ملكة الشوق
New member
- إنضم
- 26 فبراير 2007
- المشاركات
- 464
السلام عليكم خواتي ملكات منتدى مملكة بلقيس
حبيت افتح هذا الموضوع علشان يساعدنا
ويكون لنا مرجع سريع ومفيد لما نحتاجه :blush-anim-cl:
كل وحدة جربت اي صالون تكتب تجربتها ..
يعني اسم الصالون ؟ وشو الشغلة اللي سوتها عندهم ؟
وهل كانت راضية تماما عن الشغلة اللي سوتها !!
خلونا نفيد ونستفيد من تجاربنا وتجارب الاخرين ..:showoff:
وبما أني فاتحة الموضوع خلوني أبدأ ..
بسم الله
صالون قمر في إمارة الشارقة
كنت رايحة أتحنى .. وبصراحة نقشات حناهم فضيييعة واااايد حلوة .. اي نقشة تخطر على بالج يسونها لج بطريقة حلوة ..
النتيجة طبعا كانت مرضية .. بس في عيب بسيط ان الحناء ما يكون لونه غامق عالجسم .. يكون شوي فاتح مش مثل باقي الصالونات ..
وجربت عندهم بعد تقشيير الوجه .. بصراحة روعة :icon30: .. من جربته ما رحت صالون ثاني .. بعد التقشير يحطون لج ماسك ألماني ينعش الوجه ويبيضه واااايد فنان .. وأسعارهم حلوة ومقبوله ..
بس شفت صور المكياج عندهم ما عجبوني :no: .. يعني ما انصح حد يروح يتمكج عندهم .. يمكن لانهم هنود والهنود مب لين هناك مكياجهم ..
هذا ما عندي حاليا .. وطبعا بتكون لي عودة ..
وألحين بنشوف مشاركات الاخوات ..:cupidarrow:
