السلام عليكم
بنات انا دايما ما كتبت مشاكلي في ها المنتدى ودايما اجدكن نعم الصحبة
بحاول اكتب السالفه باختصار
انا وحده متزوجة من رجل مطلق سابقا عمر زواجي سبع سنوات وعندي بنتين والحين حامل في الثالث. زوجي عنده ولد وبنت من طليقته ونحن عايشين في ملحق عند اهله
دايما تستوي بيني وبينه مشاكل احسها عاديه والحياة تمشي .....
انا الحمدلله اشتغل وراتبي زين وقدرت اشتري بيت لي بستلمه بعد سنه
من اول ما اشتريت البيت والمشاكل زادت بيني وبينه ودايما يعايرني اني مب محتاجه له واني تكبرت وخلاص صار عندي بيت ومن ها الكلام
مع اني والله ما اجيب طاري الموضوع ولا حتى اعايره براتبي مع اني اصرفه كله في عياله والبيت
الحين وهذي اخر مشكله والي خلتني احس انه خلاص كل شي له حد وينتهي
اولاده من طليقته كانوا عندنا ... قلت له خلنا نطلع اليهال حرام يالسين زهقانين ...
قال لي اوكي ... المهم طلعنا وسرنا البحر ... ونحن رادين هو يعرف اني بطلع بودي الخدامه المطار لانها مسافرة
قلت له ودي عيالك عند امهم لاني بطلع ومحد بيتم في البيت وانت بعد طالع وانا ما اقدر اشلهم معاي المطار
قال لي لا وانتي ما تفرضين رايج علي خليهم يالسين بيت ابوهم مو في بيتج....
انا انقهرت من رده وقلت محد بيتم في البيت وهم حرام صغار ما ينتركوا بروحهم
قال لي قلت لج لا ....
انا زعلت لانه دايما يحسسني اني مالي راي في اي شي يخص اليهال والمطلوب مني اني اكون بس خدامه لهم..
تلبست وشليت الخدامه وطلعت وانا زعلانه
رديت في الليل وانا بعدني زعلانه وشفت اليهال مخربين البيت وعافسين الدنيا وهو محد في البيت
المهم عشيتهم ونومتهم وسرت انام
يوم رد شل فراشه وطلع يرقد في الصاله
واليوم الثاني راح الدوام وتم في الدوام اسبوع حتى ما اتصل تلفون يسأل كيف احوالنا
يوم رد هو الي مبوز حتى ما قال السلام عليكم
صباح الجمعة ولده قايم خمس الفجر وانا تعبانه كل شوي اقوم ازاوع
المهم رديت قلت بنسدح شوي لاني احس بدوخه
يت الساعة سبع ونص الصبح
الا واسمعه يصارخ ويسب
( شو ها البيت .. شو ها الحريم نوم لين الضحى لا ريوق ولا حشمه لريال في البيت ... الله يلعنها عيشه ... لو اني اصرف على خنازير احسن لي )
ورفس الباب برجوله ودش علي الغرفه وسحبني من فوق الكرفايه جني حيوان
ويقول قومي سوي ريوق ..
قلت له انا تعبانه مب رايمه اوقف وواعيه من خمس الفجر بسبة ولدك
قال لي قومي ولا تكثري كلام لا اعطيج كف اشق ويهج
قلت له حاضر
وقمت سويت له ريوق وحطيته
وبعدها تميت يالسه .... جاني وبدا يسب ويغلط بالكلام
قلت له لو سمحت انا ماغلطت عليك عشان هاي تكون معاملتك لي
قالي كيفي انا جي عاجبك اهلين وسهلين مب عاجبك يلا برع من غير مطرود
قلت له خلاص انا بسير عند اهلي
قال لي مع السلامه
اتصلت بخوي ويا وشلني
والحين انا بيت اهلي من شهر ونص حتى ما اتصل تلفون يتطمن شحال عياله ولا شحالي انا
شو اسوي يا بنات شوروا علي
بنات انا دايما ما كتبت مشاكلي في ها المنتدى ودايما اجدكن نعم الصحبة
بحاول اكتب السالفه باختصار
انا وحده متزوجة من رجل مطلق سابقا عمر زواجي سبع سنوات وعندي بنتين والحين حامل في الثالث. زوجي عنده ولد وبنت من طليقته ونحن عايشين في ملحق عند اهله
دايما تستوي بيني وبينه مشاكل احسها عاديه والحياة تمشي .....
