من بعد الولادة وانا ما اشتهي زوجي!!

[شوق بوظبي]

السلام عليكم ورحمة الله وبركاته

اسمحوا لي بنات على جرئتي

بس الموضوع فعلا مضايقني

انا ولدت في بداية الشهر السادس ومات الجنين اول ما انولد

وتعبت في الولادة كثييير لانه المنطقة كانت ناشفة ناشفة

المهم بعد الموضوع هذا وانا ما اشتهي زوجي مثل قبل

واحس اني ما احبه مثل قبل

والموضوع هذا مضايقني جدا.. وحتى زوجي حس

وفي النهاية صارحته وقلت له غصبا عني

شو الحل يا بنات؟؟ هل كل الحريم كذا بعد الولادة..هل هذا شي طبيعي؟؟؟

 

[darkness]

اتوقع صدمة نفسيه
عموما خلي زوجك يكثر مداعبات وربي بيسهل امرك
الله يرزقك الذريه الطيبه

 

[papero0o]

طبيعي هذا من بعد الولادة ... عطي انفسكم فرصة و حاولي تتجاوبين معاه و الله يسهل

و اهم شي ابعدي عنك الوسواس و التفكير في هل موضوع لان مجرد التفكير تحطين فعلا ان فية مشكلة

 

[احبه موووووت]

انا مثلك بظبط مادري ليششش اتوقع انه من الهرمونااااات والخبيرات يفيدوناااا

 

[فوضى مشاعر]

ياقلبي انا صار لي زيك والله

يمكن من تجربة الولادة والرعب الي جانا..

بس ترجع الامور لمجاريها ..

عطي نفسك فرصه ولاتفكرين بشي ..

 

[مرووشة]

هلا اختي والله انا لي الان والدة 5 شهور ونفس حالتك ماادري ايش السبب وسالت قالوا انو عادي يصير بعد الولادة هذا الشي الى الان مانسينا التعب والألم الله يكتب اجرنا .

 

[شوق بوظبي]

مشكوورات خواتي كلكم على الردود بس انا والدة من شهر 6 والحين مر وقت؟؟

هل في علاج؟؟ ولا هاذي حالة نفسية ولا شو؟؟

وكيف ارجع نفس قبل

 

[الوااااان*]

ما اعرف بصراحه
ولا سمعت عن هالحاله انها عاديه

لان الطبيعي بعد فراق اكثر من 40 يوم تكوني متشوقه للعلاقه

لكن ممكن تعبتي بالحيل وقت الولاده فربطتيها بمسببها من الاصل لا شعوريا

او انه تضررت احد الاعصاب الحسيه بالمنطقه لانك بتقولي كنتي جافه

شوفي السبب طبي والا لا

وان كان لا فهو شي هين يبغيلك تدربي نفسك وتزودوا جرعه المداعبات دون ايلاج
ومع الوقت بيتغير الوضع

 

[alhelwa 24]

الله يكون في عونك ويرزقج بالذرية الصالحة

 

[الصبوره]

يمكن هذا اللي يسمونه اكتئاب ما بعد الولاده حيث أن الكثيرات تيهم هذه الحالة بعد الولاده و بعضهم يكرهون البيبي وما يحسون بالحب تجاهه.

 

[شوق بوظبي]

مشكورات خواتي ع الردود

بس في النهاية هاذي كلها احتمالات

مافي رد أكيد؟؟؟

يعني وحدة تكون متأكدة وهل في علاج او لا

 

[نبراس الدعوة]

يااختي يمكن بسبب الحبوب حقت منع الحمل

 

[الزوجه الاولى]

الله يعينج

 

[عنقود عنب]

الحمد لله على سلامتك يا قلبي ...وربي يعوضك بالذرية الصالحة

واللي فقدتية ان شاء الله يكون لك شفيع في الجنة

ما تمرين به يا ابنتي طبيعي جدا نتيجة لتغير الهرمونات بعد الولادة مباشرة (خاصة هرمون الرضاعة (البرولاكتين ) )

بامكانك انك تزوري طبيبة نساء و ولادة و تسوي لك تحليل للهرمونات

لا تخافي يا قلبي ....طبيعي ما تمرين به ...واهم شي زوجك يعرف الوضع ويقدر

 

[مرام الحلوة]

هلا اختي والله انا لي الان والدة 3 شهور ونفس حالتك ماادري ايش السبب
وأقول لزوجي هذا من تأثر الحبوب منع الحمل

 

[كاتياباسل]

واااي ريتك ماقلتي له:33:
الرجال عندهم كرامه وخاصه بهالأشياء يتحطمون لو يشوفون زوجاتهم ينفرون منهم،،،ويظل بخاطرهم

و ربي يسهل عليك ياعمري ويشفيك،،،،ويعوضك بطفلك طفل سليم معافى
وجربي تروحي ع طبيب مختص،،،يمكن هذي حاله نفسيه مؤقته وتعدي
نظرا للألم اللي مريتي فيه،،،،وفقدان الجنين

 

[الورد والياسمين]

الله المستعان

 

[جرح الشوق]

الفحوصات والتحليل راح تظهر لك سبب حالتك وبالتوفيق

 

[الحنونة 1]

والله ما أدري أتمنى من البنات يفيدوكي وإن شاء الله ربي ييسر لك أمورك

 

[لمعةالماس]

الله يعينك ويفرج همك ياااااااااااررررررررررررب:21: