من دعت دعوة مظلوم واستجاب لها الله....

[العروس الصغيرة]

ما بعرف اذا لازم اكتب الموضوع هني
بس راح اكتبه
......
قبل شوي قريت موضوع عن ادعية على الظالمين
.....
ويا ما انظلمنا وطبعا دعينا
واحيانا ندمنا ليش ندعي
بس طبعا اللي صار صار
......
بنات ايش رايكم كل وحدة تحكي تجربتها عن دعوة دعتها وهي مظلومة
وندمت عليها بعدين ..
.
.

.
.
.
انا عن نفسي بسنة 2009 كان عمري 15 سنة
وانا امي كانت والديتني بعملية قيصرية
وبيوم كانت عندنا زوجة عمي
ولما عرفت اني اتولدت بعملية قيصرية
صارت تتطلع فيني وتضحك وحسيتها بتتشمت في
وقمت من المجلس
ولحقتني وصارت تضحك قدامي بصوت عالي
وتقول مو مصدقة انك بعملية وتضحك من كل قلبها
وكنت راح ابكي من سخريتها علي
وهي بتحكي معاي وبتضحك حسيت نار بقلبي واتجهت عالقبلة
وهي بتضحك ودعيت بقلبي
انها تولد بعملية قيصرية
هي اصلها كانت حامل
وسبحان الله ما مر شهرين الا ونسمع انها ولدت بعملية
وصدقوني ندمت لاني دعيت هالدعوة بس هي اللي جبرتني
مع اني ما رفعت ايدي للسما بس دعيت من قلبي
وربنا استجاب
صح الواحد فينا لما ينظلم بيدعي اشكال والوان
.....
وهيذي احدى قصصي وانتو ايش صار معكم
وندمتو ولا لا

 

[rwdaoo2000]

و ربى اندم على كل دعوة ادعيها على اى شخص حتى لو ظلمنى
و ارجع استغفر و ادعو له بالهداية

 

[العروس الصغيرة]

اه والله يا اختي روضة
بتصدقي حتى في مرة قبل كم شهر زوجي صرخ علي واهانني
وغير كلامه الجارح
وطلع من البيت وانا ابكي واتجه للقبلة
وادعي ربنا انه ما يرجع عالبيت لاني تعبت منه
بس الله كريم
وسبحان الله زوجي عمل حادث بس ما صار في شي
بس السيارة اللي انضرت
وبعدين ندمت لاني دعيت عليه بس من حرقة قلبي وكلامه الجارح
ودعيت ربنا وشكرته ان زوجي ما صار فيه شي
......
والله كل وحدة لما تيجي تدعي وهي مظلومة لازم تدعي بالهداية
بس المشكلة بنكون مجروحين وما بنفكر غير بدعوة ظالمة
..بس الحمد لله على كل حال
ههههههههههه لو شفتي زوجي كيف لما روح عالبيت كان جسمه برجف
بصراحة زعلت عليه وضحكت وفرحت بنفس الوقت لانه جرحتي
بس مع كدا بحاول ما ادعي
بس احيانا ما بنقدر
والحمد لله انه رجع زوجي سليم عالبيت وقتها ??

 

[ليلاس باريسية]

دعيت على وحدة عملت مشكل كبير بيني وبين زوجي... دعيت عليها من كل قلبي... وباحد الايام اتصلت حتى تجس النبض وتشوف اذا بعدنا متخاصمين ومقررين الانفصال .... فقتلو سلم عليها حتى تفهم انو انا وزوجي رجعنا ....
حسيت نبرة صوتها تغيرت.... دعيت عليها من كل قلبي
في نفس اليله اللي اتصلت مرض زوجها مرض شديد شهرين وهي تعاني معاه بالمستشفيات .... واتمنى كل يوم يمر يكون اسود عليها لانهاوتخبب بيني وبين زوجي... الله لا يوفقها​

 

[ليلاس باريسية]

اكيد لم اندم لانو الظالم لازم ياخذ عقابه​

 

[rwdaoo2000]

هههههههه و حتى بعد هذه الحادثة ما زال يضايقك عروس صغيرة خلاص المره الجاية كل ما يحاول يضايقك امسكى له السبحة و اتجهى للقبلة و هدديه

 

[rwdaoo2000]

ربى يرد كيدها فى نحرها حبيبتى ليلاس و يكفيكم كل شر انتى و زوجك و اولادك

 

[زهر البيلسان @]

انا انظلمت من اهل زوجي وخاصة ابو زوجي ومشكلتي موجوده بمواضيعي
دعيت عليهم كثييييير. وكل دعوه قلتها تحققت وشفتها بعيني والحمد لله ماني ندمانه لاني دعيت
الله اباح لنا الدعاء ع الظالم
والدور جاي ع زوجي قريب
واي شخص يظلمني قريب او بعيد ادعي عليه
والحمد لله ربي يستجيب

 

[العروس الصغيرة]

