نبي بعض بس امه مب موافقة، شسوي؟

[تاج_راسه]

مرحبا يا بناتات يا حلوات

ما بطول عليكم السالفة..

لكن في شاب جاد شافني بالدوام وشاريني، و سألني عن رأيي فيه أنا شفته وسألت عنه وطلع والنعم فيه والله، وصليت استخارة فوق الخمسين مرة وكل ما ياني احس بارتياح لهالموضوع اكثر واكثر.

المهم، هو كلم اهله لكن امه رافضة، امه من النوع الشديد وهي زعيمة البيت، وهو لحد الحين يبيني، امه ما تبيه ياخذ وحدة من برا العائلة،بالرغم من انه اخوانه تزوجوا من بره العايلة لكن زواجاتهم فشلت، الدليل انه طيب معاها عشان جذي قدرت عليه.

الحين ماني عارفة شسوي.. احيانا افكر اقترح عليه يرتب لقاء بالصدفة بيني وبين امه وابدأ اتعرف عليها وشوي شوي يمكن تحبني وتخطبني.. بس مادري، احس هالفكرة فيها مجازفة، يمكن تشوفني وتكرهني بزياده ههههههه

شو رايكم بنات؟
ادري انه عندهم افكار حلوة وفنااااااااانة
نوروني الله ينور عليكم​

 

[زحل..]

الله يرزقك باحسن منه لو خذيتيه وامه تكرهك او مو راضيه يمكن تنكد ليك مستقبلا

 

[إيمانووه الحلوه]

حبيبتي لا تسوين شي خليه هو يتصرف ويقنع امه .. اذاا وافقت بالبركه انشالله واذا ما وافقت مالكم نصيب ببعض اما انج تسوين وتخططين اشوفها مو حلوه بحقج خليه يحارب لاجلج والله يسهل عليج انشالله ..
ترا الثقل نعمه​

 

[إيمانووه الحلوه]

نسيت اقولج شي بعد اذا كان بينكم تواصل بالفون اقطعيه لحد ما يحدد موقفه ​

 

[عروسه2011]

هلا اختي
بما انو شاريكي وانتي استخرتي اكتر من مره
بإذن الله ماراح يصير الا الخير مو شرط يكون الخير انك تكوني نصيبو
ممكن خيره انو مامتو ماتبغاكي لانو ممكن ماترتاحو بعدين مع بعض
ربي أعلم وكلي أمرك لله وبسس
وزي ماقالت الاخت اللي قبلي خليه هوا يحارب
واستخيري كمان
قال تعالى : {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
وكلي أمرك لله وبإذن الله ربي بيكتبلك كل خير سواء معاه او مع غيرو ياقلبي​

 

[مهره أصيلة]

دام أنك أستخرتي وأنتي مرتاحه له وهو شاريك بأذن الله ماراح يصير إلا اللي ربي كاتبه لكم أن خير فبيجمعكم وأن شر ربي بيصرفكم عن بعض

وكنصيحة من أخت لأختها .. إذا في تواصل بينكم حاليآ خففوه بشكل كبير جدآ ما أقولك أقطعوه لأنه في صعوبة لكن خففوه حاليآ وإذا ربي كاتب بيجمعكم التواصلكم بيستمر وإلا ماراح يجمعكم لو أنقطعتوا عن بعض ماراح تفرق لا معك ولا معه لأن ربي مب رايد يجمعكم
وأغتنمي الشهر الفضيل .. الآن الشهر يجري أمس كنا بأول الشهر 1 رمضان اليوم 7 رمضان أغتنمي الأيام الفضيلة اللي متبغيه من الشهر الكريم بالدعاء والألحاح بالدعاء وقيام الليل بالصلاة والدعاء والأستغفاااااااار وقراءة القرآن وتصدقي بما تجود به نفسك .. أتركي عنك التلفزيون ومافيه من برامج وتوجهي لربك وأقتربي منه فهو أعلم بحالك صدقيني راح تلقين مرادك
وبالنسبة لأمه هو الرجال وهو اللي يحل الموضوع إذا شاريك ويبغاك بيقنع أمه بطريقته لكن أنتي لا تدخلين بشكل مباشر خلي تدخلك بشكل غير مباشر أقتربي من الله وألحي عليه بالدعاء ولا تعلقين قلبك بالرجل ماتدرين وش مكتوب لك بكره
وأنصحك لوجه الله لا تزوجينه من دون رضى وقناعة أمه مهما كان شاريك ويتمنى تراب رجلينك ضروري أمه تقتنع فيك وتقبل فيك زوجه لولدها وإلا بكره بعد الزواج راح تعضين أصابع الندم أنتي قلتي أمه شديدة وقوية ومسيطرة وأخوانه فشلوا بزوجاتهم وش مدريك ما يكون سبب فشل زواجاتهم أمهم ؟؟

