مقهوره علا بنتي

[مامت جوانا]

السلام عليكم اخواتي العزيزات
اليوم صار موقف مع بنتي مررررررررره انقهرت
اقولكم هو هدي الايام عندي اجازه فقلت خليني اروح اصلي الجمعه ورحنا انا وبنتي
المسجد وكان في كم حرمه المهم انا بنتي ماشاء الله تبارك الرحمن بيضه وحلوه ماشاء الله ودايمن تضحك للناس دوبها مكمله سنه وبس تحبي المهم وهناك تضحك للحريم وتروح عندهم كانت في وحده بنتها مدري كم عمرها امكن سنتين تطالع في جواانا المهم لما بدأنا نصلي الا ديكا البنت تبكيييييييييييي وجوانا الملقوفه راحتلها وانا قلبي خلاص ومقدر اقطع الصلاه وانا في الصف الاول المهم الا شويه سمعت بكا جوانا بشكل مو طبيعي تركت الصلاه ورحت لقيت ديكا البنت مطيحه بنتي وعضتها في خدودها والله يابنات شوويه والطش البنت وبنتي تبكييييي يااقلبو حزنتني اخدتها وحضنتهاااا وديكا البنت صارت تضرب الاطفال التانييين قمت بعدتهم
بعدهاجات ام البنت واتاسفتلي وانا خلاص شوويه ببكي علا بنتي اول مره كدا احد يسويلها ودحين خدوود بنتي حمررررااا

سامحوني اذا طولت بس كنت ابغا افضفض

 

[أسماء زكي الدين]

ربنا يحفظها لك ويبارك لك فيها

حبيبتي في أطفال بطبعهم هاديين وفي أطفال بطبعهم عنيفين
والتربية بعدين بتضبط كل طفل منهم

قصدي إن البنت الثانية ليس صنيعها خطأ أمها إنما طبع !!!


الشيء المهم هو لا تتركي ابنتك تبتعد عنك ولا حتى في المسجد

قد تتعرض للخطر بأي شكل من الأشكال غير إنها ممكن لا قدر الله تتعرض للاختطاف والبنت صغيرة يعني لن تستطيعي إفهامها كيف تكون ردت فعلها في مثل هذه المواقف

 

[مامت جوانا]

جزاك الله الف خير اختي اسماء عالنصيحه والله ماجا في بالي بس تاني مره حنتبه ان شاء الله
و تعرفي كدا صار احمرر ودويرا في الجهتين من الخد وعند خشمها يااربي والله خايفه من زوجي انا عارفه حتهزأ منه
يااارب احفظلي بنتي

 

[gloryaa2009]

اختي اعملي لها ثلج كي لا يصبح لون الخد ازرق

كما قالت لك الاخت اسماء زكي الدين لا تتركي ابنتك وحدها ابدا حتى و لو في المسجد

حفظ الله ابنتك و اولاد جميع المسلمين

 

[الحب حبي]

الحمد لله على سلااامتهاااا
الحمدلله حمراااا ولا تقطععع الخد
الله يخليلك هيا

 

[ام مقبل]

الحمدلله على سلامتها

 

[شهودة العسولة]

الحمدلله على سلامتها
والله يبركلك فيها

 

[ام فجوره 22]

حمدالله ع سلامتها
ومره ثانيه حطي بالج عليها
هالامر جات جي مره ثانيه سمله
عليها تنخطف او شي الله لا يقوله

 

[- نور الليالي -]

الحمد لله على سلااامتهاااا وكويس انها ما دفتها من درج لا قدر الله بعد كدا صلي وانتي شايلها مايضر ولاتربشك في صلاتك وتقطع خشوعك

 

[اسيرة الصــمت]

الحمد لله على سلامتها
ياختي انتبهي لبنتك الدنيا مافيها امان لو ابتعدت عنك ممكن يصير فيها شي الله يحفضها
وانتي تقولي بنتك حلوة وبيضا ممكن يكون في المسجد من قلبة مريض ويخطفها انتبهي عليها

 

[قلبي_الكويت]

الله يحفظها ديريبالج عليها

 

[مامت جوانا]

جزاكم الله الف خير حبيباتي علا اهتمامكم وتوبه اسيبها لوحدها
تصدقو صديقاتي جووني وقلت لاولاادهم يااويلكم الا يسوي لجوانا شي ههههه

 

[فديتني كيووت]

الله يخليلج بنتج حبيبتي ويحفظها من كل شر

 

[الدلع لى]

الله يحفظ بنتك انا لما كانو بناتي في عمر بنتك ما اطلع كثير و في البيت وراهم وين ما راحو

 

[زمن العجائب]

الحمد لله على سلامتها

 

[وحيده في دنياي]

وش تقولين بس
بعض البزارين كذا
انا اخت زوجي عمرها 4سنوات
وولدي 11شهر من تشوفه تضربه بدون سبب

ولاشافت اي طفل تضربه ضرب الله لايوريك

الحمد لله والشكر

الله يفكهم ولايبيلي عيالنا
وكل هذا راجع لتربية الاهل