مهمومه؟ متضايقه؟ مكتأبه؟ مالج الا قيام الليل

[أمونة العسولة]

السلام عليكم ..




اليوم يايبتلكم طريقة صلاة الليل (قيام الليل) لانه دورتها في المنتدى ومالقيتها ..
وبعد ما سويت بحث وسألت اللي اكو واللي ماكو و بديت اطبقها كل يوم تقريبا عشان الله يساعدني ويفرج همي قلت ليش اصير انانيه خل احطها حق خواتي وانشالله راح يستفيدون منها و يدعونلي

بسم الله نبدي ..


كلنا نعرف انه لصلاة قيام الليل فضل كبير و عظيم للمسلمين ..

وهي شاهدة ( لجفاء الجنب عن المضجع ) حينما دعونا ربنا خوفا وطمعا ..

قال تعالى ...
( تتجافى جنوبهم عن المضاجع يدعون ربهم خوفا وطمعا ) .


فما أعظم ان نقف في جوف الليل بين يدي الله متضرعين باكين ... متذللين خاشعين ... نناجي رينا ونستغفره من الذنوب التي اقترفناها في النهار ... ندعوه ونتوسل اليه ان يرزقنا مانريد ..

فصلاة الليل من المستحبات والسنن المؤكد ...

وقال صلى الله عليه وسلم : " من خَتم له بقيام الليل ..ثم مات فله الجنة "..؟!

وقت صلاة الليل:

ممكن ان تصليها بأي وقت من بعد صلاة العشاء الى قبل صلاة الفجر

ويفضل تأخيرها ..

طريقة صلاة الليل:

صلاة قيام الليل تكون اما بصلاة ركعتين او 4 او 6 او 8 او 10 او 12 ركعه و بين كل ركعتين نقول التشهد و نسلم ..

ونختم صلاة قيام الليل بركعتين الشفع و ركعة الوتر


انا راح اتكلم عن ال 10 ركعات +الشفع +الوتر لانه الرسول صلى الله عليه وسلم كان يصلي 12 ركعه اللي اهما 10 + 2 الشفع و يختم صلاته في ركعة الوتر ويصير مجموعهم 13 ركعه لكن مافي مانع لو تصلون 2 او 4 او 6 او 8 ركعات بدال 10 اللي تكلمت عنهم


المهم ..

صلاة ال10 ركعات هذي مثل ماشرحتها قبل عاديه نفس صلاة الفير .. تصلون ركعتين و بعدين التشهد و تسلمون و تردون تصلون ركعتين ليين تخلص ال 10 ركعات

بعدها تصلون ركعتين عاديين بنية انه بتصلون صلاة الشفع و اهيا ركعتين عاديه نفس صلاة الفير .. بس يسمونها صلاة الشفع ..

لكن في اضافه احب اقولها انه من الافضل في هالركعتين تقرين:

في اول ركعه : سورة الاعلى "سبح اسم ربك الاعلى .... "

وفي ثاني ركعه: سورة الكافرون "قل يا ايها الكافرون...."

بس عادي لو تبون تقرون اي سور ثانيه .. لكن هذا اللي كان رسولنا الكريم عليه الصلاة والسلام يقرأه في صلاة الشفع ..


يبقى الحين عندنا خاتمة صلاة الليل واهيا ركعه وحده و يسمونها صلاة الوتر ..

وهذي الصلاة ركعه وحده يفضل انه نقرا فيها سورة الاخلاص مثل ما كان يسوي الرسول عليه الصلاة والسلام .. لكن فيها اختلاف شوي
انه بعد ما تقرين فاتحة الكتاب و سوره صغيره (يفضل الاخلاص) وتركعين بعد ما تقومين من الركوع تقولين دعاء يسمونه دعاء قنوت الوتر وهذا اهوه:


" اللهم أهدني فيمن هديت ، وعافني فيمن عافيت ، وتولني فيمن توليت ، وبارك لي فيما أعطيت ، وقني شر ما قضيت ، فإنك تقضي ولا

يقضى عليك ، إنه لا يذل من واليت ،[ ولا يعز من عاديت ] تباركت ربنا وتعاليت "


" اللهم إني أعوذ برضاك من سخطك وأعوذ بمعافاتك من عقوبتك ، وأعوذ بك منك لا أحصي ثناء عليك ، أنت كما أثنيت على نفسك "

" اللهم إياك نعبد ، ولك نُصلي ونسجد ، وإليك نسعى ونحفدُ ، نرجُو رحمتك ، ونخشى عذابك ، إن عذابك بالكافرين ملحق ، اللهم إنا

نستعينك ، ونستغفرك ، ونثني عليك الخير ، ولا نكفرك ، ونؤمن بك ونخضع لك ، ونخلع من يكفرك "




اللي مو حافظه الدعاء تقدر تمسكه وتقرا من ورقه عادي مافي اي اشكال .. بس طبعا يكون احسن لو الواحد يحفظه


بعد ما تقرين دعاء قنوت الوتر ممكن تقرين اي دعاء بخاطرج ..

وبعدها تسجدين مرتين و تقولين الشهادتين و تسلمين

وبعد ما تسلميين تقولين هالدعاء


" سبحان الملك القدوس" ثلاث مرات وفي المره الثالثه نقول رب الملائكة والروح ونعلي صوتنا فيها


وبجذي تكونين خلصتي من صلاة قيام الليل ..

بس في شوي اضافات ودي ازيدها من عندي و انشالله بتكونون مأجورين فيها ..

