من عندها خبره في التعامل مع اهل الزوج تنقذني؟؟؟

[مهاوي 26]

شوفوا انا كويتيه متزوجه ولد عمي من الرياض من7س واهله بعيدين في قريه تبعد عن الرياض3 ساعات ما اشوف اهل زوجي الا قليل بس شنوو كل ماسافرنالمكه او ابهاعمتي تقوللي انا وولدها مو موجود وراكم ما خذتوني معكم وكل ما تشوف دراعه علي او ساعه او شنطه تعرف وين الجديد وتسأل عن سعرهم واذا قلت السعر تقول ياااو حرام و بناتها يقولون ما تستاهل واذا قلت نسيت يقولون ليش وين عقلك وقاعدين لي قعده على الشغاله مع انها من فلوسي وزوجي يحبهم ولا يرضى عليهم ايييش الحل نفسيتي تعبانه وما ودي اروح عندهم بس زوجي يزعل طيب كيف اتصرف معهم؟؟؟

 

[كلي حنو]

عادي قولي لهم زوجي عجبته واخذتهاا ..

ووقولي لهم السووق هالاياام كل مكاان غالي ..

يعني الواحد مايشتري ملابس ولا يكشخ حق زوجه ..

لو ماشريت ولا كشخت ولا سويت كان قلتو ماتشتري ومدري شنوو

واذا شريت قلتوو غالي .. وهم يعني مايشتروو ملابس غاليه

مدري احس الكشخه هي الملابس الغاليه ..

انا اقول حق زوجي والله ما تطيح عيني الا ع الملابس الغاليه ..

يقولي اخذي اللي يريحك ويعجبك .. اوقاات اوريه يقولي هو بعد حلوو ..

يعني قولي لهم زوجي اخذ رايه بالمبلغ وبالفستان يعجبه ويقولي اخذه

ولا احب اكسر بخاطره اقوله ما ابيه غالي .. او اذا سالوك قولي لهم زوجي هو اللي راح واختاره لي

ودفع الفلووس ماقلت له بكم ..

انا مايعجبني احد يسالني هذا بكم وهذا بكم .. بعد خواتي اييه عادي متعوده عليهم

بس غيرهم لا ما احب انا صراحه .. مثل عباتي مره سالوني بنات خالي قالو لي بكم

العبايه هم عارفين ما نفصل الاغالين .. قلت لهم ب 800 ريال .. قالو غالي ومدري شنوو

قلت لهم بعد عروس انا ما اسوي غاليه .. وانا بلبسها مو مارااح البسهاا ..

اووف من هالنااس .. اللي يسمع باخذ منهم ريال واحد

او بيعطوني هم من عندهم حتى لو يعطوني والله مابغيتهم ولا اخذتهم ..​

 

[جوري التركي]

احلى شي التطنيش واذا هم يشترون غالي مثلك قولي لهم حلال لكم وحرام علي واحسن طريقة سدي حلوقهم خصوصا امة بالهدايا اشتري لها اي شي اناهالحل فاد معي كثير وانتبهي لاتتذمرين من اهله قدامة عشان بكرة مايحط البلا براسك خليك انتي الطيبة والشر خلية منهم واحمدي ربك انه بار في اهله عشان ربي يرزقك باولاد بارين فيكم وبعدين هم بعيدين عنك فلاتشغلين نفسك بهم

 

[الجواااان]

اذا عجبهم شي قللي بالسعر لاتقولين عن سعرها الاصلي ومرات قولي هديه من اختك او امك

 

[مهاوي 26]

والله اشتري هدايا كثيرر بس ما في فايده واجامل واخدم بس حرة الحريم من يقدر يصدها

 

[ام سعود2010]

الله يعينك دايم لانهم من قريه مايدرون عن الاسواق والاسعار وملابسهم بسيطه بحكم اسواقهم الابسط
انتي لا تقولي السعر الاصلي لانها ام ويتفكر ان كل فلوس ولدها تروح ملابس لك واحيانا قولي هديه من امي او اختي واذا على الروحات مو لازم كل سفره تروح معكم اني بتاخذين راحتك مع زوجك بس اذا رحتي مكه خذيها معك وفهمي زوجك بس تسافر لمكه علشانها حرمه كبيره وتبين الاجر لها
بعدين ماله داعي يتدخلون بكل شي خلك رسميه احسن خصوصا ان عندهم بنات وبتصير حزازيات وكلام فاضي خلي لك خصوصيه علشان يحترمونك
انا عمري ماسالوني بس احس انهم يلاحظون وساكتين ومره كنا نبي نسافر من منطقه لمنطقه وما خذين اغراضنا معنا وخليت البعض عند اهلي اخذت المهمه بس قالو يا الله كل هي اغراض وشنطه كامله للجزم
وشوله حرام اشتري جزمتين بيضا وسودا بس تكفي تخيلي عاد انا على نياتي قلت لا لازم مع كل لبس جزمه و قلت لا باقي بعد عند اهلي اغراض هذي المهمه بس
حسيت انهم زعلو وفكرو ان راتب زوجي كله يروح ملابس وقلت خلاص عمري ما اقول لهم شي

