مواقف حصلت لك مع اهل زوجك تموت من الضحك...؟

[نغم الحياة]

السلام عليكم

يلا يابناات نبغى مواقف صارت لك مع

أهل زوجك مواقف تفشل أو طريفه كله يمشي معنا ..

الموهم موقف ما تنسينه ودك لو ان الأرض انشقت وبلعتك ذيك الساعة ..

يلا يا بنات أو ياحريم اللي يعجبكم .. خلونا نفرفش شوي ونغير من المواضيع الجاده ..

وانا بقولكم كم موقف لكن ما صارت لي سمعت فيها المواقف ..

الموقف الأول :

وحده من الأخوات تقووووووووول :


مالي غير اربعه شهور متزوجه طبعا ساكنه فوق اهل زوجي وذاك اليوم قالوا نبي نسافر اليوم ودعناهم

وزوجي قال ابنزل أجيب الجريده من تحت وانا اطمر كني غزال <<<<<<< اخص يالغزال شوي شوي


وننزل بحذر الا زوجي يسمع اصواتهم قال ارجعي عشان كنت لابسه قصير وحركات وقلت اجل أبغى بوسه وارجع..

وحنا نبوس بعض تخيلوااااااااااااااااا

وتطلع علينا اخته الكبيره وانا من الفشيله واطمر واناقز للدرج واطيح ذيك الطيحه ودبلتي تطير وانا احبي ادور دبلتي

<<<<<<<<< اهم شي الدبله واضحك وهي شكلها كاشفتنا ورجلي وجهه احمر ويقول لأخته هبلتيني ما يدري

وش يقول ههههههههههههههه


الموقف الثاني :

وحده من الآخوااات تقوووووول :

ام وابو زوجي كانو جالسييين مع بعض والظهار انهم كانو يسون حركات المهم ومن زود الاهتمام ابغى اساعد ام

زوجي وادق الباب وافتحه بسرعه وامووووت من الاحراج والله انها ثلاث ايام مااطلع بوجيهم وشكلهم كانو منحرجين

الموقف الثالث :

تقول صاحبة الموقف :

يوم جينا من السفر <شهر العسل> عزمونا اهل زوجي ورحنا لهم وتعرفون كاشخه

على الآخر والكعب 000 المهم يوم وصلنا الا اخوان زوجي كلهم عند الباب ينتظروننا

يوم نزلت وكنت مرتبكه ويوم وصلت الباب واطيييح وكلهم بصوت واحد بسم الله عليك

ويقومني زوجي وادخل وسلم عليهم وانا ارتعد وانواع الاحراج وزوجي كل شوي يسألني

عسى ما يعورك شئ ونا بس ابيهم يسكرون الموضوع0

الموقف الرابع :

تقووووووول صاحبة الموقف :


الله يسلمكم لما كنت مخطوبه قبل الزواج يمكن بشهر عمي ابو زوجي كان مريض ورحت اناا واهلي نزوره في بيتهم

واناا صايره مرررره خجوله ومؤدبه حطو لنا العشى طبعا اللي كان موجود على السفره اناا وخطيبي وامي وخالتي اناا

ماكليت اللا شي بسيط يعني من الخجل وزوجي وامه يقولون لمي ماشالله عليها اكلها مثل اكل العصفور وانا متشققه

من الوناسه يمدحوني الاا بعد العشى حطو لنا حلويات والشاي والقهوه

عاد اناا اللي يسلمكم امووووووووووووووووت بالحلويات نقطت ضعفي الحلويات انزين كليت وحده وبعدها وحده وتالي

قلت يبنت اثقلي الحين يقولون بطن عصفور لا اخرب على روحي وزوجي يقول لي اكلي قلت خلاص مااقدر اثقل

وخالتي نفس الشي تقول لمي هذي كللش اكلها مره قليل انزين اللي جاتني الفرصه وصرت ابروحي اناا وامي على

السفره خالتي وزوجي قامو دقيقه مادري وين راحو اللا افتح اعيوني مثل الوحش على هالحلويات واخذ لي طبقه

بيدي وادعسها في صدري وامي تمسك ايدي عيب رجعيه اشبيقولون علينا موشايفين خير وانا لاحياة لمن تنادي

>>>>>>صايره هبله ولاهامني احد انزين الاا ادعسه في صدري اللا بجيتهم وقعدنا وسالفو واناا صاير اديبه وامي

شكلها مرتبك من فعلتي انزين اللا والله عاد هذا اللي موقادره انساه لماقمنا شنو صار تناثر ت الحلاوه من تحتي اثاري

مادعستهم في الستيان عدل من السرعه ووالله العضيم لو شايفين ابو الشباب وامه اشلون امطلعين اعيونهم

وفاتحين اثومتهم ويطالعون كل واحد ازيد من الثاني واناا اطالعهم ومادري من الفشيله مبتسمه ابتسامه صفره فجأه

حضنت امي وصرخت وبكيت من الفشيله جدامهم واهماا قامو يهدأوني يقولون عادي اشدعوه انتي بنتنا وشلت

قشي وطلعت وامي المسكينه تولت الموقف تعتذر وتتمسكن والله امي مسكينه اكسرت خاطري

والله تصدقون زوجي ليما الحين من يشتري حلاوه >>>>>>>>>اقول لاتلبدين الحلاوه ترى الدنيا بخير

هههههههههههههههههههههههههه

عاد هذي مواقف سمعتها ونبغى مواقفكم

ننتظركم ويلا خلونا نفرفش ..

 

[أسماء زكي الدين]

هههههههههههههههههههههههههه

موتيني ضحك ..خاصة على الأخيرة مسكينة

كثر الله خيرها تممت الزواج ههههههههههههه


المهم مواقفي مش كثيرةمع أهل زوجي لأني ما سافرت كثير عندهم ...

أذكر قبل زواجي كانت ماما الغالية وصتني وصية لليوم كل ما اتذكرها ادعي لها
قالت لي: خليك حبيبة الكل ، تصرفي على طبيعتك ، وما تيجي مع حد على حد علشان الكل يحبك بصراحةوعلى طبيعتي كنا معزومين في بيت أخو زوجي
بعد الأكل متعودة اساعد حتى ولو في لم السفرة
كنا ناكل على الأ رض والله يهديها زوجته كانت طابخة أكل يكفي بلد ما شاء الله
قمت بعد الأكل أساعد معاها أشيل الأطباق
هي قالت لي: لأ خليك لا تقومي
بصراحة يعني عيب هي تعزم وأنا المفروض أخلي عندي ذوق قلت لها لأ اساعدك ما فيها شيء خلينا نهضم حتى ...
وأنا قايمة بشيل قام زوجها الله يهديه قال لي خليك هي بترفع الأكل
قلت له: طيب بساعدها ما فيها شيء
قال: خليك ليش هي اتكسرت رجولها !!!

بصراحة احرجت من كلامه على الرغم إني عملت نفسي ما سمعت ولليوم ما باعرف إذا كانت هي سمعت ولا لأ...

أما باحكي لماما بعدها زعلت هي كمان قلت لها ... الله يهديه بيخليها تكرهني
راجعة بالموقف الثاني

إن شاء الله

 

[جوهرة حياته]

موقفي مع اهل زوجي صارلي مره وحده
اني كنت عند اهلي وكلمني زوجي وقال روحي لأهلي وانا بلحقك وقبلها كنت نايمه عند اهلي وجا يشوفني وما لقاني
المهم رحت وقبلها راحت اختي طبعا احنا تؤام مره ودخلت سلمت عليهم واختي هناك كانت جالسه
طلعت انا المطبخ وجت اخت له من السوق ما شافتني قبل وتحسب اختي انا وزوجي قابلها قال من في المجلس قالت زوجتك وامي طبعا دخل الاخ والام انفجعت واختي انصدمت مره وجا يبي يبوس اختي صرخت ام زوجي قالت لا هذي مو زوجتك وهو انحرج وشوي الا وانا داخله وسلمت عليه قام يصارخ انتي فلانه قلت ايه قال اكيد قلت ايه واناظر اختي القاها حطاه المخده على وجهها عشان تتغطى منه بعدها حلف ما يروح الا وهو شايفني وعارف وش البس عشان يفرق بس ام زوجي ماشاء الله فرقت باللبس
ومره اول ما تزوجنا انا واختي صارت عندهم عزيمه كبيره ودخلنا انا اول وسلمت بعدها طلعت وجت اختي قال توني مسلم قالت لا يا خالي انا فلانه مو اللي سلمت عليها قال لعياله حنا اهون البلاء فيكم اخاف تتلخبطون في حريمكم لأنه اول مره يشوفنا وما توقع انه احنا نسخه من بعض هههههههه ضحكنا عليهم