صح احيانا الواحد لما ينظلم ويدعي ويشوف الدعوة تحققت بنبسط
بس انا لما دعيت خفت اخسر زوجي
ويا روضة اه عنجد حتى بعد الحادث بتعذب منه
وبتعرفي مرة برمضان سوا مشكلة ودعيت عليه
ووقفت فيه السيارة بنص الطريق
وهو صايم
واخوه معاه وحلف لي اخوه ان ريقهم نشف وهما بحاولوا يوقفوا حد يساعدهم وبنص الشمس وانبسطت وقتها
المظلوم مهما كان ما بيرتاح الا لما يشوف اللي ظلمه مذلول
والله على كل ظالم

 

[العروس الصغيرة]

لما كنت معولة عند بيت اهلي
في سور كبييييير لونه ابيض
اخواني كانوا جايبين رشاش الوان
اخذت منهم اللون الاسود
وكتبت عالسور بخط كبير وواضح
؛؛؛؛؛؛؛الله على كل ظالم؛؛؛؛
ولليوم موجودة وكل ما ييجي حد على بيت اهلي بشوفوها وبقروها وبقولوا من كتبها وامي بتقول بنتي يعني انا
حتى ابوي شافها وضحك
وانا كل ما امشي على بيت اهلي بشوفها وبضحك وفعلا بقول الله على كل ظالم .... وام زوجي بعد ما رجعت من العولة وشافتها لما كانت ببيت اهلي ووجها صار اسود لانها عرفت اني انا كتبتها
بس ما كنت خايفة لان عنجد الله على كل ظالم

 

[العروس الصغيرة]

ليلاس باريسية
الله يكفيكي شرها ويلهيها بنفسها يا رب
في ناس كثير كدا ما بحبو الخير غير لنفسهم بس الله كريم

 

[fifi20]

والله دعوة مظلوم وانا شفتها اكثرمن مرة اخر مرة وحدة قريبتي كنت اعطف عليها و اساعدها انخطبت و اجت لعندي هي و امها مشان اعطيها ملابس و اواني للخطبه سرقوني في غفلة ولما واجهتهم قالو لزوجي هي سرقاتك الحمد لله كانت مصاري لي و زوجي قالهم كيف يعني تسرق حالها و بعدها قالولو هي غارت اني رح اتزوج و اجيب اولاد قبلها لانو كنت متزوجة 5 سنوات و ماعندي اولاد و دعت عليهم بعدها تركها خطيبها و تزوجت من واحد ثاني معيشها في عذاب و سبحان الله 3 سنوات ماحملت و انا حملت وجيبت ولد و بعدها هي جابت بنت بنفس فترة

 

[العروس الصغيرة]

ليلاس باريسية
الله يكفيكي شرها يا رب ويلهيها بحالها
في نسوان كثييير مثلها ما بحبوا الخير غير لنفسهم
بس الله موجود وبيعلم وحده ما تخفي الانفس
والله يبعد عنك وعني وعن جميع بنات المسلمين والمسلمات المومنين والمومنات شرهن ويجعل كيدهن في نحرهن يا رب
.....
والله صعبه يكون في حدا مو حابب لك الخير
بس الله كريم
ومهما كان الدنيا دوارة
بتدور وبتدور وبالاخير بترجع للظالم
عشان كدا الله يمهل ولا يهمل

 

[العروس الصغيرة]

دعوة المظلوم كالرصاصة القوية?
تسافر في سماء الايام بقوة
لتستقر باذن ربها في اغلى ما يملك الظالم?

 

[قلبي يفداك]

ودعوة المظلوم لها شأن في السماء، يقول النبي - صلى الله عليه وسلم -: " دَعْوَةُ الْمَظْلُومِ تُحْمَلُ عَلَى الْغَمَامِ، وَتُفْتَحُ لَهَا أَبْوَابُ السَّمَاوَاتِ، وَيَقُولُ الرَّبُّ عَزَّ وَجَلَّ: وَعِزَّتِي لَأَنْصُرَنَّكَ وَلَوْ بَعْدَ حِينٍ " رواه أحمد وهو صحيح بشواهده. ومَعْنَى ذلك – كما قال أهل العلم -: أَنَّ اللَّهَ - عَزَّ وَجَلَّ - يُوَكِّلُ مَلَائِكَتَهُ بِتَلَقِّي دَعْوَةِ الْمَظْلُومِ وَبِحَمْلِهَا عَلَى الْغَمَامِ، فَيَعْرُجُوا بِهَا إِلَى السَّمَاءِ - وَالسَّمَاءُ قِبْلَةُ الدُّعَاءِ -؛ لِيَرَاهَا الْمَلَائِكَةُ كُلُّهُمْ، فَيَظْهَرُ مِنْهُ مُعَاوَنَةُ الْمَظْلُومِ، وَشَفَاعَةً مِنْهُمْ لَهُ فِي إِجَابَةِ دَعَوْتِهِ؛ رَحْمَةً لَهُ. يقول أبو الدرداء - رضي الله عنه -: " «إِيَّاكَ وَدَعْوَةَ الْمَظْلُومِ! فَإِنَّهَا تَصْعَدُ إِلَى السَّمَاءِ كَشَرَارَاتِ نَارٍ حَتَّى يُفْتَحَ لَهَا أَبْوَابُ السَّمَاءِ»

