من تستطيع ان تتغلب على ذكاء زوجي؟

[سلايس]

سلام عليكم اخواتي ..بارك الله فيكن وسدد خطاكن
مشكلتي مع زوجي انه حاط رقم حماية لتلفونه..وانا مقهورة لاني شاكة فيه يعرف وحدة..خاصة اني سويت المستحيل انه مايحط هالرقم السري بس يرفض وقبل سنتين اكتشفت انه عنده هاتف ثاني ويراسل وحدة وصارت مشكلة بس انتهت على خير
وقبل ست شهورأيضا اكتشفت انه عنده تلفون اخر.بعده ماتاب... مخبيه عني واكتشفت انه يراسل وحدة متعرف عليها عن طريق الشات وخبرها انه مامتزوج..راسلتها من تلفون زوجي وهي على بالها زوجي ..استدرجتها واخر شي وبختها ..وعرفت رقم حماية التلفون عن طريق حركات يده وهو يفتح التلفون...فكان من حسن حظي انه حاط نفس رقم الحماية لتلفونه الي كان مخبيه عني.. اخواتي والحين تعبانة نفسيا لأني مب عارفة شواسوي وخاصة انه ذكي ومحتاط اني ما اعرف رقم الحماية.وانا متاكدة انه على اتصال بوحدة..أفيدوني شو اسوي؟

 

[بحر الجواهر]

افتحيه برقم 112 وبينفتح بأذن الله

 

[رمش هيمانة]

ريحي راسك ... ولاتفتشين وراهـ تتعبين كثير .. وتكبرين من الهم ...<<< عن تجربة مريرة

اذا عرف انك كشفتيه بيسلك طرق اكثر ذكاء بحيث ماتشكين فيه ابد

وممكن لاسممح الله بيكره جلسة البيت ويقضي كل وقته برى بيته بعيد عن تطفلاتك <<على حسب تفكيره

هو ضعيف ومستولي عليه الشيطان حاولي تذكيره دائما بالله مثلا خليه يقول اذكار اليومية

او يقرى لك ايه من سورة وتبغي تفسيرها <<انتي بكذاتبعديه عن طريق الشيطان و تقربيه لله بطريقة غير مباشرة له رغم انها طريقة يبغى لها صبر والله مع الصابرين

اختي لمتى نركض ورا الرجال ... والله كل ماركضنا هربوا عنا ...

الجئي الى الله حافظي على صلاتك انشغلي فبيتك وعيالك واهتمي بنفسك وبصحتك خل يشوفك مستقلة عنه ويشوف حبك لنفسك واهتمامك فيها راح يتقرب لك شوي شوي
ويترك هالسوالف ...

الله يرده لك ردا جميلا

 

[مخلصة لزوجي]

تبغي نصيحة ذهبية والله بتدعيلي

اولا مايصير انك تتجسسي على زوجك
ثانيا الله بيده الهداية والله مافي مثل الاستغفاااااااااااااااااااااار ثم الاستغفاااااااااااااااااااااااااااااااااااار


وبتفولي اني قلت واقرئي سورة البقرة كل يوم وبتشوفي والله انها سحرررررررر






وحسسيه انك مو فاهمة ولا شي

 

[شتات انسانه]

اكسبي زوجك ممكن انتي مقصره معاه واذا فيه شئ كان بان ممكن زوجك يعوض شئ ناقصه

 

[اجووووووووووونة]

نفس الحالة بس كنت اطنش واراقب اصابع يده افتح الجوال وابحث وراه لكن الان طفشت وتعبت وقلت بكيفه عنده رب يحاسبه اذا ما خاف من ربه بيخاف مني.................زز

 

[success1122]

الله يصبرنا والله كأنك تتكلمين عن زوجي
لكن وش نمط زوجك ؟؟؟؟

 

[Mrs.Foi]

هههه تصدقين حبيبتي اني اعرف الرقم السري لجوال زوجي من خلال مراقبته وهو يحطه
بس والله العظيم مافكرت اني افتش وراه ولله الحمد .........شاريه راحة بالي..كم بعيش بالدنيا عشان ينكد علي بخياناته ....له رب يحاسبه وكل ماتلحقين وتفتشين بيزيد ذكاء وبيسلك طرق اصعب ...وحياتك بتصير تدور كيف تطيحين عليه وبعدين؟؟؟؟؟؟؟؟ وين حياتك انتي !
ريحي بالك وادعي ربك يبعد عنكم شر كل من فيه شر ...
واذا ربي اراد يكشفه بدون لااتتعبين نفسك الله بيفضحه قدامك ..

 

[حسب الجو]

الله يعينك

 

[صمت الجرررح]

الله يهديه لك ياااارب
ادعيله بالهدايه والاستغفاااااار
ولا تقعدين تدورين وراه لانه لو حاسب لج حساب ماخان من البدايه
بالعكس لو درا انج دريتي ما بيهتم ولا بيحاسب لج
واذا في باله الشي بيستمر عليه وملا عليه منج
شقولج
ادري صعب
بس والله هالرياييل لو تعطينهم ماي عينج ماكو فااايده
احتسبي الاجر من رب العالمين
وحاولي تتقربين منه اكثر واكثر

 

[ياليتـــني طفله]

الله يهديه ويصلحه ويجمع بينكم

 

[جوريه ذهبيه]

الله يفتح ع قلبه

 

[اجواان]

الصراحه انا طلبت الطلاق من زوجي بسب الشك والمشكله شكوكي اغلبها صحيحه وتعبت نفسيا من هالسالفه واخير تطلقت بس المشكله اني ما احب يلعب من وراي وانا ما اعرف شي افتش جواله وملابسه والقى ادله عليه لحد ما بانت الحقيقه لكن الشك لازمني طول ما انا عايشه معاه ولا حسيت بالامان ابدااااااااااا والحمد لله على كل حااااااال انا ما انصحك تفتشي وراه الا لما تكوني شفتي اشياء ما يحتاج انك تشكي فيها والله يعينك ويفرج همك

 

[نظرت المستقبل]

كلامها عين العقل

ريحي راسك ... ولاتفتشين وراهـ تتعبين كثير .. وتكبرين من الهم ...<<< عن تجربة مريرة

اذا عرف انك كشفتيه بيسلك طرق اكثر ذكاء بحيث ماتشكين فيه ابد

وممكن لاسممح الله بيكره جلسة البيت ويقضي كل وقته برى بيته بعيد عن تطفلاتك <<على حسب تفكيره

هو ضعيف ومستولي عليه الشيطان حاولي تذكيره دائما بالله مثلا خليه يقول اذكار اليومية

او يقرى لك ايه من سورة وتبغي تفسيرها <<انتي بكذاتبعديه عن طريق الشيطان و تقربيه لله بطريقة غير مباشرة له رغم انها طريقة يبغى لها صبر والله مع الصابرين

اختي لمتى نركض ورا الرجال ... والله كل ماركضنا هربوا عنا ...

الجئي الى الله حافظي على صلاتك انشغلي فبيتك وعيالك واهتمي بنفسك وبصحتك خل يشوفك مستقلة عنه ويشوف حبك لنفسك واهتمامك فيها راح يتقرب لك شوي شوي
ويترك هالسوالف ...

الله يرده لك ردا جميلا

كلام ناس عاقلها من جد جزاكي الله خير

 

[لمسة ورد]

جعلهم مرض هالرجال يعصرهم عصر ليما يحسون بالموت وبعدها بيعرفون ان الله حق

 

[ice creeem]

انا ما احب الوحده تكبت بعمرها ولازم تصارح مع انهم دايم يقولون لاتواجهين بس ما احب الكبت
والرقم112هذا رقم طوارئ لكل دول العالم عبر الاقمار الصناعيه لمن يحتاجه اذا انقطع الارسال ولا انصح باستخدامه حتى لا تساء للخدمات

 

[برسباي]

الله يكون بعونك ويصبرك ياااارب

 

[ملاك 88]

الله يكوووووووون بعونج يارب