من لديه الخبرة ارجوكم

[ورد وعطر]

السلام عليكم كيفكم بلقيسيات
انا متزوجه من 10 سنوات ولدي طفلان
حياتنا مستقره ولا تخلو من بعض الخلافات الموجوده بكل بيت
زوجي شمالي شرقي واصبح في الاونه الاخيره لايتقبل مني شي ولا يتقبل المناقشه ولايريدني ان اقول له لا المهم
العيد كالعاده عند اهلي واهله ورجعنا قبل يومين
المشكله امي دقت علي تقول ان زوجي يشتكي مني ويقول لاخواني اني مااسمع كلامه واعصيه ومااغسل له ملابسه
ويعلم الله اني اداريه قد مااقدر ومااحاول اخالفه كثير بس في النهايه بعض المواضيع نختلف بالراي فيها وهذا موجود بكل بيت
وملابسه دايما اقول بغسلها لك يقول لا بوديها المغسله بس الثياب والباقي في البيت
وربي حاسه اني مصدومه ومو عارفه كيف اتصرف
امي تقول بنجيك اخر الاسبوع ونتفاهم معكم ونشوف فين الغلط
وانا بغيت اتفاهم معه بنفسي بس انه كلم اخواني وكبر السالفه ولازم لتفاهم معه قدامهم عشان يكونوا بالصوره علما اننا ماحنا متزاعلين والامر بيننا طبيعي وهو ماعرف اني عرفت
الحين ايش اسوي
اكلمه واتفاهم معه والا انتظر اهلي لين يجون
وربي اني ضايقه فيني الوسيعه
المشكله ماني عارفه كيف اتعامل معه الحين لما يجي احس اني كارهته من اللي سوااااه
افيدوني وجزاكم الله خير

 

[ورد وعطر]

بنات وينكم

 

[الخنساء المعاصر]

لاعزيزتي لاتزعلي ولا شيء هو لو ماكان يحبك كان ماكلم اهلك
لاتزعلي مني يمكن انتي لما يناقشك وينتقد بعض تصرفاتك تعصبي فيحاول ان يصمت وهو غير راضي
ليه يغسل ملابسه برا وانتي موجوده
عزيزتي احتويه بالحب والتفاني وليس بالزعل والعتاب