مملكه ع شمالي غربي

[غرامي ضحكته]

كنت اقرا مشاكل البنات وعمري مافكرت مره اكتب شي عن روحي

لاكن احيانا الانسان يحتاج لمشوره ...


انا متملكه ع شمالي غربي

و اليوم كلمني وكان يتغشمر عادي وياخذ ويعطي

سالته وينهم قال مسافر اهو وخويه بيزور خالته ( يقصد خويه )

طبعا وصيته ع روحه وكذا وبعدها دق كان بالمول قاعد واصوات صجه ولجه عنده

وقعد يتغزل فيني بزود هالمره ويغني انا ماشكيت ولالحظه بشي غريب

عادي مشيت الوضع بس كنت اتطنز شويات عليه امدح روحي بعدها اقلب امدحه

وان محد بهالكون يسواه ...

شوي تنرفز استغربت القلبه وقالي بصارحك بشي انا اهني بردت

قالي ان خويه قص عليه كان موهمه انه بيطلع يزور خالته

ويقول ولما دشينا المول خبرني بيقابل خويته ووياها اخته الله يهديهن :/

يقول عصبت عليه ... بنات انا اهني عورني قلبي يقول ماتشوفيني

من اليوم اتغزل فيك لان اختها تلمحلي يقول حبيت

ابينلها اني اغليك اكثر منها وانها مو شي

المشكله مو اهني انا الي انصدمت يقول رايحين لزياره واهما لموعد غرامي

وخويه لما يقوله عادي شبكها وونس روحك ...

واهو شلون يتغشمر وياي ويضحك لما اهما بالمول واهو يدري بهالسالفه

ووشلون خويه الروح بالروح يقص عليه ويدري هالشي فيه خراب بيوت

احس علامات استفهام تدور وايد براسي مو لاقيتلها حل

انا جاوبت ببرود ان الي صار صار وانه رجال وقد الثقه الي انا حاطتها فيه

بس حسيت فيه انه كان وده اصارخ اعصب انصدم من ردت فعلي


عجبتني صرااحته حتى لو متاخره بس ترى هذا مو اول موقف

قد مره اشرتله مره كبيره شويه ووياها بنتها ووقفلهن بفزعة عيال البدو

وطلبن يوصلهن مكان لان الناس شمس وماكو ليموزينات ووصلهن

يقول طول الطريق يسالنه وكذا طلعن مو اوك وكلمني

حزتها وقعد يمدح فيني وانه يحبني يسمعهن ...


حزتها عصبت قلت اهو يوجه الكلام بطريق غير مباشر

ومرات اقول شالي يحده لا اكيد منقرف منهن ولو مو منقرف ليش يخبرني

كان سوى البلاوي من وراي ماحبيت هالتصرفات احس يحترق دمي ع الفاضي ...


مادري شلون اتصرف هالمره امشي الموضوع عادي

والا شنو ناطرتكم ...​

 

[محبة مكة]

خليكي صارمة معاه
وقولي له انت ما ترضى علية وانا بعد ما ارضى
الشمالي لا يحب التلميحات
اعطي في وجهه لاكن باسلوب
ترى الشمالي ممكن يحط الخطا عليك لاكن خليك واثقة

 

[غرامي ضحكته]

فديتك محبه ايه انا قلتله فلان لو فرضا صار وياي هالموقف

راح تعصب وتنرفز وكذا ولا راح تفهمني حتى

بس اهو قالي لاتحمليني خطأ غيري

كملت ببرود ولا كان شي صار بس بصراحه

حطيت ع هالبنات شويه واهو هم ماايدني بعد ع وقاحتهن

والظاهر بسوي الي قلتله وهالمره لازم اكو موقف


تسلمين قلبي ع المرور ربي يهنيك​

 

[أم تولاي]

هلا عيوني مدري صدق وش اقول لكن لان الغربي الشمالي يحب النسوان حواليه شوي وابي افهمه انه هذا غلط ولا يرضي احد

