل ،، لان الخيره هي رفضه ،،

بس لو مااستخرت الصراحه ازعل او اتضايق لرفضه ...



بس طبعا ما أقول لزوجي اني استخير ؛؛

عشان مايآخذ رآحته ويبدأ كل شي اطلبه (يرفض)

ويقول هذي الخيره .




وتأملوا معي هذا الحديث ،،

عن جابر بن عبد الله رضي الله عنه قال :

( كان رسول الله صلى الله عليه وسلم يعلمنا الاستخاره

في الأمور كلها كما يعلمنا السورة من القرآن )





اذن بعد اليوم نخلي الاستخاره شي اساسي بحياتنا ؛؛


لازم نعود انفسنا قبل نقرر اي شي نستخير ..

علمي اطفالك من صغرهم على الاستخاره ..


حتى لو بيغيب عن المدرسه ومتردد ،، على طول قولي رح استخر الله ..


قبل توافقون او ترفضون رحلات المدارس ،، او رحلة حلقات تحفيظ القرآن ..


الاستخاره اولا ،،، عوديه وخليه يحفظ الدعاء من صغره زي مايحفظ الفاتحه ..


صدقيني اذا تعود طفلك عليها خلاص ماتشيلين هم ..


لانه بيكبر وهو دائم يستخير الله بأموره ..

احيانا تحتارين اذا تعب طفلك،، تودينه الدكتور والا تنتظرين لبكره يمكن يتحسن ..


بعد اليوم لا تحتارين ولا تقلقين بس استخيري..


وبعدها ربي يا يسهل روحتك للمستشفى او يصرفك ..

احيانا تسوين لك مصيبة

ويزعل زوجك ويعصب


وتحتارين انت تعتذرين والا تسكتين والا ... والا .....


هنا روحي ركض استخيري قبل تدخلين المعركه ،،


نصيحه استخيري قبل تستشيري ،،


والله ان ربي يسهل امورك وكلامك ويهدأ الوضع ...

بتقدمين على وظيفه ،، انت او زوجك ...


بتكملين دراستك بعد الزواج ومحتاره ..


بتتخصصين بالجامعه ...


استخير ي قبل اي اجراءات ..

قال لك زوجك ايش رآيك نسافر ..


كأني اشوفك تناقزين من الفرح ،،


لا ياقمر مشاعرك هذي أخريها بس 5 دقايق


استخيري بعدين انهبلي خخخخخ .

قبل تبدأين بمشوار العلاج لاتنسي


الاستخاااااااااااااااااااااره


اسأل الله ان يرزق كل محرومه عاجلا غير آجل

باختصار عودي نفسك وابناءك وزوجك

على الاستخاره بكل اموركم ؛؛


والاستخاره لاتمنع من استشارة من نثق في

حكمته ورجاحة عقله ؛؛



اسمعي القصه العجيبه ،،

متأكده اللي بيسمعها ،،

مستحيل يقدم على اي امر قبل الاستخاره ،،

كلها اربع دقائق ،، يرويها الدكتور عبد المحسن الاحمد ..



وهذا الرابط بيفيدكم باذن الله من موقع الشيخ ابن باز رحمه الله

وهو كيفية صلاة الاستخاره والدعاء ..

http://www.binbaz.org.sa/mat/15407


منقول

 

[جرحي غير]

كلامك في الصميم وجعله الله في ميزان حسناتك انا صرت من قريب ماأسوي اي شي محتارة فيه الا باستخارة وحتى لو ماحصل اللي رغبتك فيه تكون نفسك مرتاحة لانك متاكدة ان هذي الخيرة اللي ارادها الله لك فلاحرمك الله الاجر ياغالية

 

[حقوقي؟]

عين العقل كلامك صحيح لازم الواحد يتخير ربه علي أي شي ......لكن إحنا الحريم حتي لو إستخرنا نحب أراء بعض و بس .....كل لي قلتيه حلو ولي عجبني تعليمها للصغار فكره في منتها الدكاء و بهيك رح يتعودو عليها و يتقربو من الله أكثر :3:

 

[استغفروااا الله]

رائعة اختي
ولكن
وين القصة !!

 

[اخر ايامي]

جزاك الله خير وربي يجعل ماكتبتي في موازين حسناتك
انا حربت الاستخارة في امور كثير واهما زواجي
كنت مترره كثير وزيادة اللي حولي مو مساعديني يعني امي تقول مدري انت اللي بتتزوجين اختي كرهتني فية تدور عيوب وتقولها على الرغم انها مو متاكده منها
ابوي واخوي يقولون ماراح يجيها احسن منه
هو ولد عمتي لكن انا ما اعرفه اذكره وهو صغير بعد ماكبر ما اعرف الا الاشياء للي يعرفونها الناس وكنت حزينة خصوصا اني انخطبت كثير ولا وافقت وامي تخوفني تقول البنت اذا كثروا خطابها تبور لكن انا مدري وش فيني قمت قلت خليني استخير واستخرت حسيت براحة عجيبة ماعمري حسيت فيها وسكت مارديت عليهم الا بعد اسبوعين والحمدلله تم كل شي على خير وربي احس اني لو ما استخرت وارتحت كان امديني ضيعت على نفسي اروع زوج بالحياة لكن الحمدلله دايما ربي يختار لنا مافية الخير
نصيحة من مجربة مافية امر يصعب مع الاستخارة ومو من اول مره على الانسان يستخير اكثر من مره وربي يوفق الجميع

 

[متزوجه ولكن]

صدقتي ربي يسعدك

بس فيه معلومه يمكن فيه احد يجهلها

الخير مانستخير فيه
يعني مثلا وحده بتحج تجي تستخير احج او لا مايصلح
لان الخير مانستخير فيه
هذا كلام سمعته من شيخ لما سألته وحده عن الاستخاره بالخير والعباده

 

[قشوووطه]

جزاكي الله خير

 

[ايمومي]

كلامك مرة جميل

ياررررررررب عودنا على الاستخارة

 

[بسمه11]

مشكوووووووورات ع الردود الحلوه والدعووات

 

[طاطا]

جزاكي الله خيرا وهي احياء لسنة النبي صلى الله عليه وسلم

 

[نونه انا]

الله يجزيك الفردوس ..

موضوعك قمه ..

الله يوفقك ويسعدك يآرب ..

 

[امنيتي ضمة طفل]

جزاك الله خير وبارك فيك اخيتي
يعطيك الف عاااااااافية

 

[arradia]

جعل الله كلامك في ميزان حسناتك
والله فكرتينا وذكرتينا

 

[عسل حضرمي]

بارك الله فيك

 

[ربيعه]

اسلوبك حلو

بس لوكنت اميل لحاجه مثلا في السفر احب اسافر ماممكن اصلي صلاةالحاجة؟؟

صلاة الاستخارة مثل بقية الصلوات، يستحب للمسلم إذا أراد أن يستخير أن يصلي ركعتين مثل بقية الصلوات، يقرأ بها الفاتحة وما تيسر مع الفاتحة، ثم يركع... إلى آخره، مثل بقية الصلاة، ثم بعد الفراغ يرفع يديه ويسأل ربه أن يختار له ما هو الأفضل، يسأل ربه أنه يختار له ما هو الأفضل والأنفع له من كذا وكذا يبين حاجته، حاجته التي يريد إن كان زواج اللهم اشرح صدري للزواج من فلانة إن كان خيراً، وإن كان سفر اللهم اشرح صدري للسفر إلى بلد كذا إن كان خيراً له، وإن كان يحفظ الدعاء الذي جاء عن النبي -صلى الله عليه وسلم- يقوله، النبي -صلى الله عليه وسلم- قال علم المستخير دعاء يقول: (اللهم إني أستخيرك بعلمك و أستقدرك بقدرتك وأسألك من فضلك العظيم، فإنك تعلم ولا أعلم، وتقدر ولا أقدر، وأنت علام الغيوب، اللهم إن كنت تعلم أن هذا الأمر -ويسميه زواج، أو سفر، أو معاملة يسميه باسمه- اللهم إن كنت تعلم أن هذا الأمر خيرٌ لي في ديني، ومعاشي، وعاقبة أمري، فيسره لي، ثم بارك لي فيه، وإن كنت تعلم أن هذا الأمر شرٌ لي في ديني، ومعاشي، وعاقبة أمري، فاصرفه عني، واصرفني عنه، وقدر لي الخير حيث كان، ثم أرضني به) هذا الدعاء المشهور عن النبي -صلى الله عليه وسلم- المحفوظ، إذا كنت تحفظه تقوله، وإلا تقرأ بما تيسر، تقول اللهم اشرح صدري لهذا السفر، أو لهذا الزواج إن كان خيراً، اللهم اشرح صدري لمعاملة فلان، أو زيارة فلان إن كنت تشك في فائدتها، ومصلحتها، وما أشبه ذلك، تسمي حاجتك، وتسأل ربك أن يشرح صدرك لما هو الأصلح والأحسن والأنفع. جزاكم الله خيراً

 

[المــهــا]

صدقتي دايم نغفل عن الإستخاره

جزاك الله خير وبإذن الحي القيوم ماعاد نتركها بكل صغيره وكبيره ربي يذكرناها يارب


سبحان الله وبحمده سبحان الله العظيم​

 

[الصمت البري]

بارك الله فيج وجعله فميزان حسناتج

اللهم عودنا عالاستخاره​