انا الحمدلله اشتغل وراتبي زين وقدرت اشتري بيت لي بستلمه بعد سنه
من اول ما اشتريت البيت والمشاكل زادت بيني وبينه ودايما يعايرني اني مب محتاجه له واني تكبرت وخلاص صار عندي بيت ومن ها الكلام
مع اني والله ما اجيب طاري الموضوع ولا حتى اعايره براتبي مع اني اصرفه كله في عياله والبيت
الحين وهذي اخر مشكله والي خلتني احس انه خلاص كل شي له حد وينتهي
اولاده من طليقته كانوا عندنا ... قلت له خلنا نطلع اليهال حرام يالسين زهقانين ...
قال لي اوكي ... المهم طلعنا وسرنا البحر ... ونحن رادين هو يعرف اني بطلع بودي الخدامه المطار لانها مسافرة
قلت له ودي عيالك عند امهم لاني بطلع ومحد بيتم في البيت وانت بعد طالع وانا ما اقدر اشلهم معاي المطار
قال لي لا وانتي ما تفرضين رايج علي خليهم يالسين بيت ابوهم مو في بيتج....
انا انقهرت من رده وقلت محد بيتم في البيت وهم حرام صغار ما ينتركوا بروحهم
قال لي قلت لج لا ....
انا زعلت لانه دايما يحسسني اني مالي راي في اي شي يخص اليهال والمطلوب مني اني اكون بس خدامه لهم..
تلبست وشليت الخدامه وطلعت وانا زعلانه
رديت في الليل وانا بعدني زعلانه وشفت اليهال مخربين البيت وعافسين الدنيا وهو محد في البيت
المهم عشيتهم ونومتهم وسرت انام
يوم رد شل فراشه وطلع يرقد في الصاله
واليوم الثاني راح الدوام وتم في الدوام اسبوع حتى ما اتصل تلفون يسأل كيف احوالنا
يوم رد هو الي مبوز حتى ما قال السلام عليكم
صباح الجمعة ولده قايم خمس الفجر وانا تعبانه كل شوي اقوم ازاوع
المهم رديت قلت بنسدح شوي لاني احس بدوخه
يت الساعة سبع ونص الصبح
الا واسمعه يصارخ ويسب
( شو ها البيت .. شو ها الحريم نوم لين الضحى لا ريوق ولا حشمه لريال في البيت ... الله يلعنها عيشه ... لو اني اصرف على خنازير احسن لي )
ورفس الباب برجوله ودش علي الغرفه وسحبني من فوق الكرفايه جني حيوان
ويقول قومي سوي ريوق ..
قلت له انا تعبانه مب رايمه اوقف وواعيه من خمس الفجر بسبة ولدك
قال لي قومي ولا تكثري كلام لا اعطيج كف اشق ويهج
قلت له حاضر
وقمت سويت له ريوق وحطيته
وبعدها تميت يالسه .... جاني وبدا يسب ويغلط بالكلام
قلت له لو سمحت انا ماغلطت عليك عشان هاي تكون معاملتك لي
قالي كيفي انا جي عاجبك اهلين وسهلين مب عاجبك يلا برع من غير مطرود
قلت له خلاص انا بسير عند اهلي
قال لي مع السلامه
اتصلت بخوي ويا وشلني
والحين انا بيت اهلي من شهر ونص حتى ما اتصل تلفون يتطمن شحال عياله ولا شحالي انا
شو اسوي يا بنات شوروا علي
