من حقي ازعل ولا الموضوع تافه..؟؟

[الشوق غلاب]

السلام عليكم ....بنات زوجي (بس مالكين) امه اتعبت ..واهو انشغل وياها ..وكنت اتصل اسال عنها وعنه وماكان يعطيني اي اهتمام حتى يوم اتصل مايسئلني شلونج لا بس يجاوب ع قد السؤال :shiny: ... قلت معذووور لانه باله منشغل بأمة وعنده ظروف ثانية مع انه هالشي كاان حاز بخاطري واايد سكت رغم اني ماشوف انه رح يخسر شي لمى يسألني شلونج ... :shutup: .... هالمكالمات استمرت اسبووع .... بعدها سافر لأمه (كانت مسافره برا تتعالج واهو ماقدر يسافر لانه مرتبط بالدراسه)..يوم ساافر دق علي اول ماوصل قالي حبيت اطمنج انا والوالدة بخير.... قلتله الحمدلله ... اليوم الثاني اتصلت فيه .. وصار نفس الشي ..فلان شلونك ..الحمدلله..شلون الوالدة ..الحمدلله احسن من قبل...وقعد يسولفلي عن اخوانه (سوالف عادية) .. وبعدها قالي فلانه عن اذنج بروح اشتري لي تيلفون ... قلتله وتيلفونك شفيه؟؟ قال ماكو بس لانه هالتيلفوون مو موجود بالديره :sadwalk:.... ​

بذمتكم هذا كلام واحد تعبانه امه ...؟؟
احسه مو صاحي..
انا الي مضايقني انه دام عنده فرصه يفكر بالتيلفونات وامه بهالحاله ...ليش مافكر فيني او سأل عني ....​

للعلم انه مايتصل الا لوكان مسافر يدق يقولي انا مسافر.. ​

بنات والله متضايقه من تصرفاته ...​

اول شي عذرته قلت ظروفه شاغلته مو مشكلة اانا لازم اصبر...
بس قهرني لمى قال باخذ تيلفون..!!​

معناته اهو مريح باله وعاادي عنده .. بس انا الي قاعده احترق......​

يمكن بتقولون زعلان مني ... بقولكم لا... لانه قبل لاتمرض امه كنه عايشيين احلى اياام :shutup:... بس فجاه اتعبت امه واهو انشغل معاها .. وصار كل هذا الي ذكرته لكم ... ​

شرايييييكم بلي صار... هل من حقي ازعل..؟؟؟​

الموضوع تافه ومايستاهل وانا مكبرته .. ولااهو فعلا مقصر ؟؟​

 

[الشوق غلاب]

بنات لاتقولون انتي مو معطته فرصه .. انا اتصل من باب السؤال عن امه وعنه لانه كان مريض....
يعني لوماكنت اتصل رح يزعل ويقول هذي مو مهتمه تسال عني....ابي اعرف هل انا غلطانه اني ازعل؟؟

 

[ام علاوي]

انتي مب غلطانه بالسؤال عنه وعن امه بلعكس يزاج الله خير
الغلط في تفكيرج لانه منحصر بس بمرض امه
يمكن عنده امور ثانية شاغلنه وشاغله باله
نصيحتي لج لاتفكرين في الامر واخلقي له الاعذار وتغلي عليه شوي مب وايد ولا تدقين له دوم دقي سالي عن خالتج على تلفونها هي اما هو اذا سالج ليش ماتتصلين قولي اخاف ازعج وانت مشغول باوالدة وطرشيله مسج بين فترة وفترة

 

[الوسمى]

اختي العزيزه انا مع اختي ام علاوي كلامه معقول
لا توسوسين وايد اهو يحبك بس يمكن الظروف
ونسبة للتلفون لو كانت نيته شينه كان ما قالك عنه
الله يبعد الشر عنكم ويجمعكم على الخير وشافي ام زوجك قولي آمين

​

 

[همسات الوجدان]

اختي من رأيي تثقلين عليه شوي ولا تهتمين ولا توسوسين لأن هذا التفكير راح يهدم بيتك ويفقدك الأمان والراحة
شوفي نفسك واهتمي فيها الى ان يرجع بالسلامة والحين شيلي هالوساوس من راسك وريحي بالك والله يسخرة لك يارب