في موقع وايد حلو للأطفال فيه تحفيظ وأناشيد وقصص وتلوين وألعاب جيد للأطفال الصغار بنتي عمرها 6سنوات أخليها تفتح الموقع واختار السورة اللي أبيها تحفظها و اجعل اسم السورة في الخانتين العلويه والسفلية واحد وأحدد رقم الآية التي تبدأ منها والأية اللي تنتهي عندها واضغط مثلث التشغيل وكل ما خلص التلاوة تضغط هي مرة ثانية عشان يعيد التلاوة وهكذا لين تحفظ وإذا خلصت تسمع لي وبعدها يصير مسموح لها تلعب أي لعبة بالنت أو من الموقع نفسه والمفيد إنه حتى الصغار وايد قوم 3 و4 سنوات يقعدون ويرددون مع الشيخ . وهاي الطريقة جايبة نتيجة حتى مع الأولاد الكبار غير مسموح لهم اللعب بالنت أو البلاي ستيشن إلا بعد ما يسمع شو حفظ اليوم وطبعا مسوية لهم جدول لإنجازاتهم في الحفظ وبعد انهائهم لجزء من القرآن لازم أسوي لهم حفلة أعزم فيه الأهل وأوزع فيها الجوائز . أول حفلة سويتها لهم ماقصروا الأهل فيهم واللي جاب جوائز عينية واللي عطاهم كاش وشجعهم.أنصحكم اتجربون مابتخسرون شي!! على فكرة ولدي اللي في الروضة وايد يحب الموقع وملعوزني كل ما أفتح النت يقول لي أبي سورة الللحى قصده سورة الضحى ومن كثرما يحن أضطر أشغل الموقع وأضبط السورة وأشغلها وأرد لموقعي ولما تخلص أشغلها مرة ثانية . الموقع الرائع هو موقع حرف للأطفال
Harf kids.com
الموقع مفيد للأطفال اللي مايعرفون يقرون
أتمنى أفيدكم بتجاربي
Harf kids.com
الموقع مفيد للأطفال اللي مايعرفون يقرون
أتمنى أفيدكم بتجاربي
