ميموووونه ومسعود ... ذكريااات ايام أول

[أطيب_قلب]

السلام عليكم وحمه الله وبركاته

ميمونه ومسعود​

اليوم لقيت هالصوره بالصدفه ,,,, أنا مافي يوم من الأيام أتذكر أني شفت هالرسووووم ليين

ماشفت الصوره تذكرته وكنت ساعتها صغيرونه <<< تذكرت

كنت اصيح

عند ماماتي أبا وحده نفس ميمونه ,, وأمي مبتلشه حليلها ماتعرف من وين أتييبها لي ؟؟؟خخخخ

وكانت هالأسطوانه كل يوم تشتغل خخخخ

أطيب قلب : أهئ أهئ

... بغيت وحده نفس ميمونه

الوالده : من وين أييبها لج ,,, هاذي رسوووم ,, يعني خياااال هب حقيقيه

أطيب قلب : مالي خص بغيت وحده نفسهااا << عبيطه ماتفهم خخخ

الوالده : الله ياخذ هالقناه وهقتنا ,,, خلاص أنتي سكتي عشان أييبها لج باجر

أطيب قلب : أسكت

.. على أمل أني أحصلها عندنا في البيت باجر << حليلي أصدق

بسرعه خخخخ


بس بصراحه أنا ماأتذكر هالرسووم وايد لأني كنت صغيرونه ولأني كنت أقعد أصيح من يبدأ لين

يخلص خخخ ,,, مأسااااه هع


المهم يوم حصلت الصوره أفتريت في قوقل وحصلت لكن جمن صوره ثانيه


هاذي ميمونه للحين خاطري فيها خخخ

وهذي هي مع صديقها مسعود

وهذي ميمونه تتمشى في البحر << بغيت أعرف شو هي بالضبط ؟؟ كنت اضنها ديناصور وردي

ككككك

هذا كل اللي قدرت أحصله

وأتمنى الموضوع يعجبكن

أختكن أطيب قلب

أوووه صح نسيت <<:nosweat::nosweat:


حبيت أذكركن أن الموضوع من مجهودي الخاص ومتعوب عليه << حشى ماصار موضوع هههه:msn-wink::msn-wink:

المهم يعني أفهمواااا وردوااااا ههههههه:clap::clap:

 

[أطيب_قلب]

يؤ يؤ يؤ


وين الردووود ؟؟؟ ليكون الموضوع هب في مكانه الصح ولا يمكن الموضوع ماعجبكم

 

[أطيب_قلب]

15 مشاهده ولا رد


الله كريم

 

[خطاك ضيع غلاك]

اهلين ياعيني ... صراحة يشرفني اني اكون اول مين يرد على موضوعك
بس بصراحة ابو العبط يعني قوة اصرار وعزيمة ما شاء الله ما تعبتي يعني كل يوم من يبدا الين
وايخلص وانتي فاتحة منا حة اهنيك على اصرارك ...
تسلمي على الموضوع الحلو يا حلو...

 

[أطيب_قلب]

هههههههه

الله يسلمج على المرور الطيب


أنا كنت ساعتها واايد صغيرونه

 

[دلوعة وفرفوشه]

هههههه ياحليلك انت مثلي
ما ايأس ابد اجلس ازن واحن لين ما أحصل طلبي ..
وحلو ان الانسان يستعيد ذكرياته وهو صغير ويوريها الناس
مشكوره على هالذكريات الجميله اللي لك لاني ما اعرف شي اسمه ميمونه ومسعود ما حصلي الشرف ..
تقبلي مروري ياعسل ,,

 

[أحب المطر]

أنا بعد كنت صغيرونه و ما اعرف قصتهم بس اذكر اني كنت ايلس مع اخوني و اشوفه
بس شو السالفة الله اعلم

حبيت اهنيج عزيزتي أطيب قلب لأن امنيتج أخير تحققت و حصلتي ميمونة

شو تبين بعد ؟؟؟؟؟؟؟؟

و الف مبروك للوالدة افتكت من دين جديم عليها وحليلها

 

[أطيب_قلب]

ههههههه


مشكوراات فديتكن ع المرور الطيب


<< بس للحين خاطري اشوف ميمونه فيس تو فيس << ماتابت الأخت هههه

 

[الملكة صفاء]

والله ذكرتينى بأيام الطفولة
اللللله على هدييك الأيام ياريت يعيدووونها حتى يشوفوووها ابنائى واحكيلهم عنها
أسعدتينى بهذه الذكرى
مشكوووورة

 

[*نونه*]

:tears::tears::tears:

شو عملتي فيي؟؟؟؟؟


رجعتيني لايااااااااااام الطفولة الرائعة البريئة...


ايام لن تعود....


ياه كم نحن محظوظون لان عشنى مثل تلك الطفولة البرئية....


حتى برامج الكرتون في فترة طفولتنا كانت بريئة كلها اشكال جميلة بعكس الان .... الان اشكال رسوم الكرتون مشوهة حادة المعالم كلها عنف و قتال....:sad_1:


هل تصدقي حبيبتي اطيب قلب ان هذا الكرتون بالتحديد كنت امووووووووت عليه و انا طفلة خصوصا عروس البحر فيه... نسيت اسمها بس كانت دايما ارسمها على دفاتري هي و ميمونة:harhar1:


كنت افكر قبل فترة ان افتح موضوع خاص لعرض صور و تنزيل مقاطع افلام من برامج الكرتون التي نذكرها ايام طفولتنا البريئة الرائعة...


انتظريني ساعود لك بما في جعبتي...

 

[رماني]

والله الرسوم اول احلى
ميمونة ومسعود
طمطم
هايدي
فلونة
جورجي
بيل وسبستيان
والله ايام حلوة يليت يعدوها والله لقعد عليها وما اتحرك من مكاني مب مثل رسوم اليوم اللي تعلم عيالنا الحقد والكراهية والعنف.

 

[أطيب_قلب]

يعطيكن العافيه خواتي على الطله الحلوووووه


الله لايحرمني منكن

 

[passion]

غباااااااااااااااااااااااااااار مال اول بس احلى ايام

 

[مس نوون]

ههههه انا مالحقت عليه مادري وين كنت هههههه

اللي احيده بباي و طمطوم و كابتن رابح و النمر المقنع <--- الاخت واحد من الشباب خخخ

بس ضحكتيني من كثر ما اتزنين تبين هالميمونه . .

ماشاءالله شكلج طالعه عليه زنانه هههههه ما اسكت لين ما احصل هزبه اتسكتني و لا احصل اللي اباه

ههههه

مشكوره ع مشاركتج لنا . . =) . .

يعطيج العافيه و عساج ع القوه دوُم