 

[دنيا الأمومه]

عادي ياقلبي هونيها وتهون تخيليها امك تحمليها وطنشي اكثر الأمور واذا سألوك قولي مدري انا اختار واطلع وهو يحاسب أو قوليها بهدوء وببتسامه بصراحه ماحب احد يسألني بكم ذا وبكم ذا وعادي ويابخت الزوج اللي يبر في اهله وناااااسه يرجى لك خير اولادك بأذن الله بيبرون فيك ----

 

[كلي امل تتغير..]

حاولي تتقربين من الام لا حبتك حبوك البنات
كل زياره لهم خذي معاك شي ياحلا او معجنات او هديه للام حتى لو بسيطه تقربك منها والبنات حاولي تتقربين منهم وتكوني خفيفه ظل ومرحه او اخذيهم واطلعو تمشو مع بعض بالعكس ممكن لو يشوفك زوجك قريبه منهم راح يحبك


الله يسخرهم لك

 

[حياتي لعيالي]

الله يكون في عونك
طنشي دخلي الكلام من هاالأذن وطلعيه من الثانيه

 

[قمر بعيونه]

مثل ماقالت الاخت جوري التركي اغرقي امه بالهدايا والكلام الحلو ولاتبينين له مشاكل اهله مهما كان حتى بعدين مايصدق فيك ويوقف معك

 

[خفايا الحب]

بصرااااحة أنا ماأتحمل أرد في وجوووههم لأني ماحب أجامل
وعن السعر قووولي سعر غييير لأن انا أسوي كذا
ولين شريت أغراض اخلي زووجي ينزلهم الصباااااح او آخر الليل حتى لايعرفوا وش أخذت
او قولي لهم هدية من زوووجي لأني اسوي كذا زوجي يعطيني مبلغ وأنا أختار اللي ابيه من هدايا او اشياء خاصة ولين سألووووني اقول لهم هدية من زوووجي

 

[مَلآمِحْ حُلمْ]

الله يكتب لك أجر صبرك

 

[تألمت حتى تعلمت]

سبحان الله نفس معاناتي مع سلفاتي
بس تدرين التطنيش لانهم يغاااااااااارون منك ومن كشختك اذا سالوك قولي مانتبه للسعر لان اللي يعجبني اخذه او اخذتها مع اغراض كثيره وماانتبهت كم سعرها
هذي تصريفاتي دايما واذا قالوا مايستاهل معناته عجبهم وميتين من القهر انا ردي عليهم الناس اذواق وهذا ذووووووووووووقي عاجبني
واذا عالام سبحان الله نفس العجين عادي مشي قدر ماتقدرين لانه حرام مهما سوت تظلها امه اللي تعبت عليها تحمليها بس البنات لالالا تسكتين لهم واذا بتروحين لهم خليك اخر كشخه

 

[ابيك ياعمري]

يا اختي مررررررررره الوضع سهل ...اهل الزوج يبي لهم ما تحتكي فيهم كير خاصه البنات والام ترا في الاغلب تكون طيبه بس البنات ينبهوها على اشياء وتشن حرب عليك .......
الحل ؛؛؛؛
ان اي شي يقولو لك من فين قولي مره ناسيه ومره هديه ومره سعر مو سعرها ومره ......... وترا حلووو انهم يسالوك انا لو منك افرح هذا يدل انهم منتبهين لكل شي عليك
ثاني شي ابدا لا تسبي اهل زوج حتى عنده ولا تتدخلي فيهم ... واذا صار ملا شي مررره من المرات المره اللي بعدها قولي انا بجلس بالكويت وبدون كلام اذا قال واصر ليه قولي والله انا ما احب اعكر مزاجي وهناك تطلع لي سوالف ما ادري من فين وانت تنحرج معاهم لذا بجلس اللين تجي