موضوووووووع مهم لكل الحريم

[كلي احساس وحلا]

السلام عليكم ورحمة الله وبركاته

بنات انا مالكه و زوجي يقعد مع بنات عمه وبنات خاله شو رايكم يقولي نحن مع بعض من يوم نحن صغار كيف امنعه حتى مره قالي ياكلون مع بعض وانا اذا زاروني عيال عمي او عيال خالي يمنعني ادخل عليهم ويقولي ما تقعدين ويااااااااهم والحمدلله اصلا انا اقوله ما ادخل لانه حرام ومايصير بس كيف امنعه الي عندها خبره تقولي ..

واذا زارهم كيف اخليه مايقعد وااااااايد يعني ماريده يطول بزيارته انا ماريده يحس اني متضايقه ..

 

[وحيده في دنياي]

شوفي باين عليك انك بنت اصول ومتربيه من كلامك
انتي صحيح ماتجلسي جمبك اقرباك
بس تفاهمي معه
وقولي له :
دامك تجلس جمب اقاربك البنات انا بعد بسوي زيك
اذا قاااااااال لا او اعترض قولي حلال عليك حرام علي

بيني له الخطأ بتقليده

والله يوفقك ويسعدك ويفرج همك ان شاء الله

 

[سكر مالح]

قوليله اللي ماترضاه لي انا بعد ماارضاها لك ليه حرام علي وحلال عليك

 

[انوا رة الرياض]

الله يعينك حاول بلين تبين انه حرام بالحوارالين يقتنع وقول علشان لايطور الموضوع وزي ماتشوفهم تخليهم يسيروا اولادعمك وخالك يشوفونك زي مايشوف خواتهم فهمي عن العواقب الي تصير والله يهديه0

 

[كلي شموووخ]

محرم كيف تعودنا وحنا صغاار قولي مايصير الله بهديك وقولي للبنات لا يدخلوون عليه لانه محرم والله يسعدك انصحي من الطرفين

 

[عيون عزيز]

يحليله ,,حلوة تعودنا على بعض من واحنا صغار ,,,

فيلم هندي ,,,حبيبتي خلج على رااااايج وأرفضي رفض قااااااااااااطع قعدته معاهم وقولي هاي حدود الله مب على كيفك تستهين فيها ,,,

أنا تزوجت وكان ولد حماتي يشوفني بكامل زينتي لأني زوجة خاله ,,,بس لما بلغ وخط شنبه تغطيت كاااااااااامل عنه لأن هالشي ما يجوز,,, أقدر أقول لا تعودت عليه وهو صغير يشوفني أربع وعشرين ساعة بس خوفي من ربي ومن حدوده منعني ,,,
أرفضي وأرفضي وارفضي ,,,باللين بالغصب عليج بكل الوسائل ,,,لا تستسلمين ,,, واذا كلش قولي بقعد سفوور جدام عيال عمي وخالي ,,,تربيت معاهم ومتعودة عليهم شفيها !!! ولا من صوبك غفور رحيم ومن صوبنا شديد العقاب !!

خليه يعرف ان اللي يسويه غلط في غلط ...

 

[ذكريات صعبه]

صدقيني لا تدوري حلول و لا تتعبي حالك....حلك الوحيد تقوي الوازع الديني عنده.....بتحلي هالمشكله و غيرها في حياتك معاه بشكل عام.......
موفقه

 

[الجنة املي]

الله يكون في عونك شوفي هو من اي نوع اذا كان ملتزم خوذيه من مبدا الدين وانه حرام واذا هو صاحب مبادي وشيم قولي انا زوجتك ومن حقي اغار عليك وما تشوف غيري واذا صدق تحبني لا تطلع عليهم ولا تشوفهم والله يكتب لك الخير

 

[Am.zezee]

عجيب حلال عليك وحرام علي قوليلو كذا الشرع ما استتثاء تربيت معاهم والا اللي متعودين عليهم حرمو من جميع النواحي

 

[محبة مكة]

بس لا تجي له باسلوب العناد
انت تكشف وانا اكشف لا تعالي له لاحوار والاقناع
جيبي له شيء يقنعه

 

[الشتاء الدافئ]

امنعيه وتقدرين تمنعينه لان الشرع والحق والاصول معك لكن خلي كل الكلام بينك وبينه لا تقولين لاحد ..

 

[حزينه حد الجنون]

الله يستر عليكم ويعيينك

 

[الزوجة الصابرة]

حاولي ياحبيبتي ان تتفاهمي معزوجك وحاولي تقنعية

 

[لمن يجرؤ]

حبيبتي بينيله الخطأ وقوليله ترى حرام

وانت لا تزعجي نفسك ابدا واكيد هم مثل اخواته لا اكثر واكبر دليل انه متزوجنك انتي ما تزوج وحده فيهم مثلا؟؟!!

خذي الموضوع بتأني مو فيوم وليله فاهمه علي يعني مع الايام ممكن الحال يتغير لا تستعجلين

بعدين انا بقلك ليش بعض الرجال كذا

لانهم واثقين فنفسهم وايد وعارفين انو ذولا مثل خواتهم انا ما قول لا سمح الله انه مش واث فيكي لا ابدا ولكنه ممكن ما يقبل المقارنه لعدم ثقته فالرجال اللي من صوبكم لانه ما يعرفهم حق المعرفه فهمتي يعني هو شايف حاله صح ومتاكد من مشاعره لكن ما يثق في مشاعر غيره

لما تتزوجينه حاولي بكل هدوء تقولين له انته صحيح تعتبرهم خوات لا ااكثر بس رب العالمين ما يرضى بالغلط وما يرضى ان احد يتعدى
لان فالنهايه ما يصح الا الصحيح وانا ماقلك هالكلام لان لا سمح الله في غيره لا والله ابدا بس انا ودي ترضي ربك عشان يوفقنا

 

[رجاء و أمل]

يا سبحان الله في طبع الرجال كل شي عندهم له مبرر يوم كنتو صغار كنتو فعلا صغار وماتفهمو شي غير اللعب بس دحين الوضع اختلف ومايحل لك انك تقابلهم ذكريه واتركيه يعني لا تغصبيه لان الرجال مايترك شي الا عن اقتناع من داخله مو احد فارض عليه شي وربك كريم

 

[الداعية إلى الل]

السلام عليكم
قولي له يسال شيخ عن الحكم
الله يهديه