موبايل زوجي السري

[deyma]

السلام عليكم اخواتي...بنات انا لقيت ف شنطة زوجي موبايل ثاني بالسر عنده..وكله ارقام بناااات..ويواعدهن ومرسل كلام استحي اقوله...انا خذيت الموبايل واهو نايم عند اختي ..خفت انه يدور عليه ويلاقيه عندي بالبيت...واول ما صحى العصر وانا كنت ف بيت اهلي ..اتصل فيني وسالني...يا ام فلان شفتي موبايل كان موجود ف شنطة الشغل حق اخوي؟؟؟قلت له لا طبعا...انجن جنونه ..واول ما رجعت البيت اهو طلع..ويتصل فيني اكثر من مره..ويحلفني بالله اني ماخذيته..انا بصراحه انكرت..وقلت له لا ما شفته..الحين وش الحل؟؟وش اسوي؟؟اختي عرفت بالسالفه وقالت انكري..لا تعترفين انه معاك..وش اسوي يا بنات؟؟هل اتصل بارقام البنات واكلمهن او وش اسوي؟؟ الله المستعان :tears:

 

[بدون اسم 1985]

اختي لا تعتررفين انة الجووال عندك وارمية في الزباالة خلاااص بلا مشاااكل الله يهديج لو اتصلتي على البناات ممكن يخبروونة يمكن حااافظ ارقااامهم وبيعررف انج انتي اللي مااخذتة خلج وااثقة من نفسج ولا تعتررفين والله يهدية يااارب

 

[محامية الغرام]

اختي ليش خذتيه معاج دام هو بيرجع ياخذه ..... شو تتوقعين ردت فعله لو واجهتيه ؟؟؟
اختي ليتج لو ما فتشتي و عورتي قلبج و مشاعرج
الحين لازم تتصرفين و تردينه في مكان غير مكان الي هو حاطنه يعني مكان يعرف انه مستحيل انتي توصلينه
و اباج اتقوليله بعد يومين او اكثر عن بعض الخيانات الزوجيه عشان يحس انج شكيتي بالموضوع لا تواجهينه لانه ممكن مع الايام اليايه تكبر عينه و يخونج قدامج اتصبري و ادعيله بالهدايه و استغفري و قدمي صدقه و ادعيله

الله يوفقج و يستر عليج و يبعد عنج بنات و عيال الحرام و يسعدج يا رب

 

[al.3noud]

لالا لاتعترفين ابد ابد وافتحي الجوال شوفي اذا هو صادق الجوال له او لا تعرفين الاسلوب من المسجات

ولاتتكلمين عن الخاينه ولا شي بيشك فيك بس اسئليه ليش وش جاب جوال اخوك عندك وكذا

 

[deyma]

الموبايل باسمه لان النات يقولن اسمه ف المسجااات:tears:ااااه يا القهر

 

[بيرو العمودي]

خلاص حبيبتي بما انه ليه خلي الجوال عندك واحتفظي فيه عشان يكون دليل
ولا تعترفي نهائي ولا تتصلي على اي وحده من البنات

 

[شتات انسانه]

انتبهي تقوليله وخيره انه مايدري وينه ولاتدقين على احد ابدمن البنات اللي في الجوال
احتفضي فيه ولاتفتحينه خليه يشك انه انسرق وبعدين ماراح يعرف ارقام البنات والجوال ضايع
وانسي اللي قريته كله وابدي مع زوجك صفحه جديده كلها حب ودلع وشوفي وش كان ناقصه من الرسائل اللي راسلها للبنات وحاولي تعوضينه
ولاقدر الله شكيتي بعدين انه مطلع جوال ثاني افتحي الجوال اللي معك وشوفي اش نوع العلاقه واتفاهمي مع البنات
على انك حبيبته وانك عارفه كل شئ عنهم حتى رسائلهم خليها تخرب بينهم
والله يربط على قلبك

 

[دنيا العالم]

ارميه في الزباله ولا عليك والله نفسيتي تعبت من كثر ما اقرا من المشاكل بس الموجوده حاليا الله يعين الدكتوره النفسي يانس في مشكله حاصله في المجتمع هل غياب الوازع الديني لوكل وحده ذكرت لزوجها الحديث الشريف من زنا يزنا باهله ولو حائط داره علشان يوقف ويحسب لكل خطوه

 

[مهوره]

تقولين بنات مو بنت وحده .. يعني عارف انفسه انه يكذب ع نفسه وهو مايحب وحده فيهم وكل هذا تسليه بس
ومع الوقت راح يمل ويطفش ويترك الطريق هذا او يقلل منه .. بس لو بينتي له وكان من النوع المعاند راح يخون عنااد

 

[قلب الورد]

