نصائح قبل الزواج ...........عوديه عـــلى؟؟؟ ولاتعودينه علــى

[اللمسه الملكيه]

السلام عليكم ورحمه الله وبركاته
بلقيســـــــــــــــــات

ياليت اخواتي تكتبون لنا النصائح اللي تحمل معنى( زوجـــــــك على ماتعوديه )وتكون مفيدة لنا في المستقـــــبل قبل فوات الاوان
وانتم عارفين كثررر النصائح قبل الزواج ممكن تودي الى الهلااااااااااك

خصوصا اللي ماعنهم خبررررررررة في الحياة

يعني وشهي الاشياء اللي نعوده عليها :22:
وشهي الاشياء التي من الافضل عدم تعوده عليها:33:

وياليت خصوصا المتزوجات اكيد هم عارفين اكثرررررررر

​

 

[ماما نوسه]

موضوع جميل ولي رجعه

 

[الجوهر بنت م]

مووضوع جميل
ننتظر المتزوجات

 

[جيانة]

عوديه على احترامه لك..بمعنى لو لاقدر الله سلك تجاهك تصرف مو مناسب(مثل سب أو شتم أو لاقدر الله ضرب)
يكون لك ردة فعل قوية تخليه قبل لايغلط عليك بيوم من الأيام يفكر مية مرة..
لأنه كثير من الزوجات اللي يتعرضون للإهانة بشكل مستمر السبب في ذلك عائد إلى سكوتهم وخنوعهم من أول مرة مما سمح لأزواجهم بالتمادي في ذلك..
عوديه إنك تصلين رحمك..لأن بعض الأزواج عنده حب للتملك..ويظن إنه إذا تزوجك صرتي من أملاكه الشخصية ومو مجبورة تواصلين أحد إلا أهله وقرايبه..مثلاً..
عوديه إنه إذا أخطأ يعتذر بأي شكل من الأشكال..
عوديه على الكلام الحلو..وعلى استقباله بعد عودته من العمل بابتسامة رضا وبشاشة...
كوني طبيعية ولاتبالغين..بعض الزوجات مثلاً في بداية زواجها لو يكون فيها من الألم مافيها تكتم وتخبي عشان تبان قوية قدام زوجها!!وماتدري انه مع الوقت هالشي بيضرها لأنه لو تعود على زوجته كذا بكرة لاسمح الله لو جاها مرض مابيتحمل ولايصدق ويعتقده تمثيل منها..!
عوديه إنه يعبر عن مشاعره ويصارحك بكل شي..مو لاجاء يفتح معاك نقاش تقفلينه بوجهه على طول..
تذكري دائماً إنه بحياتك الخاصة فيه خطوط حمراء ومو كل شيء لازم ينقال..يعني أسرار عائلتك وعيوبهم لاتظهرينها أمام زوجك...حتى مايفقدون قيمتهم بعينه ويوصل الأمر إنه بيوم من الأيام يعايرك فيهم..
الحقيقة النصايح كثيرة بس هذا اللي جاء ببالي في الوقت الحالي..
والله يوفقك يارب ويوفق كل عروس مقبلة على حياة زوجية جديدة...

 

[الزهرة العجيبة]

كفت ووفت اختنا جيانة

 

[Hamasaaat]

عوديه يحترم اهلك وعودي اهلك بالمقابل يحترمونه وانقلي بينهم السلام والمودة
خليه يتعود ع لمساتك وذوقك فكل شي وكل ركن في البيت مثال بسيط::::خلي لك لمسات حلوة في تقديم القهوه
حتى لو لزوجك بس ويفضل تكون تقريبا في نفس الوقت يوميا وانت تجهزينها خليه يحس بنشاطك وروقانك ويحس انك صاحبة ذوق وكيف مو بس تادية واجب

عوديه ع الاهتمام .... مثلا عنده دوام جهزي اغراضه من الليل او قبلها بوقت كاااافي مو كل شي في اخر لحظه
ورتبيها وعطريها وخليه يشوفك عشان يحس انك مهتمة
وزي ماقالت الاخت جيانه عوديه ع الكلام الحلو والدلع حتى بالزعل مو تطلعين له الوجه الثاني..........
هذا الي حاضرني اذا تذكرت ابرجع اكتب لكم نا شاء الله

 

[الخجوله..]

شكرا لكل من أضاف وننتظر المزيد

 

[مدام لوتس]

عوديه انه يصرف عليك
ويطلعك السوق
ويعطيك مصروف لك
عوديه في كل صيف تسافرون
جزاك الله خيرا
مشكوره حبيبتي

 

[يارب افرج همي]

روووووووووعه

لايوقف لايوقف

 

[.PRADA.]

عوديه انه يصرف عليك
ويطلعك السوق
ويعطيك مصروف لك
عوديه في كل صيف تسافرون
جزاك الله خيرا
مشكوره حبيبتي

وشلووووووون ؟؟
وانا ما ابغاه يروح معي للسووق ابي اروح لحالي ماعرف اتقضى وفوق راسي احد .

