من تقنعني وتاخذ اجر

[جمع الوفاء]

سلام واحترام
مين تقدر تساعدني زوجي يريد ازواج باخرى ويقول ماراح يتغير عليك شي انتي الغاليه وانتي وانتي وبلفعل متفق مع واحده على ازواج وانا بموت قهر والم وحولت اقنع نفسي بكل طريقه بس ماقدرت قرات وسمعت كثيرا بس مافيه فيده :tears: وهو الان يبني في بيت كبير دور وشقق ويقول اذا خلصت البيت بتزوج واحطها في وحده من اشقق :icon30:وانا مو قادره اتحمل وعندى اولاد وصار لي معه 21سنه وغيوره جداااااااااااااااان واحبه كثير تكفون ساعدوني مااتحمل وحده ثانيه في حياته

 

[جمع الوفاء]

افـــــــــــــا
يابنات ليهـ مافي وحده منكم تفاعلت مع مشكلتي....؟؟

لهالدرجه الموضوع مو مهم

 

[جراده شياكه]

شوفي وش ناقصه يمكن مو مرتاح في الفراش معك سوي عمليه تضويق

 

[اولادي كل حياتي]

ما احد يقدر يساعدك يا اختي لانه قالك بيتزوج يعني عازم النية وجالس يبني البيت كمان
انتي حاولي تشوفي ليه يبغى يتزوج هل هي عشيقة ساعتها ممكن نساعدك ونشور عليكي كيف تتخلصي منها
اما لو نية الزواج لمقدرته المادية والجنسية فهذا شي تاني لانه ربي محلل له اربع وما تقدري تمنعي شرع ربنا مو احسن ما يخونك صحيح هي فكرة الزواج صعبة بس انت حاولي تشوفي ليه يبي يتزوج واستغفري كثيرا وادعي في قيام الليل انه ربنا يشيل الفكرة من مخه والله معاكي

 

[احترت في امري]

الله يصبرك ويعينك على مابتلاك اختي
هدي نفسك قولي الحمد لله على كل حال
وصادقه اختي جراده
الله يسخره لك ويسخرك له

 

[قلب الغلا]

الله يعينك ما ادري ايش اقولك

الرجال اذا حط فكرت الزواج براسه يعني

بيسويها ومحد يقدر يمنعه قلبي معك الله يعينك

 

[ورده صفرا]

الله يعينك والله وجعتي قلبي الله يرده لك ولا يشوف غيرك

 

[ام نوافي]

اختي الله يكون بعونك0 وانصحك بالاكثار من الدعاء في اخر الليل والالحاح بسؤال الكريم المنان
واكثري من الذكر فانه يشرح الصدر وبه تطمئن القلوب 0وتوكلي على الله وان شاء المولى يكتب لك اللي فيه الخير 0

 

[الورده الشرقيه]

حبيبتي الفرصه قدامك
ادعي الله كثير انه يشيل الفكره من راسه
ولايجعل له حضن بالنساء غيرك
موفقه

 

[حلا دسم]

سلام واحترام
مين تقدر تساعدني زوجي يريد ازواج باخرى ويقول ماراح يتغير عليك شي انتي الغاليه وانتي وانتي وبلفعل متفق مع واحده على ازواج وانا بموت قهر والم وحولت اقنع نفسي بكل طريقه بس ماقدرت قرات وسمعت كثيرا بس مافيه فيده :tears: وهو الان يبني في بيت كبير دور وشقق ويقول اذا خلصت البيت بتزوج واحطها في وحده من اشقق :icon30:وانا مو قادره اتحمل وعندى اولاد وصار لي معه 21سنه وغيوره جداااااااااااااااان واحبه كثير تكفون ساعدوني مااتحمل وحده ثانيه في حياته

