مين فيكم جربت قلايه تيفال اللي تقلي بملعقة زيت بس

[o.o]

شفت دعاياتها في التلفزيون وقريت عنها في المجلات .. والخلاصه انه هذي القلايه تروج بانها قلايه الملعقه الواحده يعني صحيه لكن القلي يطول يعني كيلو البطاطس ياخذ 40 دقيقه كما انها تقلي الدجاج واللحم و الربيان لكن سمعت انه السمبوسه تطلع خربانه .. سعرها تقريبا يتراوح من 900 والف ريال .حسب المكان اللي تنباع فيه
ابي اعرف حد جربها ؟ ابي معلومات اكثر

 

[عاشقة زوجها]

اول مره اسمع عنها واتمنى اللي تعرفها تفيدنا وجزاكي الله الف خيرا

 

[امــــــــاني]

انا لقيتها بـ1050 ريال غاليه شوي

بس ما قدرت اشتريها قبل اشوف هل هي تنفع او لا اتمنى احد يفيدنا

 

[55ريما55]

مين فيكم جربت قلايه تيفال اللي تقلي بملعقة زيت بس

اعرف وحده منتدى ثاني تمدح القلاية مممممممره بس ان عيبها ليست سريعة الطهي
وشافتها عند بنده بثلاث ميه وهي تقليد ليست الاصلية

 

[o.o]

مشكورين على المرور
ودي اسمع اراء الكل يقول سعرها غالي ومحد يبي يغامر وانا اخاف اشتريها و تطيح في جبدي

 

[ANGE]

ان شاء الله تسمعي اراء البنات انا عن نفسي ماجربتها ونفسي اعرف اذا كانت تستاهل سعرهاup

 

[باووونتي]

انا اللي اعرفها نوع غير
وهذي صورها وهي مرررره ممتازه وسعرها 220وأصليه

..​

​

..

..

..

..

..

اتمنى اني افدتك
دعواتك ان الله يهون علي​

 

[o.o]

والله حلو سعرها وشكلها ما تعفس الاكل مثل التيفال .. بس ايش ماركتها؟
وتسلمين على الاضافه

 

[الوجه الطفولي]

من جد الاخيره شكلها حلوووو وين القاها بالشرقيه

 

[انا قلبه]

هلا حبيبتي انا خذت منها عندنا بقطر ب 900 جربت بها البطاطس والسمبوسه والبطاطس كان صج روعه والسمبوسه ماطلت حمره مره بس مستويه وبعد طلعت حلوه وتقرمش مش مثل ماتشوينها تصير يابسه وان شالله بجرب بها الكنتاكي وبنشوف

 

[الأميرة أماني]

بنات حمروا السمبوسة في الفرن و لا أروع و اللي تقول أنها تيبس و تنشف قبل لا تدخليها الفرن امسحيها بحليب بودرة مذاب في موية و بعدها دخليها الفرن حمريها و أول ما تطلعيها مباشرة اكتميها بقصدير و تصير و الله رايقة طبعا أفضل شيء للسمبوسة لما تكون بالفرن عجينة سويتز أو لوزين غيرها ينفع لكن ما تكون بنفس جودة هالعجينتين خصوصا بالفرن :7:​