ملحقي ... محاتج مهندسة ديكوريشن ...

[عروس دبي]

السلام عليكن خواتي...

انا عروس يديه وعندي ملحق ببيت ريلي ... المشكلة انهم عملو كل الديكورات بدون حتى ياخذون رايي... والمشكلة انها مب عايبتني فبغيت اغير ...

المشكلة الاساسية هي اليدار ؟؟
امسوينه بالكامل (حجر) سيراميك مغربي !! بالكامل الصالة وغرفة النوم والممر !!
احس ان الصالة والغرفة حشره بالرغم من انهم فاضيات بسبب الحجر المغربي...

غرفة النوم ..
مشكلتها ستائرها باللون الأحمر الغامق (مخمل) والاثاث بني (مش غامق كثير) ما فيه تناسق
شو المناسب لها ؟؟ هل اغير الستائر الى اللون البيج او لون اخر؟؟

الصالة ...
الستائر لونها بنفسجي... يعني يمشي الحال بس مشكلتها الاساسية الحجر المغربي كثير واضح ومسونها زحمة كثير....

بغيت احمل الصور بس ما قدرت (شو احسن موقع احمل منه الصور؟)...

شو الحل بنظركم شو اسوي ...

 

[^غلا دبي^]

الغاليه انا ما فهمت شو تقصدين بالحجر المغربي؟

اذا ما تقدرين تحملين الصور

حطي لنا صوره من الانترنت عن هالحجر


انا دورت واتوقع انه مثل هالنوعيه

اذا مثلها هل هم حاطينه على كل الدفعات يعني اليدار كاااامل والا جزء منه؟

وشو الالوان الموجوده فيه؟


بالنسبه لغرفة النوم لون الستاره مناسب لكل الاثاث البني ما عدا الدرجات الفاتحه منه

ممكن تغيرين مفرش السرير الى نفس لون الستاره وتلعبين بالديكور من ابجورات و كوشنات وتكون باللون الذهبي بتطلع الغرفه فخمه



اذا قدرتي تنزلين الصور ان شاء الله بقدر اساعدج بافكار اكثر

 

[بقعة ضوء]

ممكن تهدي لون الستارة تغيريه للون الفاتح عشان تعطيك مساحة و وسع للمكان

 

[عروس دبي]

عزيزتي غلا دبي

بحاول اطرش لج الصور عالخاص وشوفيهم اذا تقدرين تعطيني افكار ..

 

[^غلا دبي^]

اتريا الصور يا عروس دبي

 

[طش]

حطي الستاره فاتحه بيج اوذهبي اما احمر احس موحلو
بس ياختي احس صعب تغيرين بسرعه صبري شوي لاتستعجلين حتى لو موعاجبك