انتي الغاليه وانتي وانتي0000هذا اغلب كلام الرجال اذا عزموا الزواج بأخرى
بس الحمدلله انه فيه بذرة خير ومازال انك في قلبه
ولكن اعملي ليله خاصه علشان نفسك
واسأليه شنوا سبب زواجك من اخرى ولاتزعلين اذا قال السبب
اذا قال انتي ماتلبسين او ماني مرتاح من ازعاج الاولاد او انتي وسيعه
لاتبررين الموقف وتحلفين انا وانا 00000ماقصرت 0000احسبيها نقطه في صالحك
علشان حياة الاخرى تكون قصيره بالنسبه لزوجك
ولكن طالما يغليك اشترطي عليه انه مايسوي عرس نسائي حتى لو امه واخواته او زوجته الجديده يبون يحتفلون وضحي له ان هذا يزيد الكره والغيره بين النساء
قولي هذه اعتبرها اكبر محبه بيننا
قولي طالما انا زعلانه ماابي احد يفرح بس خل الفرحه بينكم يالعرسان فقط اذا انا لي خاطر عندك

 

[لازورديه]

قوليله ماني موافقه.. وخوفيه.. قوليله.. بروح بيت اهلي.. وخل عيالك عندك..

حاولي بجميع الطرق.. لاتسكتين.. وقوليله انا مااقدر اخليك تتزوج علي..


هو يقولك.. مافي شي بيتغير عليك.. وكل الرجال يقولون ذا الكلام.ز لكن يوم يتزوجون..

كل شي يتغير.. انتبهي ... لنفسك.. شوفي وش نااقصك.. وكمليه ريجيم اهتمام بالمظهر..


عمليه تضويق اذا محتااجه.. لكن نصيحه.. اذا تقدرين لاتخلينه..

 

[انهار الحياة]

شوفي ياعمري
الغالبية من نساء ورجال عندهم معتقد
اذا فكر الزوج بالزواج الثاني فالسبب الاكيد ان في شي ناقصه بحياته

اهو الان عنده خير ماشاءالله وشايف ليش مايدلل نفسه بعروسة

لكن ماجل الموضوع لحتى البيت يخلص

انتي الان
اعملي الاتي

اتركي الحنة وندب الحظ والمسكنة

اول حاجة اجلسي مع نفسك جلسة مصارحة
لاتقولين موقاصره شي انا مهتمة بنفسي انا وانا

شوفي حياتك قلبيها من كل النواحي

بعثريها وردي رتبيها

بعدها بدئي مسكي خيط خيط وانتي ترجعين ترتبين نفسك وحياتك

سجلي بدورات ان كنتي تقدرين مع الاستاذة ناعمة

اغلب القصص الي قرأتهم للاستاذة ناعمة
لما بدئت معاهم حل مشاكلهم

بدئت من الداخل للخارج ، غيرتهم قلبا وقالبا كم واحدة كان عندها كرشة وقالت لها بكل صراحة

اشلون راضية بالاهمال هذا على نفسك كم واحدة فيها وفيها

وبصرتها بعيبها

انتي خلي نفسك اهي الناقد والبصير بعد الله سبحانه وتعالى

اتعبي على نفسك بكل شي والحمدلله عندك فرصة انتي اتفقي معاها مايتزوج االااان

اطلبي منه بس يأجل الموضوع

بهاذي الفترة انتي بدلي نفسك خليكي الزوجة الاولى والثانية والمليون لزوجك

وربي يعنيك ويجبر بخاطرك

دمتي بوود

 

[ابتسامه مهجوره]

جعله مايشوف حرمه غييييييييييييييييييييييرك قولي اميييييييييييييييييييييييييين

 

[جودي@]

يارب مايتزوج عليك وتتفركش خطوبتة انن قرر يخطب قولو آآآآآآآآآآآمين

 

[يالله فرجكـ]

عليك بالدعاااااااااااااااااااااااااء في جوف الليل الاخر

 

[@احساس جديد@]

شلون عرفها الي بيتزوجها؟اذا بعلاقه دافعي عن بيتك او وكلي امرك لربك حطي في بالك ان لو كان على علاقه معها وانك وافقتي لوجه الله احتسبيها على الله لانك ماتبين لزوجك الحرام وصدقيني راح يرجع لك ويطلقها

 

[روض الياسمين]

يا أختي توكلي على الله ووكلي أمرك له ... ولن يحصل إلا ماكتبه الله وقدره لكِ ولزوجك

وعليكِ بالدعاء ..