حكمي عقلك قبل عاطفتك لا تنجرفين وراء العاطفة محد بيخسر بالأخير غيرك ​

 

[ايمي الدلوعـــه]

انتي عليك الدعاء ان ربي يجمعكم ويلين قلب امه

بس لاتتصرفي اي تصرف ثاني

ان لك نصيب فيه بتاخذينه انشالله

 

[توفي_2009]

ذكرتيني بقصه قريتها في النت من فتره

يقولك كان فيه وحده تحب واحد ويبون امه تتعرف عليها عشان تصيرالزواجه عن طريقها

وكانت امه بتروح الحج ذيك السنه

ففكروا ان البنت تروح مع اهلها للحج في نفس الحمله

المهم

قابلت البنت ام الولد اللي تحبه وصارت دوووم لازقه فيها وكل مابغت هالام شي نطت وجابته لها ومن هالتصرفات اللي تحاول فيها تكسب قلب الام

بعد مارجعت الام من الحج سالها ولدها يمه كيف الحج معك وعسى ارتحتي مع الناس اللي كانوا معك بالحمله

قلت ايه والله ياولدي الحمدلله بس فيه بنت غثه انشبت لي نشبه

هههههههههههه

شفتي كيف

البنت تبي تكحلها عمتها المسكينه هههههههه

بالنسبه لرايي من راي البنات لا تسوين ايييييي شي

اذا هو شاريك بيسوي اللي يقدر عليه عشان تكوني من نصيبه ومن خلال اللي بيسويه راح تعرفين وش كثر هو متمسك فيك

وبالتوفيق

 

[أسماء زكي الدين]

عزيزتي ما بني على خطأ فهو خطأ ...

واساس موضوعك أنت وهو حرااااااااااااااااااااااام فكلامكما قد خرج عم حدود العمل وتعداه للخاص ...

زواج واتكلمتوا في تفاصيل ....


وقد يكون ممن يلعبون على البنات بدأها برغبته في الزواج منك وسألك عن رأيك فيه (أول خطوة ليعلقك به)

التالية رغبته في الزواج منك وسألك هل موافقة أو لا ....


الثالثة ... يا عيني عليه (ولا كأن عنده شوارب وأصبح رجلا) لم يكن يعرف أمه من قبل

والان المشكلة التي ستعطل اتمام الزواج وقد تنحرف بكما لطريق آخر (أمه والتي سيظل يحاربها ولا يصبر على فراقك وبعدك وووووووووووووووووو )

رابعا ...... خلال ذلك الوقت يكون قد أتم تعلقك به ثم يأخذ ما يريد منك ويرميك .....

جعل الله لنا نحن المسلمات مكانة وعلو

فلا تضيعيها على نفسك

مجتمعاتنا عززت تلك المكانة وتمسكت بها فالمجتمع الوحيد الذي يطلب فيه الرجل المر أة وقد يذوق الأمرين ليظفر بها زوجة عو مجتمهعنا العربي بكل أديانه

انتبهي عزيزتي لنفسك واحتفظي بنفسك وسمعتك لنفسك ولا تضيعيها ولا تسمحي لأحد أن يمسها

كما قلن لك الاخوات بأكثر من شكل (احذفيه واقطعي اتصالاتك به) وهو الرجل وهو الذي يرغب بك زوجة له
فعليه أن يحل مشاكله بأي شكل آخر وانت عليك انتظاره أن يأتي ليطلبك من والدك في بيت والدك ​

 

[دنيا الصمت]