السلام عليكم أختي الله يعينك والله هذول الرجاليل ذبحونا بخيانتهم
المهم انا اشوف انك تحتفظي بالجوال وحذاري تقولي له انه معك او حتى يحس بذلك خليه ينقهر على ضياعه واخفي هدا الجوال عن البيت للاحتياط وخليه تحت عيونك ازا بيطلع جوال ثاني المهم خليك عاقله وحريصه ولا تحسسيه ابدا انك عارفه بلاويه خليكي تلعبي فيه وهو ما يحس انا من فتره شفت ايميل زوجي وفيه رسايل من بنات وواجهته ما قدرت وكانت النتيجه انه غير الباس وورد حقه وانا ما اعرف ازا كان مستمر او انهى كل شي بس موكلتها على الله فالعبره انك ما تبيني له شي وخليه مفتوح قدامك من غير ما يحس ولمحيه له بس انك حاسه عشان يخاف منك ويحس انك صاحبه حدس وفطنه وادعي الله ان يصرف عنه بنات السوء الله يرد كيدهم في نحرهم

 

[deyma]

مشكورات اخواتي على الردود...والله يا بنات للحين يسالني عن الموبايل..وانا اقله ماااااشفته..بس اهو يقول مو مصدقك والموبايل معك...ورافض يكلمني ...ومسوي روحه زعلان..وانا عادي اضحك واسولف..بس من داخل قلبي بمووووت م القهر كل ما تذكر المسجات الي بينه وبين البنات واقول وش ناقصه...ومادري ليش يخوني وانا والله العظيم مش مقصره معاااه ف شي ..سوا البيت او الجنس او اللبس..

 

[مــــرح]

طنشيه وانكري واقفلي الجوال وخليه مقفول وحطيه عند اختك دامها داريه عن الموضوع
وخليه لك كدليل يمكن تحتاجيه في يوم من الايام ..وانتي انسي الموضوع وعيشي حياتك خليه يتجنن ويطفش ويرجع لك انتي وعاد بشطارتك نسيه كل شئ .. الله يعينك

 

[سفيرة العطاء]

خلي الجوال معاك خبية عند احد تقين فيه زي اختك امك
وخلي بصندوق مقفل وفي ستين داهي


لا تعترفي

 

[Style_ Female]

لااااااااااااااااااااااااااا تعترفين ولا ترجعين الجوال
اكيد مو حافظ رقم البنات واذا ضاع ضاعو معه
وهو على شان كذا قلقان ولا اخوة بيخلي معه جوال ليه
حطي الجوال عند احد من اهلك ولا تفتحي الموضوع معه ابد ابد ابد

لانك بكثر بتخسري كل شي وبتجيك مصايب من وراه بنات الحرام
ولا تكلمينهم و لا شي يمكن يعرفون رقمه الثاني

 

[^^كلي فخر ^^]

يابناااااااااااااااااااااااااااااااااااااااااااااااااااااااات ليش تسببووووووووووووووووووون حق عماركم المشااااااااااااااااااااااااااااااااااااااااااااااااااااااااااااااااااااااااااااااكل

 

[^^كلي فخر ^^]

يعله كل الريايل يرمسوووووووووووووووون بنات لين ما ينقعوووووووووووووووووون ..بس مرده لزوجته وأم عياله ...كل واااااااااااااااااااااااااااااااااااااااحد عقابه عند رب العالمين ...وأنت حليج هبله ما تعرفين شي

 

[ساندرى]

اكتشفتي انه بكلم بنات سوي نفسك مانتي داريه لانه الحين خايف منك واياك تقوليله لانه مايدري ايش رده فعللك فهميه دائم انك عندك الا الخيانه ماتغفرينها مستحيل لانه لو قلتيله بالاخير راح تسمحينه وراح يتمادى اهم شي علقيه بربه وهدا افضل شي الصلاه خليه يصليها بالمسجد وقوليله الحمدالله ان اخدت واحد مثلك يخاف الله وماعنده خرابيط وصدقيني اعرف وحده غيرت واحد من صايع حق سفريات وراعي مكلمات ولايصلي الى واحدمايترك الصلاه وحتى الدخان تركه طبعا نصحتها وجد فادت النصائح وتغير وتبغون اقولكم النصائح امروا ادا طلبتم راح اقولكم بس اهم شي ياختي الاهتمام بشكلك ورشاقتك وجادبيتك واهتمامك فيه وتبون النصائيح الي قلتها لها قولولي تراني وحده جديده قولولي كيف احط موضوعي عشان تقرونه

 

[nostaljia]

للاسف صار الكل يكلم ويغازل حتى الشايب لييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييه وتواجهيه وينكر ثم يحلف انه كتكوت مايعرف الا انت وهلم جرا انت لازم تخفين الجهاز وخليه ما يدري انك دريتي ابدا لانه بيجيب غيره وانت هنا تراقبين الارقام اذا نفسها او لا

 

[nostaljia]

:busted_red:

يابناااااااااااااااااااااااااااااااااااااااااااااااااااااااات ليش تسببووووووووووووووووووون حق عماركم المشااااااااااااااااااااااااااااااااااااااااااااااااااااااااااااااااااااااااااااااكل

:busted_red:الرجل بقلة عقله هو اللي يسبب المشاكل و لازم الزوجه تداري على بيتها وانا اختك ولا تخليه لبنات الحرام ولا شو رايك:icon28:

 

[ginger]

طنشيه ولاتعترفين ان الجوال عندك وخليكي طبيعيه جدا

واهم شي احتفظي بالجوال عندك كدليل

بالتوفيق