وإن تزوج فلن يكون هذا الأمر نهاية حياتك ... فحياتكِ لكِ وحدك وملكك

واقنعي نفسك بأن ماسيقوم به زوجك أمر مباح شرعا ( ليس كمثل من يلهثون خلف الساقطات والعياذ بالله )

أسأل الله أن يجمع بينكِ وبين زوجك على خير وأن يديم عليكما المودة والسعادة

 

[بنت مكه 1100]

خليه يعطيك سبب واح بس قولي واوفق بس يكون مقنع بعدها بلغينا ان شاء الله نقدر نساعدك

 

[منووووووره]

عليك بالاستغفار بنيه تغيير رأيه والصلاه على الرسول ولا تنسي قيام الليل

وهذي مجموعه قصص انشالله تفيدك

بصراحة وعن تجربة وأخذت أطبق الأستغفار بحياتي , حتى بأبسط الأمور , ولقيت كل شي ينفرج بعد ما أستغفر عشر أو عشرين مرة. والله يحضرني أمس كنت أمضيعة بطاقة سحب البنك و ظليت ساعات أدورها و ما لقيتها , قلت خل أستغفر بنية ألقلها و فعلا" سبحان الله , على طوووووووووول بعد دقيقتين من الأستغفار , لقيتها . سبحان الله.

وهذي قصه ثانيه:
بقووولكم قصت صديقه زوجة أخوي ومع الاستغفار..


في يوم من الإيام ارسلت لي وحده من رفيقاتي مسج عن الاستغفار وقصص عن المستغفرين وانهم حصلوا اللي يتمنونه..

المهم ارسلتها انا لمرة خوي

وهي كان لها وحده من رفيقاتها لها 7 سنوات ماحملت وما بقى مستشفى الا راحت له ..

ولا بقى شيخ يقرا الا راحت له لكن مافي فايده لدرجة انها فقدت الأمل حتى زوجها يقول يالله نروح نعالج ولا نقرا ولا نشوف لنا شي عسى

الله يرزقنا بالذريه وهي راااااااااااااافضه ..

المهم وجا ذاك اليوم وكلمتها زوجة أخوي وتسألها وش صار عليها حملت ماحملت ومن هالكلام ..

وبعدين سكرت منها وارسلت لها المسج حق الأستغفار..

ارسلت لها ولا عاد كلمتها ويوم جاء ذاك اليوم وكنا برمضان

وتكلمها وقالت ابشرك انا حملت بعد معاناة 7 سنوات مع المستشفيات وباركت لها مرت أخوي وكاانت فرحانه عشانه وايد

قالت لها تدرين اشحملت منه ..

قالت مرت أخوي ..مدري والله

قالت ..تذكرين مسج الأستغفار اللي ارسلتيه لي قالت ايه قالت والله من يوم ارسلتيه محافظه ع الأستغفار وانا الحين حامل لي شهرين

والله ان دمعت عيوني منها ..

قلت سبحان الله نركض ورى الناس وننسى رب الناس ..


استغفر الله الذي لا إله الا هو الحي القيوم وأتوب إليه .. لذنبي وذنوب المسلمين والمسلمات والمؤمنين والمؤمنات

الأحياء منهم والأموات إلى يوم الدين..

 

[منووووووره]

ألجأي لله ولن يخيب رجاك ولا تنسيني من دعاكي ولا تنسي الاستغفار مره اخرى فأنه صابون العصاة .. واللي تبي دعوتها تستجاب ولا أي شي تتمناه يتحقق تكثر من الاستغفار ..

وهذه قصه اخرى يمكن تفيدك
عندما تطرا أي مشكلة بيني و بين زوجي مهما ان نوعها ما ألبث إلا أردد الإستغفار في قلبي أو بلساني ، فأتفاجأ بزوال المشكلة و صفاء النفوس و الحمد لله في نفس الوقت .....