حلو انه بعد ما تصلين وتخلصين قيام الليل تمسكين المصحف وتقرينلج شوي لو صفحه وحده .. وبقولكم اللي انا اسويه لازم كل يوم اقرا سورة "يس" لانه لها فضل عظيم وتريح القلب و تخلي الله يعطينا حاجتنا ويحقق اللي في بالنا..

وتمو اقرو قرأن ليما يأذن الفير (الاذان الاول) بعدها ابدو ادعو كل اللي بخاطركم ابجو و طلعو اللي في قلبكم كلهههههههه لانه بهالوقت بين الاذان الاول والاقامه وقت استجابه انشالله ..

وبعدها عشان ترتاحوووون عدل عدل عدل صلو ركعتين سنه قبل الفير و صلو الفير و نامو .. وبتشوفون الراحه

وانشالله الله بيعطي كل واحد على قد نيته ..


وبنات امانه كل وحده تقرا هالموضوع ابي منها طلب

انا طمعانه بدعاء حلو منكم

ابي تدعونلي هالاشياء: <-- تتشرط بعد لول

1- يريح قلبي و يشيل الهم اللي فيني

2- يحقق كل اللي في بالي

3- يرزقني بالزوج الصالح اللي يستاهلني​

ادري بتقولون طماعه بس انتو كرمه وانا استاهل صح

وهاكم مني دعوه .. يالله يارب يا كريم ياقادر على كل شي
تحقق اللي في بال كل وحده من خواتي وتعطيها كل اللي تبي وترزقهم الخير

اللي ماعندها عيال ترزقها الذريه الصالحه

واللي عندها عيال تباركلها في عيالها و تخليهم لها و ماتحرمها منهم ولا تحرمهم منها ..

واللي مو متزوجه ترزقها الزوج الطيب اللي مافي مثله ويرحمها و مايعذبها..

واللي متزوجه يارب يهديلها زوجها و يسخره لها دايما ومايشوف غيرها طول عمره ..

ويخليلكم امهاتكم واباءكم و كل اعزاءكم و يرحم اللي ماتو و يصبركم ويعوضكم خير عن كل شي فقدتوه بالدنيا

ويوخر همومكم و يوسع في رزقكم و يبعد عنكم الناس الشريره و يسخرلكم كل العالم ..

ويعطيكم على قد نيتكم يااااااااااااااااااااااااااااااااااااااااااااااااا ااارب


اي سؤال تبونه انشالله ماراح اقصر لو اعرفه واذا تبون اعيد شرح شغله مو مفهومه انا ماعندي مانع ومابي شي غير الدعاء والاجر من الله

وسامحوني عالقصور

ملاحظه: لكم الحريه في نقل الموضوع لتعم الفايده و يزيد الاجر ان شاء الله .. بس لي رجاء امانه انه اذا نقلتوه تطلبون من اللي يقرونه انه يدعولي .. حدي محتاجه الدعاء

 

[الوفــاء]

 

[امل العمر]

جزاك اللة الف خير على هذا الموضوع الرائع وجعلة في ميزان حسناتك

اللهم ارح بالها وبال كل مسلم ومسلمة
اللهم اعطها خير ماتتمنى فيما يرضيك وجميع المسلمين والمسلمات
اللهم ارزقها وجميع بنات المسلمين بالازواج الصالحين ويكونون عون لهم في طاعتك وعبادتك

واحببت ان اضيف عليكم بالاستغفار....

 

[أمونة العسولة]

مشكورة اختي وجزاج الله الف خير ان شالله

 

[أم فهـد]

 

[يارب ارجو رحمتك]

جزاك الله خيرا اختى
اسالالله العظسيم رب العرش العظيم ان يريح بالك ويهدى حالك ويقدرلك كل الخير يارب00000

 

[آغـاريد]

جزاك الله كل خير اختي الكريمة
ورزقك ماتتمنين وازاح الهم عنك

والله يفرج علينا جميع

 

[أمونة العسولة]

جزاكم الله الف خير اخواتي الفاضلات وأراح بالكن

 

[رحلة الحب]

أمونة العسولة :clap:​

جزاك الله كل خير على هذا الموضوع الرائع:nosweat:​

و يارب ياواحد يا احد يا فرد ياصمد يا من لم يلد و لم يولد و لم​

يكن له كفوا احد:c016::c016::c016:​

ان يشرح لك صدرك و ييسرلك امرك و يفتحها عليكي و ين ما ​

تروحي و يرزقك الزوج الصالح اللي يهنيكي و​

يسعدك و يجعلك حياته كلها و يرزقك منه الذريه الصالحة اللي​

تسعد قلبك يارب :c016::c016:​

تقبلي مروري :​

نانا3333​

:a194::a200:​

 

[روووز قطر]

جزاك الله كل خير
اسال الله العظيم رب العرش العظيم ان يريح بالك ويهدى حالك ويقدرلك كل الخير يارب00000 وينولك اللي في بالك ويرزقنا ويرزقك جنات الفردوس الأعلى

 

[كبسولة حب]

امونه العسوووووله

ياقلبي والله مشكوره على الموضوع المهم
بالفعل صلاة الليل دواء وشفاء لكل عليل
الواحد يشعر براحه وطمانينه اذا صلاها
والله انها نعمه عظيمه ومحروووم من فوتها

الله ينولك كل اللي في بالك ويعطيك اكثر ماتمنين ياعسووووله :cupidarrow:

اختك كبسوله :in_love:​