مثلا كنا في المطعم وهو على طول يفتح بلوتوث ويراسل الي في المطعم قلت له كم مرة مايصير راعي مشاعري ومو زين حقك ولا حقي تغازل قدامي كان يقول انا بس افتحه قدامك وانا واضح ولا العب من وراك ومن هذا الكلام
وش سويت !!!!!!! ابد بكل برود صرت افتح البلوتوث وواراسل الموجودين قام يتنرفز ويعصب وعيب وتعرفين الباقي قلت له بكل برود المفروض تثق فيني مثل ماتبي اثق فيك طبع ساعتها عرف انه مسوي غلط

في الاخير احيانا الرجال مايعرفون ان الي يسونه غلط او عيب او مايسوى علي الهواش او الزعل الا اذا صار فيه نفس الموقف وكثير اسويها معه لانه يحس بهذا الشي لانه غيور جدا جدا

 

[غرامي ضحكته]

ام تولاي الله يعينك وصادقه ياقلبي بــ ((( انا واضح ولا العب من وراك ومن هذا الكلام )))

شكثر يقولها ...

ايه اهما غيورين ولايرضون نسوي الغلط بس اهما يبررون مواقفهم


الله يحنن قلبه لك ويسخره ومايشوف بهالكون غيرك
​

 

[الداعية إلى الل]

الله يفرج همك

 

[غرامي ضحكته]

آآآآآآآآآآمين حبيبتي ووياك يارب

اهو كله اوك ولو منه اثنين ياسلام بس هالنقطه اهيه الي متوهتني


اهو دق علي ورديت بكلمه ورد غطاها قال ردينا ماقعدت لايمكن اطول

قلت اهم شي تونستوا وتردون بالسلامه يلا قال افهمها طرده سكت

قال واهو متضايق اوك يلا مع السلامه قلت مع السلامه وعليها ...​

 

[غرامي ضحكته]

لخبطت شويه لما لما قال افهمها طرده سكت

بعدها قلت فلان مابي اضايقك اهم شي ترد بالسلامه مع السلامه سكت بعدها قال بضيق

اوك مع السلامه



بس ان شاءالله خير يارب​

 

[غرامي ضحكته]

بنات حبيت اخبرك بآخر التطورات

طبعا نطرت لحزه متاخره عورني قلبي ماحبيت ينام واهو متضايق

كتبتله بمسج انه مايهون علي زعله وكذا بس شسوي

ماكلني قلبي اكل من هالموقف ولاياخذ بخاطره

ويارب انه ينام مرتاح ... ولما قعدت الصباح لقيتله مكالمتين

انشغلت ع المغرب الا داق ويسلم ويسولف عادي وانا هم

مشيته عادي بس قطيت من بيناتهن لاعاد ت

سافر لهالاشياء قال توبه وربي توبه وكملنا سوالف بس


والحمدالله ع كل حال ​

 

[^عطرالندى^]

اختي غلطانه الشمالي ماينفع معاه الضعافه خليييييك واثقه وقولي مستحيل ارضى تسوي زي كذا اجل بعد الزواج وش بيسوي اذا سكتي له واعذريني ع صراحتي بس وربي ماودي يصير لك الاكل خير انا كنت هبللللللله زمان الحين تعلمممممممممت كثير الحمدلله وانا ماقولك لاتكلميه لا بس خلي كلامك مختصر وطنشيه لاتقولي له كلام حلو كثير بيحس وبيجي يترضاااااااااااااااااك والله يسخره لك ويسخر زوجي يااارب

 

[غرامي ضحكته]

آمين حبيبتي انا وياك ان الشمالي يكره الضعافه وانا ع فكره مرات اشد واكشت

ومرات لا الين وكذا بس هالمره قلت مادام حس بغلطه ووعد مايروح ليش اكبرها


انا اكو مواقف خذيت فيها موقف يمكن اطول بالصده او اغير اسلوبي بس سلام واسد حتى اهو تجنن

وتغير للاحسن وياي حسيته جد يحب الوقت قويه ولها حياتها وماتتنازل عن حقها ...



ومشكوره غلاتي ع المرور وربي يهنيك بحياتك ​