​

 

[ضحى اماني]

اهلين بنات الله يسعدكم .
دعوة المظلوم مستجابة والندم على حسب درجة الظلم اذا كان ظلم يمكن السماح والعفو كانت الدعوة على الظالم أذى رح يسبب للمظلوم الندم لأنو كان ممكن ينسى الظلم ويسامح .
وكاين ظلم يقتل وكلم تذكره صاحبه لا يستطيع العفو او الصفح عن ظالمه .
بصراحه دعوتي على من ظلمني ان اكول حسبي الله ونعم الوكيل فيمن ظلمني وسبحان الله يستجاب في اقرب الاجال .
اتذكر بزفاف سلفي ( اخ زوجي ) كنت فرحانة واشتغل بقلب سليم وحدثت مشكلة بيني وبين اخت زوجي بكيت يومها بحرقة وقلت رب اشكو اليك ضعفي وقلة حيلتي وهواني على الناس .
وسبحان الله بعد عملية قيصرية بابنها اكتشف الطبيب انها تعيش بكلية واحدة والملف تحت البحث اذا كانت كليتها نزعت اثناء العملية .
والله ندمت اني أوكلت امري للخالق وتحسبت عليها لأنها ظلمتني .
وسلفتي التي حضرت عرسها بعد اربعة اشهر كنت انا اعمل واترك ابني صغير ببيت جده وهي ساكنة معهم افتعلت كثير من المشاكل لتخرج ابني من البيت وكانت سبب في فتنة كبيرة بين اهل زوجي وقدم بي مفتش القطاع شكوى للمديرية لأني اخذت ابني معي للعمل بسببها بكيت واوكلت امري لله .
سبحان الله ناصر المظلوم اتصل عليا زوجي يقول زوجة اخي اصيبت بشلل مؤقت بجسمها وهي الان بالمستشفى وعانت مدة شهر بين البيت والمستشفيات .
ندمت لان اخ زوجي عانى كثيرا اثناء مرضها لكن حقيقة لم اندم على تحسبي عليها لانها كانت سبب في تركي لعملي بسببها حسبي الله ونعم الوكيل .
اللهم اجعلنا بالدنيا مظلومين لا ظالمين وارزق قلوبنا العفو والصفح والزمنا طاعتك واهدي نفوسا ظلمت بغير حق

 

[سهام سالم]

انا كل ما احد يظلمني وياءذيني متقصد اتوجه لرب العالمين واقول حسبي الله ونعم الوكيل عالظلمني واءذاني وسبحان الله ربي يستجيب الدعوتي لكن ابعمري ما دعيت على احد ظلمني لان الدعوه دور دور او ترجع على صاحبه كذا علمتني بيبتي الله يرحمه

 

[بنوته واقطع]

حسبي الله ونعم الوكيل افضل دعوة

 

[العروس الصغيرة]

انا دعيت هالدعوة لما كنت معولة
بوقتها عمي ابو زوجي وزوجي صارو يقولو اني كذابة وان زوجي
كويس معاي ومو ظالمني
وطبعا ام زوجي اعطت ابنها مصحف لحتى يمشي عند ابوه
ويحلف عليه انه كويس معاي
ومو ظالمني
بوقتها كنت انا منتحرة وشايفة الموووت بعيوني لان اهلي ما اخذوني عالمشفى
وباليوم الثالث جتنا اخبارية ان زوجي بيحلف وبيدعي انه كويس معاي
فما كان مني غير اشتكي للرحمن
وقعدت بره بعد صلاة العشاء ومسكت السبحة وبديت استغفر
وسرت ابكي بكاء ما بعلمه الا الله
وانا ارفع ايدي واقول
....
اللهم ان عمي وزوجي اروني قوتهم فارني فيهم قوتك
.....
انا بعرف هالدعوة قوية
بس كنت مظلومة
ونمت وانا ببكي
وسبحان الله بنفس الليلة
عالساعة 2 بعد منتصف الليل
انحرق لزوجي وابوه مبلغ بقيمة 350000الف
صاروا فحمة
وما قدروا يطلعوا منهم ولا ريال لانهم فحموا
وصار عمي يصرخ ويقول هذا من حلف اليمين الكذب
...........
انا لما ازعل واتضايق بدعي هالدعوة

 

[سهام سالم]

عمري ما دعيت على احد لكن اقول حسبي الله ونعم الوكيل على اللي ظلمني و سبحان الله ربي ياخذلي حقي اضعاف مضاعفه حبيباتي الدعوه دور دور او ترجع على صاحبه