امه اللي رافضه << معناتها هو اللي يتصرف

بيت ابوكي و موجود و يعرف طريقه

و ما انصحك تقابلي الأم قبل ما يكون في شي رسمي

بهذي الطريقة انتي راح ترخصي نفسك و انتي غاليه

 

[يكفيني دفا حبك]

اللي هذا أوله ينعاف تاليه ,,,,,,, لا تقدمي على تجربة زواج هذي بدايتها نصيحة من مجربة لا تقولي بخليها بكرة تحبني ماراح تتقبلك بسهولة هذا إذا إتقبلتك والله راح تحسي بالقهر والجفا لما تعاملك بشكل وتعامل سلايفك بشكل ....... وبعدين يأختي وين إحنا عاييشين تقابليه وتتفقي معاه وترتبي أموركم سوى ما يجوز يا غالية عندك أهل يروح يدق بابهم نصيحة لا تسمحي له يتجاوز في معاملته لك حدود العمل حتى لا تندمي فيما بعد .... الله يوفقك للخير لك ويسعدك معه أو مع غيره ...... تقبلي مروري .
​

 

[حبكـ أنا]

ياقلبي نصيحه مني لك اذا هو موقادر يقنع امه من اللحين اتركيه
لان نهايتك راح تكوون معرووفه
خليه يحاول يقنع امه تزوركم في بيتكم وتجلس معاك تتعرف عليك او برا البيت اذا تفاهمتو كملو الموضوع او خلاص بس انصحك تتركينه اذا مو قادر يسيطر على الوضع من اللحين
انا تطلقت بسبب امه واخوواته لان شخصيته مره ضعيفه وامه خيرته بيني وبينه وطلقني للاسف تكفين لاتعيدين التجربه وتتدمر حياااتك

 

[خطوات أميرهـ]

مع أسماء زكي الدين والله يوفقك وينور بصيرتك .

 

[مريوم الحلوه]

اقلب الشباب اذا مايبون البنت يطلعون حجه وهي ان الام مب راضيه او عندهم ظرف او تبي ياخذ من الاهل

وش الدليل ان كلامه صحيح
اذا يبيج في باب يدقه والله يقدر يقول لامه ان انا ابي بنت صديقي او ناس ارشدوني ان اروح بنت فلان عندهم بنات متربيات ومحترمات ومن هالكلام لو صادق ماراح يقول هالكلام
راح يجي ن الباب

انا زوجي قبل مايتزوجني ماادري كيف تعلق فيني وصدقيني ولا عمري كلمته ولا هو عمره كلمني مره وبصدفه شفته وسمع عن لا اكثر
ماحاول يتقرب ني ولا حاجه جاه ودق الباب
غيره جاووا ودقوا الباب رفضت لان ماانكر اني تعلقت فيه
بس بعد ماسمع ان غيره جاوا ع طول جه واقنع اهله ان يجون مع العلم اهله يعرفوني ومن قبل مايقول اهم حاجطين عينهم علي بس اهم رافضين في الوقت هذا عشان ماعنده فلوس للزواج ولا بعد يكون نفسه
اللي يبي ويحب يجي جاني صحيح ودق الباب وشرحوا اهله لنا ان والله هي مجرد خطبه وبعد فتره الملكه لسبب كيت وكيت
وسبحان الله فرجت
لو يبي الحلال بتنفرج والله بيسهل علي في هالطريق بس اذا النيه مو ذاك الزود لا ومااظن
اقطعي وقولي له خلاص تبيني تعال دق الباب
لو صج يحبج بيدق الباب وبيخطبج لاهلج ليش امه ترفض اصلا
تعرفج شافتج منا وطريق هي حجه جابها لااكثر ولعبه يبي يلعبه ولا كلم امه ولا قال لها ​

 

[جنى الجنوب2]

انا مع الاخت اسماء احذري لاتتبعي عواطفك

 

[كركمان]

انا مع كلام خيتي مهره اصيله
ربي يوفقك

 

[جمانهR]

الله يكتب لك الخير

 

[#بنت الهيلا#]

اذا الله كاتب لك فيه نصيب بتاخذينه غصب عن الدنيا كلها وكلي امرك لله