البيت السعيد**
New member
- إنضم
- 3 يناير 2009
- المشاركات
- 603
السلام عليكم ورحمة الله وبركاته،
شخبااااركم إن شاء الله زينين، وبصحة وعاااافية،
بنسوي لكم طبخة مالحة وفي نفس الوقت مفيدة وخصوصاً لليهال، لأنه فيه حديد وبروتينات وفيتامينات،
نبتدي بالطبق الرااائع
بيف باستري الدجاج والسبانخ
المقادير:
صد دجاج كامل، مسلوق ومقطع شرائح مثل اللي بالصورة
بصلة مفرومة وفصين ثوم مفرومين فرم ناعم جداً (وتقدرين تستغنين عنه ببودرة ثوم مطحون)
جزرتين مفرومتين
آلو مقطع مكعبات صغيرة
باكيتة كاملة سبانخ
حبتين مرق ماجي
وباكيتة كاملة من عجينة البيف باستري
الطريقة:
- إقلي البصل مدة محدودة (ثلاث دقايق بس) وبعدين ضيفي الثوم والآلو،
- بعدين ما ينقلى الآلو نص قلية، ضيفي الجزر والدياي، والبهارات وخلطيهم زين ما زين
- احين اخذي السبانخ، إشوي غسليها بالماي وشخليها، وبعدين ضيفيها على الخلطة وخلي بعد ثلاثة أكواب ماي ومرقة ماجي،
- بعدين كل إشوي تابعي الطبخة وزيديها ماي لما تحسينها تحتاج لماي أكثر،
وذوقي السبانخ، إن شفتيه يابس، خليه القدر أكثر على النار، وتكون النار متوسطة،
ولا تخافين إذا صار وايد فيه ماي واهوه استوه خلاص، قعدي بالكفشة شيلي من الماي مثلما سويت، (وطبعاً الماي ما تكتينه، سويت فيه شوربة ذاك اليوم)،
شوفي الصورة إشلون صارت معاي بعدين ناشفة ومستوية،
- تقدرين تضيفين جبن أو الكريمة الحامضة على كيفيج،
بس لا تكثرين والسبب طبي واللي هو (الكالسيوم يمنع الجسم من إمتصاص الحديد).
- إنزين نرجع إلى طبختنا،
إخذي عجينة البيف باستري، ورقيها إشوي،
وخلي إشوي من الخلطة فيها، بهالطريقة،
وصكي بالأطراف بإشوي ماي بس، وبالشوكة ثبتي الأطراف،
- بعدين صفيهم في صينية بايركس، آنا كانت صينيتي العودة فيها بيتزا، من جذي وزعتهم على باقي مواعيني، وترى ما يحتاج تدهنين الصينية، لأن البيف باستري بروحه فيه دهن،
وإدهنينهم بخليط (بيضة + ملعقة حليب سائل + رشة فلفل أسود)، وفوقها حطي الحبة السودة، أو السماق،
وبعدين دخليها الفرن، ولا تنسين تشغلين الفرن من قبل، علشان يكون حار لما تحطين الصينية،
وشوفي هذا الشكل النهائي له،
وهذا شكله من داخل،
كان الطعم صج صج عجييييييييييييب، عيالي إميود وحدة ياكل فيها وحاجز له وحدة ثانية في يده هههههههههههه، ورشيت فوقها لي فلفل أحمر غراش،
كانت خفيفة وتصلح كمقبلات، وتقدرين تسوين كميات كبيرة، وخصوصاً لما عندج ضيوف، وايد سهلة ومميزة في نفس الوقت،
نبي نشوف تطبيقات،
وعليكم بالعافية مقدماً.
شخبااااركم إن شاء الله زينين، وبصحة وعاااافية،
بنسوي لكم طبخة مالحة وفي نفس الوقت مفيدة وخصوصاً لليهال، لأنه فيه حديد وبروتينات وفيتامينات،
نبتدي بالطبق الرااائع
المقادير:
صد دجاج كامل، مسلوق ومقطع شرائح مثل اللي بالصورة
بصلة مفرومة وفصين ثوم مفرومين فرم ناعم جداً (وتقدرين تستغنين عنه ببودرة ثوم مطحون)
جزرتين مفرومتين
آلو مقطع مكعبات صغيرة
باكيتة كاملة سبانخ
حبتين مرق ماجي
وباكيتة كاملة من عجينة البيف باستري
الطريقة:
- إقلي البصل مدة محدودة (ثلاث دقايق بس) وبعدين ضيفي الثوم والآلو،
- بعدين ما ينقلى الآلو نص قلية، ضيفي الجزر والدياي، والبهارات وخلطيهم زين ما زين
- احين اخذي السبانخ، إشوي غسليها بالماي وشخليها، وبعدين ضيفيها على الخلطة وخلي بعد ثلاثة أكواب ماي ومرقة ماجي،
- بعدين كل إشوي تابعي الطبخة وزيديها ماي لما تحسينها تحتاج لماي أكثر،
وذوقي السبانخ، إن شفتيه يابس، خليه القدر أكثر على النار، وتكون النار متوسطة،
ولا تخافين إذا صار وايد فيه ماي واهوه استوه خلاص، قعدي بالكفشة شيلي من الماي مثلما سويت، (وطبعاً الماي ما تكتينه، سويت فيه شوربة ذاك اليوم)،
شوفي الصورة إشلون صارت معاي بعدين ناشفة ومستوية،
- تقدرين تضيفين جبن أو الكريمة الحامضة على كيفيج،
بس لا تكثرين والسبب طبي واللي هو (الكالسيوم يمنع الجسم من إمتصاص الحديد).
- إنزين نرجع إلى طبختنا،
إخذي عجينة البيف باستري، ورقيها إشوي،
وخلي إشوي من الخلطة فيها، بهالطريقة،
وصكي بالأطراف بإشوي ماي بس، وبالشوكة ثبتي الأطراف،
- بعدين صفيهم في صينية بايركس، آنا كانت صينيتي العودة فيها بيتزا، من جذي وزعتهم على باقي مواعيني، وترى ما يحتاج تدهنين الصينية، لأن البيف باستري بروحه فيه دهن،
وإدهنينهم بخليط (بيضة + ملعقة حليب سائل + رشة فلفل أسود)، وفوقها حطي الحبة السودة، أو السماق،
وبعدين دخليها الفرن، ولا تنسين تشغلين الفرن من قبل، علشان يكون حار لما تحطين الصينية،
وشوفي هذا الشكل النهائي له،
وهذا شكله من داخل،
كان الطعم صج صج عجييييييييييييب، عيالي إميود وحدة ياكل فيها وحاجز له وحدة ثانية في يده هههههههههههه، ورشيت فوقها لي فلفل أحمر غراش،
كانت خفيفة وتصلح كمقبلات، وتقدرين تسوين كميات كبيرة، وخصوصاً لما عندج ضيوف، وايد سهلة ومميزة في نفس الوقت،
نبي نشوف تطبيقات،
وعليكم بالعافية مقدماً.