 

[موية ورد]

لاتتكلمين عن غيرك من البنات او صديقاتك لابالزين ولابالشين

لاتمدحين حتى أختك واذا سألك عن وحدة قولي عادية مثل باقي الحريم

صدقوني من تجربتي لان نظرتك وردك له تأثير عليه حتى لو قالك

صديقي بيخطب وودي تدورين له لا توصفين له قولي مثلا بنت الفلان

وهذا رقمهم ................

دائماأبدي رأيك لاتقولين ما أدري هالكلمة تحسسه انك مترددة اومالك قرار

عوديه انه في يوم من الاسبوع تريحين من الطبخ وتتغدوا برا مو بالغصب والزعل

باللين والدلع............

لاتقارنيه بغيره حتى لو اخوانه هذا الشي يقهر الرجل ويخليه يحقد عليك وعلى من قارنتيه فيه...................:32:

طولت عليكم لكن لاني احب كل وحدة تبدأ حياتها بشكل صحيح والله يوفقكم ويسخركم لبعض آآآآآآآآآآآآآآآآآآآآآآمين

 

[ريانة المشاعر]

UP

وينكم يالخبيرات أفيدونا الله يصب عليكم السعادة ويسخر لكم أزواجكم

 

[اوتار الحياه]

ومنكم نستفيد

 

[ملهمة الروح]

ماقصرو البنات
وبنفس الوقت عوديه باهتمامك باهله
مثلا اذا تاخر بزيارة اهله ذكريه
بتكبري بعينه
عوديه يساعدك في اشغال البيت
مثلا>>حبيبي تعال ورني مهارتك بهالشغله
عوديه البيت دائما تجددينه وتعطرينه
وديه يحترمك ويقدرك زي ماتقدرينه

 

[ام ياسر وسلااف]

والاهم من هذا كله عوديه بل الحي عليه اذا اذن الاذان زني فوق راسه الين يقوم يوضي ويروح المسجد نصيحه من اول يوم تدخلين حياته لو ماشفتيه صلى ذكريه




والله يتمم لكل وحده مقبله على الزواج:31:

 

[الماسة غير]

الله يوفق وييسر أمور كل من رد وأفاد غيره
هذا العشم والله​

 

[Dr Ahmed]

صح معك ام ياسر اهم شي الصلاه صدقوني لو داوم عليها تسهلت حياتكم

 

[واي ياحلاتي]

على قول المثل ابنك على ماتربيه وزوجك على ماتعوديه

قبل لاينام بوسيه ع جبينه وقوليله تصبح ع خير

كل بعد فتره اسأليه كيف رضاك عني

لما تكوني تعبانه يساعدك في شغل البيت

لما تخرجو سوا او لما تتمشو خلييكم ماسكين يد بعض مو كل واحد في جهه

عوديه يتأسف لو غلط عليكي وما يرفع صوته عليكي

اممممممممممممممم والله في اشياء كتيييييير بس هدا اللي جا ببالي

 

[طموحة و متفائلة]

(موضوع جميل ومفيد) اسال الله ان ينفعكم بمانقول هوولي ذلك والقادر عليه00 لنجعلها كالجدول بشكل مرتب حتى يتسنى للجميع جمعها والاستفاده منها00 عوديه على الرفق بالحياه حتى لو غضب قابليه بصمت هادئ لكي لايتجاوز حدوده وهذا ملاك الموضوع فمثلا لو ارتفع صوته عليك وقابلتيه بالمناقشه اثناء عصبيته او التبرير باقل الامور لن تستفيدي اي شي لانه لن يسمعك وهو غاضب لكن كانك تتركي له العنان لكي يتطاول عليك بالالفاظ اما لو صمتي فسوف يتكلم ويزمجر وفي النهايه سينتقد نفسه ومايلبث حتى يهدا 00كما قال المصطفى صلى الله عليه وسلم الرفق مادخل على شيئ الا زانه ومانزع من شيئ الا شانه 00 عوديه على ماتحبين من نمط الحياة من طريقة نوم او اكل او اي عادات يوميه لان كما قال المثل الشعبي ابنك على ماربيتيه وزوجك على ماعودتيه فاي شي تعوديه من البدايه سيتشكل عليه انا اضفت مجرد اضافه للاخوات لكي لايتكرر الكلام ويتسع المقام لغيري اختصرتها باهم اسباب المشاكل وهي مطاولة الزوج وهو منفعل وهي ماتسبب تطاولات من قبله على المراه وقد يتسبب بالضرب لاقدر الله فاقطعيها من جذرها والخص فائده كنت اسمعها من جدتي رحمها الله فقد كانت دره قد اعطتنيها وهي دائما تقول يابنتي المراه(ريح وجريح )يعني رائحه جميله وجريح =لسان حلو وهذا مايستولي على الرجل فكم من امارءه سلبت لب اقوى رجل بهاتين الصفتين ولك الدور ايتها الانثى 000 لاتعووووديه على الاهتمام الزائد عن حده لانك لو عودتيه على المبالغه في الاهتمام فانك قد تتعبين بيوم من الايام فسيبحث عن سقطاتك ولن يعذرك فانت وشطارتك يكون بقدر متوسط لاضرر ولاضرار 000 هذا مايسعني قوله ودمتم بود 0000​

 

[اللمسه الملكيه]

الله يسعدكم يااااااارب وننتظرررررررر باقي الاخوات