 

[لحظه وداع]

يسلمووووو موتوني من الضحك...بالنسبه لي ماكو موقف مضحك محرج ايه ياكثرها بالذات لمن اطول بالقعده واذا جيت اقوم اثر رجلي ناااااااااااااايمه ما اقدر اتواااازن ......زانواع الاحراج بالذات اذا صار زوجي مناديني ومستعجل ...........تكفون شوفو لي حل

 

[نغم الحياة]

هههههههههههههههه الله يعطيكم الف عافية

 

[عساني ماأفقده]

حلوة المواقف



الا موقف الحلاو احسه محرج بقوة

 

[Miss DoDo]

ههههههههههههههههه نغم الحياة مواقفك تضحك مرررررة خخخخخخخخخخخخخخخخخخخخخخخخخخخخ
انا بصراحه مشكلتي في اكل لمن اجي اكل أكل مثل البزروة خخخخخخ المهم كل جمعه نطلع نتغدا عندهم حريم في غرفة ورجال في غرفة عشان أخو زوجي مااكشف عليه المهم فمرا ماكان في اخو زوجي ولاسلفتي فحطينا سفرة وحدة انا وزوجي واخو زوجي اللي بالمتوسط واخواتوا الاربعه وامه وابوه قاعدين نتغدا وانا اكل مثل العاده الاكل على ارض وزوجي يدقني كل مثل ناس اقله مارف واهله يضحكوا علينا وزوجي يشاركهم ضحك يقلهم بوديها دكتور عان يخيطلها فمها المخروق وانا خلاص تفشلت بطلت اكل ونزلت هع هع وربي فشيله هههههههههههههههههخ

 

[bride2008]

مواقف مضحكة بجد وخاصة أم الحلاوة<<<<< تبكّي
أعرف وحدة زوجها له أخ توأم نسخة طبق الأصل
وهيا لسه عروس وكانت ساكنة معاهم نزل زوجها تحت وبعدين نزلت لقيت أم زوجها وابنها التوأم اللي مش زوجها وهيا تحسبه زوجها فمشيت الأخت بكل ثقة بكامل زينتها<<<<< عروس

والأم ماانتبهت فيها إلا لما صارت قريبة مرة فصارت تأشر لها مااهتمت جلست قالت الأم : هذا مش زوجك!!!!!!!!!!! والأخ اتغطى بشماغه وقام وخرج وهيا أنواع الإحرااااااااااااااااااااااااج

 

[نغم الحياة]

منورين

 

[ليدي إلهام]

أن وتوني تزوجت أم زوجي تقول حظري أغراض الغدى وعاد أختكم ماتعرف المطبخ إلا أشرب ماء واطلع عاد حضرت وأهل زوجي كثير المهم شوي تناديني وأنا خيفه تقول الحين هذا بكفينا كلنا خخخخخخخخخخ وظحكو علي تدرون ليش الاكل يكفي ثلاثه منهم وأنا أحس إنه مره كثير بنسبه لاكلي قبل واخير أسعفنا المطعم واكلو وما عد إعتمدت

 

[دمعة1]

هذي وحدة بتخطب لاخوها
عزمت صديقتها وحطت القهوة وانواع الحلى
وقالت لة يطل من الشباك
اختة طلعت من الغرفة
وقامت البنت تاخذ من الحلى وتحط فالشنطة جت صديقتها والوضع عادي
خطب البنت ووافقو
وصار الزواج وهي مستحية
قال لها والحلى اللي لبدتية فالشنطة
جلست تبكي من الفشيلة
القصة حقيقية

 

[جروح سعادة]

يسلمووووو موتوني من الضحك...بالنسبه لي ماكو موقف مضحك محرج ايه ياكثرها بالذات لمن اطول بالقعده واذا جيت اقوم اثر رجلي ناااااااااااااايمه ما اقدر اتواااازن ......زانواع الاحراج بالذات اذا صار زوجي مناديني ومستعجل ...........تكفون شوفو لي حل

شوفي اختي
اما بخصوص نومة الرجل
فأنا رايت حريم
يحطوووون بين اصابع رجلينهم
منديل مطوي... وحطيه بين
اصبع رجلك النايمه الكبير واللى بجنبه((وحده ماتعرف اسماء الاصابع.:31:.خخخخخ)))
وسوينا التجربه...وفادة....ههههههه:10:
يالله اذا فادة معاك...دعواتك....:32:
​