ممكن تساعدوني شوي في معرفه زوجي؟؟!!

[Alsalam_81]

السلام عليكم

ادري العنوان مو واضح بس انا قريت عن الازواج الجنوبيين والشماليين ولا عرفت زوجي اي نوع فيهم :flex: ادري بتضحكون علي بس باقولكم صفات زوجي//ليش بتزوجينه خخخخخخخخخخخ

زوجي من النوع الكسول اللي يحب حد يشجعه
متذمر ودايما يعصب وقت الزحمه في الشارع
تعليقاته وايد ومنتقد في كل شي ولا يعجبه شي ولو صار الشي صح كمان يعلق
متردد ويحب ياخد رايي بس ورغم ذلك احيانا يعمل اللي براسه حتى لو خد رايي ويعمل العكس
يغير رايه في اليوم الف ودايما لما نتفق على قرار معين بالليل يتغير في الصبح ويقرر شي ثاني
دايما يتشكى من كل شي
بيتوتي رقم واحد يظل قاعد في البيت ولا يطلع الا نادرا مع ربعه

ورغم هذا كله هو انسان رومانسي ويحب الهدوء ويكره كل الكره الصراخ والصوت العالي ويحب لما يطلع يطلع معاي اكثر شي واحيانا الطلعات العائليه
انسان ناجح والحمد لله في شغله بس مو اجتماعي عكسي تماما

هاي اغلب صفاته يا ريت تعلموني كيفيه التعامل معه ؟؟ لاني صارت صفاتي مثله من كثر ما يقعد في البيت يعني صايره مثله متذمره ودائمه التشكي وغير اجتماعيه وكسوله

ناطره رايكم وردكم علي وشكرا:in_love::in_love:

 

[Alsalam_81]

للرفع

 

[RedRose]

بصراحة ما عرفت احدد بس ممكن تقرين صفات الشمالي والجنوبي في موضوع الاخت القلب الكبير وشوفي زوجك تغلب عليه اي صفات

بالتوفيق والله يسخر لك زوجك

 

[Alsalam_81]

تسلمين اختي على ردك بس انا مو بس ابي اعرف اي نوع هو بس ابي اعرف كيفيه التعامل معاه لاني عجزت افهمه رغم سنين زواجنا بس احس احيانا بغموض ما ادري شلون اوضح اكثر

وتسلمين على مرورك

 

[نفاف دبي]

كأنك تتكلمين عن زوجي تماما ... كثرة التشكي و التذمر و البيتوتية .. نادرا ما يطلع مع ربعه .. لو طلع يطلع معاي بس أو مع الأهل ... يهتم بالتفاصيل الدقيقة و يا ويلي لو نسيت أسوي له شي .. يقعد يحسسني بالذنب لين ما أكره حياتي .. متعلق فيني و إذا رحت بيت أهلي يقعد يحن و يتصل بس عشان أرجع البيت .. يعني لو أنا موجودة بالبيت و كنت نايمة بدري مثلا هو عادي يقعد بالصالة على النت ولا يطالع مباراة .. لا مرات يقولي انزين ارقدي على الكنب بعدين انا بوعيج .. لا تخليني و ترقدين بالحجرة .. ولو أنا رايحة عرس ولا طالعة مع خواتي ..يقعد مثل الياهل و يروح ينام من وقت ولما أرجع ما يكلمني مع إني أكون مستأذنة منه و هو راضي ..

ياليت تساعدونا عشان نكتشف رياييلنا ؟؟ أنا بعد ما عرفت أحلل الشخصيات عدل..

 

[بيالة شاي]

ياليت حد من الخبيرات يرد عليكم ....

 

[Alsalam_81]

اختي نفاف دبي مشكوره على مرورك

كل اللي ذكرتيه في زوجك مثل زوجي تماما الا في سالفه الطلعه يحب الفكه خخخخخخخخخخخ مو قصدي بس يحبني اروح عند اهلي او اطلع على الاقل ولا يسأل ويحبني اطول في الروحه عند اهلي وحجته انه يبي يشتغل شوي او يقعد على التلفزيون من دون ازعاج العيال تخيلي

ويظل يتذمر لما اقعد على النت او اشتغل شوي في البيت واذا جيت اقعد معاه يفر عن القناه اللي كان حاطط عليها ويحط على الرياضه او اي شي فاحس انه اسلوب تطفيش وان طولت في القعده يقوللي ليش ما غسلتي الثياب او او او يعني متناقض جدا

والتناقض الثاني انه يشكي ويقول ما تنامين وتحبين السهر وانا اساسا سهرانه مع العيال ويقولي لازم تاخدين كفايتك من النوم واول امس نمت انا والعيال الساعه 1 الا البنت الصغيره تصحى الساعه3 الفجر وتقعد لين الساعه 9 الصبح ولا تبي تنام ويقوللي خلاص ما انتي نمتي من الساعه 1 لين 3 كفايه؟؟؟ شايفه التناقض

يا ريت حد يعلمنا شلون نتعامل معاهم

شاكره لك مرورك

 

[Alsalam_81]

اختي بيالة شاي

شاكره لك مرورك عزيزتي

 

[**الفارسة**]

يغلب علية صفات الجنوبي اتوقع كذا اقري اكثر عن الجنوبين بتتأكدين,,,,,,,,,,وشكرا

 

[Alsalam_81]

اختي الفارسه شاكره لك مرورك عزيزتي