ممكن من وقتك شوي

[*دلع*]

كيفكم بناااااات حابه استشيركم طلع فيني التهاب بالحلق والم فضيع ماني قادره اكل ولا اشرب واذا صحيت من النوم حلقي كأنه جرح الم مو طبيعي عطاني الدكتور ايموكس اكلت حبه وانا خايفه منه يجي البيبي شي وش رايكم انصحوني ..... وغير كيذا مادري وش اشرب حاجه دافيه تكفون الي عنده طريقه لتخفيف الالتهاب ياليت تقولي .. وتراني توني لي شهر حامل وان شاء الله قريب يصير لي شهرين

 

[أميرة ريلي..]

بعيد لج الجواب ^^

ياربي .. يا دلع

انا جيه كنت قبل اسبوعين و تم معاي اسبوعين ياربي شلون تعبت ..

تخيلي كل مره اخذ بروحي ستربسلز و اشرب شي حار .. شاي او شاي اخضر حليب ساخن لين اخر شي مول ما تحملت يتني حمى و طول الليل اون من الالم ..الصبح ثاني يوم سرت العياده قالت لي الدكتور ليش ما يتي قبل مو زين المهم سوت لي تحليل دم عقب عرفت انه فيني بيكتيريا بلوزي و عطتني مضاد مناسب للحمل لأني كنت اسبوه و بدخل 12 اسبوع .. المهم تميت عليه اسبوع والحمدلله الحمدلله خفيت ..

يالسه اقرا ردج و حسيت بمعاناتج ..

ربي يشفيج بس لازم تسيرين العياده لأنه قالت لي الدكتوره هالبكتيريا مو زينه يمكن تسبب اجهاض ,, عافانا الله ..

 

[فراشة حبيبي]

حبيبتي حاولي تشربين شوربات و عصير الليمون الله يشفيك​

 

[sahab]

من تجربة قبل ما تنامي كوب عصير ليمون مع ماء مع ملعقة عسل حر و حطي جنبك لما تنامي عسل حر ممزوج مع زيت الزيتون و كل ما تحس بوجع خدي ملعقة صغيرة و حاولي ما تبلعيه بسرعة و لا تاخدي شيء بعدو

 

[*دلع*]

مشكورات ماقصرتن الله يعطيكم العافيه طيب فيه احد جرب .. مضاد ايموكس .. عطاني اياه الدكتور واستشرة دكتورتي ويقولون ما منه ضرر بس انا خايفه منه

 

[أميرة ريلي..]

حبوبه انا المضاد اللي خذته ما احيد شو اسمه نسيت .. بسألّج و برد عليج ..

بس جوفي اذا الدكتور قال لج ما منه ضرر اتوكلي عالله و لا تخفين ..

 

[احساس الدنيا]

والله انا نفس الحالة عندي التهاب الله يكرمك بالبول واعطتني الدكتور اموكسيل وقالت ما ياثر وانا باول الحمل بس اخدتو كم مررة وبطلت خفت ان شاء الله ما ياثر

 

[أم ديمة]

لا حبيبتي خذيه أختي ما عالجت التهابات البول ببداية حمله ولا خذت مضادات وبالسادس رجع لها المرض وسبب له(بعيد الشر عنك)ولادة مبكرة وبنتها كانت جدا ماعندها مناعة بسبب التهابات ما عالجتها بالمضاد والحمدلله ..
وتوكلي على الله ، خصوصا البول يأثر على الجنين..

 

[نغمات النجاح]

بما ان الطبيب كتب لك الدواء لما الخوف
استخدمي الدواء بانتظام حتى لايعود اليك الالتهاب وباذن الله الدواء يزيد مناعتك
اشربي سوائل دافيه
وممكن كوب ماء دافي مع قطرات من اليمون وملعقة عسل مرتين باليوم
شفاك الله واتم حملك
تحياتي

 

[الجواااان]

حبيبتي اعصري ليمونتين وحطيه بالابريق وحطي ملعقه صغيره ملح خشن وملح صغيره كمون واغليهم بالنار واذا دفى سويه مثل الغرغره وبتشوفين باذن الله كيف بيخف الالم ....وتغرغري كمان بالمره بس لاتشربينها لاني اخاف تضر الحامل ...والله يسهل عليك يارب ويهون ولادتك ويرزقني وكل محرومه