نصايحكم يالغاليات لا تبخلون علي فيها

[~الشموخ~]

السلام عليكم ورحمة الله وبركاته

كيفكم اخواتي الغاليات

رمضان مبارك عليكم

ابغى نصيحتكم لي .. انا اول بنت من عايلتنا راح اتزوج .. واعتبركم اخواتي الكبار ..

راح يكون زواجي بإذن الله ثاني العيد ..

ابغى منكم توجيه من خلال تجاربكم ..
من ناحية ليلة الدخله وايش اسوي بالضبط لأني مثل كل عروس اكيد راح يكون فيه خوف وارتباك .. وهل لازم يكون الفض اول يوم ..و الله مرررة خااايفه من هالشي ..

وحبوب منع الحمل ها تؤيدون اني اخذها مع اني استشرت طبيبة نساء تقرب لي ووصفت لي حبوب وقالت مامنها ضرر ..


ارجوكم ابغى منكم نصائح عن الحياة الزوجيه وايش الاشياء اللي لازم اسويها والاشياء اللي اتجنبها خصوصا اول الايام ..

ولكم مني خالص الدعوات :in_love:

اختكم

 

[امووووره]

اولا..الف مبروك الله يهنيك ويسعدك
لا مو لازم يكون الفض اول يوم مع ان الرجال مو مثل بعض
بس الاغلبيه ثاني او ثالث يوم تطمني مااعتقد
وخلي نفسك حييه شوي مو ماتتكلمين وعاقله مره
بس استحي بدلع وخليك عفويه
بصراحه حبوب المنع انا من المؤيدين ان البنت تاكلهم اول حياتها بس شاوري
امك او احد كبير خالاتك عماتك
ولازم بأذن زوجك مايصح تاكلينهم وهو مايدري
الله يوفقك ويجمع بينكم بخير وادعي ان ربي يوفقك بها الايام الفضيله
وادعي لي ان الله يسخر لي زوجي ويرزقني الذريه الصالحه
واي سؤال انا مستعده اجاوبك

 

[{..شموخ أنثى]

مبروك أختي< لسى مآتزوجت ^^

 

[الحنونه 55]

عادي حبيبتي كنت مثلك وتندمت على الخوف الي كان قبل

 

[~الشموخ~]

أمووورة
شموخ انثى
الحنونه55

تسلمون يالغاليات على ردودكم
ربي يوفقكم ويسهل دروبكم ويسخر لكم ازواجكم

 

[سكر زماني]

خلبيكي هاديه وحييه

والله يوفقك


ويوفقني لان زواجي بعد قريب

 

[بانشي]

تدرين اذا جا ذاك اليوم بتصيرين اقل من عاديه وربي بيسهلها لك سبحانه ولا تخافين ولا شي والحبوب انا ما أأيدها لاني اعرف كثير اللي كلوها والى الان يتمنون البيبي

 

[om.saarah]

اول شي الف مبرووووووووووووك والله يسعدج ويازوجج ويتمم عليكم

وحبيبتي اهم شي توكلي على الله لان التساهيل من عنده

وخليج هاديه ولاتخافين ترى كل ماخفتي بتتعبين اكثر

ومعاملتج له ارجعي للاحاديث والوصايا الي موصينا اياها رسولنا صلى الله عليه وسلم

في حق الزوج وحسن معاملته لان مافي احسن ولا اهم من هالوصايا

وبالنسبه للحبوب انا مانصحج الافضل ماتستخدمينها وانتي استخيري في الوضوع احسن

والله يوفقج

 

[إحساس راقي]

انا انصحك ما تشيلين الميااانه طول العمر خلى بينكم شوى رسميات عشان مايمون عليك
لان مونت الرجال موب زينه

 

[s0s0]

الف مبروك حبيبتي الله يوفقك ويهنيك

بس اهم شي لاتخافين والله مو يخوف بالعكس حلوووووو الزواج وراح تتمنينها بعدين واما الحبوب انا اكلتهم سبع شهوور وجلست شهرين وحملت بس انتي حللي شوفي عندك ضعف او لا واستشيري والله يوفقك

 

[ريم البنفسج]

هلا اختي .. اذا تبين نصيحتي انا صارلي متزوجة من شهر وشوي تقريبا ..

انا نفسج كنت متروعة بس مجرد اني افكر انتي بكون وياه .. بس سبحان الله الخوف خاز عني ما اقولج ما بتستحين منة بس لا تحاولين تصدينة اذا قرب منج .. لانة اكيد بيشل فخاطرة منج .. لا تنسين حتى الريال يحس بارتباك فداخلة بس لازم واحد من الاثنين يبادر .. واذا هو بادر لا تصدينة ..

موفقة خيتووو ^_^

 

[~الشموخ~]

سكر زماني

بانشي

ام سارة

احساس راقي

سوسو

ريم البنفسج

أشكركم من اعماقي على مساعدتكم ونصايحكم

من جد طمنتوني واستفدت منكم كثيير ..

الله يوفقكم يارب ويسعدكم مع ازواجكم في الدنيا و الاخرة

اختكم / الشموخ

 

[ام ايلان]

نصيحة

ااااااااااااااااااااااااااااااااااالف مبروووووووووووووووووووووووووووووووك حبيبتي من ناحيةالفض فعلى حسب الرجل مع ان الغالب يفضلون اول يوم عشان تخف الحواجزاللي بينهم وحاولي انك تكوني طبيعيةقدماتقدرين مع اني عارفةراح يكون صعب شوي بس حااااااااااااولي لان خوفك وارتباكك راح ياثرعلى عمليةالفض اماحبوب منع الحمل فالافضل استشارةالطبيب عن النوع المناسب لك لان فيه انواع ماراح تناسبك وممكن تسبب لك عقم ثانوي اوكامل ولازم تستا\ني من زوجك ومانصحك بالحمل على طول اصبري سنة اواكثرلانه افضل لك