موضوع خاص للمهبوله خلف إرضاء الحموله

[انثى مغرورة]

السلام عليكم ورحمة الله

هلا هلا بخواتي
عندي لكن هالموضوع من إيميلي أعجبن قلت تقرونه معي


يالله بسم الله نبدأ






باب ماجاء في نصح وإرشاد (المهبوله خلف إرضاء الحموله)=))



كثرت الشكوى وعظمت البلوى:'(



كيف ارضيهم....!!!

ودي اكسبهم...؟

عطيتهم ومابين بعينهم...؟؟!!





ومن هذا المنبر نقول لك اقضبي ارضك وإهجدي يامال الصلاح

والله لو تشنقين روحك بمروحة صالتهم عشان خاطرهم مارضوا عليك



ان رحتي لهم دايم. قالوا نشبه

وان قللتي الروحات قالوا قطوع ماتربت



ان دخلتي ويدك فاضيه قالوا ماتستحي

وان جبتي معك شيء قالوا البيت مليان ابحلتنا او عسى ماتكلفت هذا شيء يسوى تدخل به



ان تكلمتي بالمجالس قالوا قرقه وتميلح

وان سكتي قالوا ماتعرف تكلم وكمخه



ان كشختي قالوا مهايطيه وخسرت ولدنا

وان تبهذلتي او صرتي بسيطه قالوا فشلتنا ماتعرف تلبس=D



ان فزعتي لهم بالعزايم قالوا تميلح مسويه سنعه

وان تركتيهم بدون فزعه قالوا ماتستحي كنها غريبه تجي تاكل وتطلع>:O



ان ارسلتي عيالك قالوا تبي الفكه تخليهم يحوسون بيتنا

واذا ماارسلتيهم قالوا تعلمهم من الحين على القطاعه



ان علمتيهم باخبارك واخبارر اهلك قالوا خراره

وان سكتي. قالوا جحود تجي تاخذ اخبار وتطلع



عزيزتي المهبوله خلف ارضاء الحموله هذا غيض من فيض



ان زعلوا على حمآتك رفعوا بك وطيروك بالسماء عشان يقهرونها

� واذا رضوا عليها سفطوك على جنب هذا اذا ماقلبوا عليك



ان حضرتي كل عزايمهم قالوا مشفحوحه ماتفوت شيء

وان تعذرتي قالوا لو اهلها وجبتهم وجت



ان صار لسانك زين معهم قالوا لواقه ولسان بس. الله واكبر عاد ياعيال خاشقجي=))

وان صرتي سلام عليكم السلام قالوا رسميه وحاطه حدود وماعندها اسلوب



غلطه وحده منك تنسف تاريخك كله



يسامحون اليهود بس مايسامحونك كل كلمه تقولينها ببراءة تتفسر الف تفسير



تدخلين فجأه تلقين الخشش مميله وانتي ياغافل لك الله

وبعدين يجيك العلم انك قايله كلمه من هنا ولا من هنا وحطوها بروسهم

وانتي ماتقصدين فيها شيء



عندهم فوبيا منك حتى لو انتي بنت نعمة يحسون ان كل مصايبهم من وراك وان

عينك تجدع الطير:/



مايهابونك ولا يحطون لك قيمه الا لاحسوا ان ولدهم حاشمك وموقفهم عند حدهم({})



ياعزيزتي :: بخصوص الحمولة الي مشغلة عمرك وتفكيرك فيهم وهم ماجابوا خبرك اقول لك إرتاحي ولا تشغلين عمرك وهم كذا ولا كذا ماراح يرضون
سوي الشيء لوجه الله وربي عيالك واهتمي بزوجك وعيشي حياتك لك




المهبوووووله<=-P

الله يعافيك ولا يبلانا



والعاقلات يكملون القائمة وترى التعميم لغة الحمقى ومن جعل الله همه كفاه

الله لايجعلهم أكبر همنا O

هذا الكلام فينا وكل عائلة سعودية والي تقول غير كذا كذابه=D




تراه منقووووول من إيملي

 

[ღ لحن الحياة ღ]